Ioane 21:17 - Tokelauan New Testament

¹⁷ Kua fakatolu oi fehili atu ia Iehu, “Himona, te ataliki o Ioane, e alofa mai koe ki a te au?” Kua lagona e Petelu te fakanoanoa ona kua fakatolu oi fehili ake ia Iehu, “E alofa mai koe ki a te au?” oi lea vē atu ai, “Te Aliki, e iloa e koe nā mea uma; e iloa e koe ko au e alofa atu ki a te koe!” Kua vāgana atu ia Iehu ki ei, “Tauhi aku māmoe.

Ioane 21:17 ပူးပေါင်းရင်းမြစ်များ

Mataio 25:40

Ma ka tali vē atu te Tupu ki ei, ‘E takutino atu e au ki a te koutou: ho he taimi lava na koutou faia ai te mea tēnei ki hētahi o ki lātou nei oku uho e pito hili te fakaalofa, na koutou faia te mea tēnā ki a te au!’

Maleko 14:72

Ko te taimi lava tēnā na vivini fakalua ai te moa, ma na manatua ai loa e Petelu te kupu a Iehu na fai ake ki a te ia, “Ka ko hēki vivini fakalua te moa ka kua fakafiti fakatolu koe e hē kē iloa au.” Oi kāmata loa kua tagi.

Ioane 12:8

Ka i ei pea lava nā tino mātitiva ma koutou, kae ka hē i ei pea lava au ma koutou.”

Ioane 13:38

Kua tali mai ia Iehu, “Ko koe moni kua hāuni ke oti mo au? E takutino atu e au ki a te koe te meamoni: ka ko hēki vivini ia moa ka kua fakafiti fakatolu koe, e hē kē iloa au.”

Ioane 14:15

“Kāfai koutou e alolofa mai ki a te au, tauhi la ki aku fakatonuga.

Ioane 15:10

Kāfai koutou e uhitaki ki nā mea e fakatonu atu ai koutou e au, ka tūmau foki koutou i toku alofa, e vē lava ona uhitaki au ki nā mea e fakatonu mai e te Tamana, ma tūmau ai au i tona alofa.

Ioane 16:30

Kua ki mātou iloa nei, e kē iloa ia mea uma lele; e hē tau i ei ni fehili e fai atu, auā kua uma te kē iloa o te mea i te māfaufau o te tino ka ko hēki fai atua hana fehili. Ko te mea ia kua talitonu ai ki mātou ko koe na hau mai te Atua.”

Ioane 18:27

Kae kua toe fakafiti foki ia Petelu; ma i te taimi tonu lava tēnā, na vivini ai te moa.

Ioane 18:4

Kua uma te iloa e Iehu o nā mea uma ka pa ia ki ei, oi hau ai ki mua, ma lea vē atu ki a te ki lātou, “Ko ai ta koutou e hakili?”

Ioane 21:18

E takutino atu e au ki a te koe te meamoni; ka koi tamaiti koe, nae fai lava e koe tō fuhipaku ma fano ki ho he mea e fia fano koe ki ei; kae kāfai koe e matua, ka falōlō atu ō lima, oi ōmamai ai nā tino oi fai tō fuhipaku, ma kave koe ki he mea e hē fia fano koe ki ei.”

Ioane 4:16

Oi lea atu ai ia Iehu ki ei, “Fano la oi kaumai tau āvaga.”

Gāluega 1:24

Oi fai ai te lātou tatalo, “Te Aliki, e kē iloa ia loto o tagata uma lele. Ko te mea ia, te Atua e, fakaali mai ki a te ki mātou pe ko ai o te toka lua tēnei kua kē filifilia

Gāluega 11:10

Na fakatolu lava ona fakatonu vēnei ia Petelu e te Atua, oi toe kavake ai ki i te lagi te mea tēnei.

Gāluega 15:8

Ma ko te Atua, tē e ia iloa ia māfaufauga o tagata uma, kua ia fakailoagia ko nā tino nukukehe e mafai foki ke talitonu ki te Aliki, e ala i te tuku atu e ia ki a te ki lātou o te Agaga Paia.

2 Kolinito 1:12

Ko ki māua e mafai ke fāfifia auā ko o mā lotofuatia e mamā lava. Ko a mā gāluega i te lalolagi nei, kae maihe lava i te va ma koutou, e fai lava ma te fakamāoni ma te loto mamā mai te Atua. Ko te mana o te alofa tūnoa o te Atua te mafai ai nā mea iēnei, kae hē ona ko he poto o te tagata.

Efeho 4:30

Ma nahe koutou faia he mea ke fakanoanoa ai te Agaga Paia o te Atua. Auā ko te Agaga Paia ko te fakailoga ia a te Atua kua i outou luga e iloa ai ko koutou e a ia, ko he fakailoga mautinoa tēnā e iloa ai ka i ei te Aho ka fakahaoloto ai koutou e te Atua.

1 Petelu 1:6

Koutou ke fiafia e tuha ai ma te mea tēnei, e ui lava ko koutou e tatau ke fakanoanoa mo hina taimi, ona ko te mau tofotofoga e pa koutou ki ei.

2 Petelu 3:1

Te kau uho pele, ko te lua tēnei o aku tuhi e kavatu ki a te koutou. I nā tuhi e lua iēnei, e fakamanatu atu lava e au nā mea iēnei kae ke fakatupu ai ni manatu mamā ia te koutou.

Fakaaliga 2:23

Ka kō tāmatea foki nā tino e mulimuli ki te fafine, ma ka iloa ai e nā Ekalehia uma, ko au te tino e ia iloa ia manatu ma manakoga o tagata uma lele. Ka kō tauia koutou tau tokatahi uma, e tuha ai ma autou mea nae fai.

Fakaaliga 3:19

Ko nā tino e alofa au ki ei, e akoaki ma fakahala e au; koutou la ke mataala ma liliu kehe mai autou agahala.