Ioane 21:1 - Tokelauan New Testament

¹ Kua uma atu te mea iēnei, oi toe fakailoa ai ia Iehu ki ona hoko i te matāfaga o te Vaitūloto ko Tipelia. E vēnei te auala na fakailoa ai ia ki a te ki lātou.

Ioane 21:1 ပူးပေါင်းရင်းမြစ်များ

Mataio 26:32

Kae kāfai e uma te fakataunukuga o toku toetū mai te oti, ko au ka fano muamua ia te koutou, ki Kalilaia.”

Mataio 28:16

Kua olo nā hoko e toka hefulutahi ki te mauga i Kalilaia, ki te mea na poloaki ai ia Iehu ke olo ki ei.

Mataio 28:7

Olo vave loa nei oi taku ki ona hoko, ‘Kua toe tū mai ia i te oti, ma ko ia e muamua atu ia te koutou ki Kalilaia; ka koutou kitea ia i kinā.’ Koulua e hē puli i te mea kua lea atu ai au ki a te koulua.”

Maleko 16:12

Kua uma atu te mea tēnā, oi fakakitea ai ia Iehu i he tūlaga e kehe mai i te fakakiteaga muamua, ki ni hoko e toka lua ka koi havavali kehe atu ki lāua mai te kakai.

Maleko 16:14

Mulimuli ake oi fakakitea ai ia Iehu ki nā hoko e toka hefulutahi ka koi fai te lātou katiga. Oi munaia ai e ia ki lātou ona ko to lātou hē fakatuatua ma te loto makaka, kua hē talitonu ai ki nā tino na ki lātou kiteagia ia talu tona toe tū mai i te oti.

Maleko 16:7

Olo loa oi fai te fekau tēnei ki ona hoko ma Petelu: ‘Ko ia e muamua atu ia te koutou ki Kalilaia; ka koutou kitea ia i kinā, e vē lava ko te mea na lea atu ai ki a te koutou.’ ”

Ioane 21:14

Ko te fakatolu tēnei o taimi kua fakailoa ai ia Iehu ki ona hoko, talu tona toetū mai te oti

Ioane 6:1

Kua uma atu te mea tēnei, oi fano ai ia Iehu ki tētahi itū o te Vaitūloto ko Kalilaia (ko Tipelia tētahi ona igoa).

Ioane 6:23

Ka ko iētahi vaka mai Tipelia, na tau ake tafapili ki te mea na kakai ai te kaifenua i nā falaoa, ina kua uma te fai o te fakafetai e te Aliki.

Gāluega 1:3

I nā aho e fahefulu talu te mate o Iehu, na ia fakakitea ia ki a te ki lātou i ni taimi e lahi, ma i ni auala e fakamāonia lelei ai ko ia kua toe tū mai i te oti. Na ki lātou kitea ia Iehu, ma na tautala ia Iehu ki a te ki lātou e uiga ki te Mālō o te Atua.