Ioane 20:26 - Tokelauan New Testament

²⁶ Kua teka atu te vaiaho e fokotahi, nae fakatahi ai foki te kau hoko i loto fale ma nae i ei ai ia ma Toma. Ko nā faitotoka nae loka, kae kua hau ia Iehu oi tū i te mea e i ei ai ki lātou ma vāgana atu vēnei, “Ke ia te koutou te fīlēmū.”

Ioane 20:26 ပူးပေါင်းရင်းမြစ်များ

Mataio 17:1

Kua teka atu nā aho e ono, oi kave ai e Iehu ia Petelu ma te kau uho ko Iakopo ma Ioane kua olo ki luga o he mauga maualuga nā ko ki lātou.

Maleko 16:14

Mulimuli ake oi fakakitea ai ia Iehu ki nā hoko e toka hefulutahi ka koi fai te lātou katiga. Oi munaia ai e ia ki lātou ona ko to lātou hē fakatuatua ma te loto makaka, kua hē talitonu ai ki nā tino na ki lātou kiteagia ia talu tona toe tū mai i te oti.

Luka 24:36

Ka koi fakamatala atu e te toka lua te mea tēnei, kae nā lava e teki, ko Iehu kua i te mea e i ei ai ki lātou, ma kua vāgana vē mai, “Ke ia te koutou te fīlēmū.”

Luka 9:28

Kua kātoa te valu o aho talu te lea atu o Iehu i nā mea iēnei, oi kave ai e ia ia Petelu, ma Ioane ma Iakopo, kua olo fakatahi ma ia ki luga o he mauga, ke tatalo ai.

Ioane 11:16

Kua lea atu ia Toma (tēia e fakaigoa ko te Māhaga) ki iētahi o te kau hoko, “Tātou olo uma fakatahi ma te Faiakoga, kae ke oti fakatahi ki tātou ma ia.”

Ioane 14:27

“Ko te fīlēmū e tuku e au ma koutou; ko taku fīlēmū e tuku atu e au ki a te koutou. E hē kō tuku atua ki a te koutou e vē ona fai e tagata o te lalolagi. Nahe atuatuvale outou loto; nahe koutou mātataku.

Ioane 20:19

I te pō o te aho lava tēnā, te pō o te aho Hā, na potopoto ai te kau hoko i loto fale kae loka te faitotoka, auā e mātataku i nā takitaki o Iutaia. Oi hau ai ia Iehu oi tū i te mea e i ei ai ki lātou, ma vāgana vē mai, “Ke ia te koutou te fīlēmū.”

Ioane 20:21

Kua toe vāgana atu ia Iehu ki a te ki lātou, “Ke ia te koutou te fīlēmū. E vē ona uga mai au e te Tamana ki te lalolagi, e vēnā foki ona uga atu koutou e au ki te lalolagi.”

Ioane 21:1

Kua uma atu te mea iēnei, oi toe fakailoa ai ia Iehu ki ona hoko i te matāfaga o te Vaitūloto ko Tipelia. E vēnei te auala na fakailoa ai ia ki a te ki lātou.

Ioane 21:14

Ko te fakatolu tēnei o taimi kua fakailoa ai ia Iehu ki ona hoko, talu tona toetū mai te oti

Gāluega 1:3

I nā aho e fahefulu talu te mate o Iehu, na ia fakakitea ia ki a te ki lātou i ni taimi e lahi, ma i ni auala e fakamāonia lelei ai ko ia kua toe tū mai i te oti. Na ki lātou kitea ia Iehu, ma na tautala ia Iehu ki a te ki lātou e uiga ki te Mālō o te Atua.