Ioane 20:25 - Tokelauan New Testament

²⁵ Oi taku ai ki ei e iētahi o te kau hoko, kua vē atu ki ei, “Kua kitea e ki mātou te Aliki!” Kua lea atu ia Toma ki a te ki lātou, “Kāfai au e hē kikila ki nā māila o nā fao i ona lima ma tuku ki ei toku muamuālima, ma tuku toku lima ki tona itū, e hē mafai au ke talitonu.”

Ioane 20:25 ပူးပေါင်းရင်းမြစ်များ

Mataio 27:42

“Na fakaola e ia iētahi tino, ka ko tē e hē ia mafaia oi fakaola ia ia lava! E hē ko ia nei ko te Tupu o Ihalaelu? Kāfai e ia mafaia oi fanaifo ki lalo o te hātaulo, oi fātoā talitonu ai ki tātou ki ei.

Maleko 16:11

Kae i te ki lātou lagonaga ko Iehu kua toe ola, na kitea e Malia, e hēki talitonu ki ei.

Maleko 16:13

Na toe liliu te toka lua ki Ieluhalema oi taku ki iētahi o te kau hoko, kae e hēki talitonu he tino ki ei.

Maleko 16:14

Mulimuli ake oi fakakitea ai ia Iehu ki nā hoko e toka hefulutahi ka koi fai te lātou katiga. Oi munaia ai e ia ki lātou ona ko to lātou hē fakatuatua ma te loto makaka, kua hē talitonu ai ki nā tino na ki lātou kiteagia ia talu tona toe tū mai i te oti.

Luka 24:25

Oi vāgana atu ai ia Iehu ki a te ki lāua, “Kai koutou te vālelea ma tuai talitonu ki nā mea uma na lea ai te kau pelofeta!

Ioane 1:41

Na maua muamua e ia tona uho ko Himona, oi lea vē atu ai ki ei, “Kua maua e ki māua te Mehia” (Ko te uiga o te kupu tēnei “Keliho.”)

Ioane 20:27

Oi vāgana atu ai ki a Toma, “Tuku mai tō muamuālima ki eī, ma kikila ki oku lima; papae mai tō lima ki te māila i toku itū. Ia koe la nahe toe māhalohalo, kae talitonu.”

Ioane 21:7

Kua lea atu te hoko, tē e alofa ki ei ia Iehu, ki a Petelu, “Ko te Aliki tēnei!” I te lagona atuga e Himona Petelu ko te Aliki, oi toe fai ai tona kofu pito ki fafo ona na ia tatala kehea, kae oho ki te tai.

Ioane 6:30

Kua lea atu ki lātou, “He ā he fakailoga e kē mafaia oi fai ke kikila ki mātou ki ei, kae ke talitonu atu ai ki mātou ki a te koe? He ā te kē mafaia oi fai?

Epelu 3:12

Koutou la ke mataala te kau uho, kae ke nahe i ei lele he tino o koutou e ia te ia he loto kino ma te hē talitonu, ma liliu kehe ai mai te Atua e ola.

Epelu 3:18

I te faiga o te tautōga tēnei a te Atua, “Ka hē pa lele ki lātou ki te nuku na mea e tuku atu ai e au ki a te ki lātou he malōlōga” — ko ai te na fai agai ki ei? Na fai ki nā tino na fakatuikehe.