Ioane 21:16 - Tokelauan New Testament

¹⁶ Kua fakalua oi fehili atu ia Iehu, “Himona, te ataliki o Ioane, e alofa mai koe ki a te au?” Kua tali mai ia Petelu, “Io, te Aliki, e kē iloa lava ko au e alofa atu ki a te koe.” Kua vāgana atu ia Iehu, “Tauhi aku māmoe.”

Ioane 21:16 ပူးပေါင်းရင်းမြစ်များ

Mataio 2:6

‘Peteleema i te fenua o Iuta, ko koe ko hētahi o kakai pito tāua o Iuta; auā mai ia te koe ka hau ai he takitaki ka ia takitakia oku tagata Ihalaelu.’ ”

Mataio 25:32

ma ka ōmamai ia tagata o mālō uma ki a te ia. Oi vāevāe ai e ia ki lātou ki ni vāega e lua, e vē lava oi tuku kehekehe e te leoleomāmoe nā māmoe ma nā oti.

Mataio 26:72

Ma na toe fakafiti foki ia Petelu ma tali vē atu, “E hē kō iloa te tino tēnā.”

Luka 19:10

Ko te Ataliki o te Tagata na hau ke hakili, ma ke fakaola nā tino kua gagalo.”

Ioane 18:17

Kua lea atu te teine i te faitotoka ki a Petelu, “E hē ko koe nei foki tētahi o hoko o te tamāloa tēia?” Kua tali mai ia Petelu. “Hēai, e hē ko au.”

Ioane 18:25

Ko Petelu koi tū lava i kinā, e fakamāfanafana i te afi. Oi lea atu ai iētahi tino ki ei, “E hē ko koe nei tētahi o hoko o te tino tēia?” Kae na fakafiti ia Petelu ma lea vē atu, “Hēai, e hē ko au.”

Ioane 21:17

Kua fakatolu oi fehili atu ia Iehu, “Himona, te ataliki o Ioane, e alofa mai koe ki a te au?” Kua lagona e Petelu te fakanoanoa ona kua fakatolu oi fehili ake ia Iehu, “E alofa mai koe ki a te au?” oi lea vē atu ai, “Te Aliki, e iloa e koe nā mea uma; e iloa e koe ko au e alofa atu ki a te koe!” Kua vāgana atu ia Iehu ki ei, “Tauhi aku māmoe.

Gāluega 20:28

Ko te mea ia, koutou ke mataala ma kikila lelei te lafu māmoe kua tuku atu e te Agaga Paia ke kikila e koutou. Ke kavea koutou ma leoleomāmoe o te Ekalehia a te Atua, tēia kua ia kavea ke fai mo ia, e ala i te toto o tona Ataliki.

Epelu 13:20

Kua toe fakatū e te Atua to tātou Aliki ko Iehu mai te oti, ko ia ko te Leoleomāmoe Hili, ona ko tona toto kua fakamautū ai te feagaiga ke pa ki te fakavavau. Ke fōki atu ki a te koutou e te Atua o te fīlēmū nā mea lelei uma e manakomia e koutou, kae ke mulimuli ai koutou ki tona finagalo, ma ke fai e ia ki a te ki mātou e ala ia Iehu Keliho, nā mea e fiafia ia ki ei. Ma ke vīkia pea lava ia Keliho ke pa ki te fakavavau! Amene.

1 Petelu 2:25

Auā ko koutou nae vē ni māmoe na gagalo, kae nei kua toe kaumai koutou ke mulimuli ki te Leoleomāmoe, tē e kikilagia ma puipuia nā mea uma e lelei i loto ia te koutou.

1 Petelu 5:2

ke kavea koutou e vē ni leoleomāmoe ma tauhi te lafu māmoe a te Atua kua tuku atu ke koutou kikilagia. Ke koutou faia te mea tēnei ma te loto kātoatoa e vē ona fofou ki ei te Atua, kae nahe faia ma he loto hē kātoatoa. Ke kavea tautou tautua ko he mea e fofou moni koutou ke koutou faia, kae nahe vē ko he mea ke maua ai ni autou tupe.

Fakaaliga 7:17

auā ko te Punuamāmoe, tē ei lototonu o te nofoāliki, ka fai ia ma o lātou leoleomāmoe, ma ka ia takitakia ki lātou ki nā vaipuna o te vai o te ola. Ma ka holoi kehe e te Atua nā loimata uma mai o lātou mata.”