Ioane 21:19 - Tokelauan New Testament

¹⁹ (Na lea vēnei ia Iehu ke fakailoa ai te auala ka oti ai ia Petelu, ma maua ai he vīkiga mo te Atua.) Oi vāgana atu ia Iehu ki a Petelu, “Mulimuli mai ki a te au!”

Ioane 21:19 ပူးပေါင်းရင်းမြစ်များ

Mataio 10:38

Ko te tino e hē ia amoa tona hātaulo ma mulimuli mai ki a te au, e hē aogā ia mo au.

Mataio 19:28

Kua vāgana atu ia Iehu ki a te ki lātou, “E takutino atu e au ki a te koutou, i te ōlaga fou koi hau, ko te Ataliki o te Tagata ka nofo i luga o tona nofoāliki mamalu. Ma ko koutou iēnā kua mulimuli mai ki a te au, ka nonofo foki i nā nofoāliki e hefululua, ke pūlea nā puikāiga e hefululua o Ihalaelu!

Mataio 8:22

Kae kua tali atu ia Iehu, “Mulimuli mai ki a te au kae tuku vē nā tino oti ke tanu e ki lātou o lātou lava tino oti.”

Ioane 12:26

Ko ai lava he tino e fia kaukauna mai ki a te au, e tatau ke mulimuli mai ki a te au, ma ko te mea e i ei au, ka i ei ai foki taku kaukauna. Ko ai lava e kaukauna mai ki a te au, ka vīkia ia e toku Tamana.

Ioane 12:33

(Na lea vēnei ia Iehu kae ke fakailoa ai te itūkāigā oti ka pa ia ki ei.)

Ioane 18:32

(Ko te mea tēnei na tupu, kae ke taunuku ai te mea na lea ai ia Iehu, e uiga ki te itūkāigā oti e oti ai ia.)

Ioane 21:18

E takutino atu e au ki a te koe te meamoni; ka koi tamaiti koe, nae fai lava e koe tō fuhipaku ma fano ki ho he mea e fia fano koe ki ei; kae kāfai koe e matua, ka falōlō atu ō lima, oi ōmamai ai nā tino oi fai tō fuhipaku, ma kave koe ki he mea e hē fia fano koe ki ei.”

Ioane 21:22

Kua tali mai ia Iehu ki a te ia, “Kāfai au e fofou ke ola pea ia ke toe hau au, he ā te popole ai koe ki ei? Mulimuli mai ki a te au!”

Filipi 1:20

Ko te mea e fakamoemoe ma naunau lahi au ki ei, ke nahe i ei lele he taimi e fakahētonu ai taku gāluega, kae i taimi uma lava, kae maihe lava te taimi nei, ke tumu au i te loto toa, kae ke fakaaogā ai toku tagata kātoa ke maua ai he vīkiga mo Keliho, e tuha lava pe ola ai au, pe oti ai.

2 Petelu 1:14

ona e iloa e au kua hē mataloa he taimi oi pa mai ai te oti ki a te au, e vē ona fakamanino lelei mai ki a te au e to tātou Aliki ko Iehu Keliho.