Ioane 20:23 - Tokelauan New Testament

²³ Kāfai e fakamāgalo e koutou nā agahala a nā tino, e vēnā lava ona fakamāgalogia; kāfai e hē fakamāgaloa e koutou, e vēnā foki lava ona hē fakamāgalogia.”

Ioane 20:23 ပူးပေါင်းရင်းမြစ်များ

Mataio 16:19

Ka kō tuku atua ki a te koe nā kī o te Mālō o te lagi; ko nā mea e fakahā e koe i te lalolagi ka fakahā foki i te lagi, ko nā mea e fakataga e koe i te lalolagi ka fakataga foki i te lagi.”

Mataio 18:18

“E takutino atu e au ki a te koutou uma; ko nā mea e fakahā e koutou i te lalolagi, ka fakahā foki i te lagi, ko nā mea e fakataga e koutou i te lalolagi, ka fakataga foki i te lagi.

Ioane 20:22

Oi mānava atu ai ia ki a te ki lātou ma lea vē atu, “Talia te Agaga Paia.

Gāluega 10:43

Ko ia te na molimau ai te kau pelofeta uma, ko nā tino uma e talitonu ki a te ia, ka fakamāgalogia a lātou agahala, e ala i te mana o tona igoa.”

Gāluega 2:38

Oi lea atu ai ia Petelu ki a te ki lātou, “Ko koutou uma tau tokatahi e tatau ke liliu kehe mai autou agahala ma papatihogia i te igoa o Iehu Keliho, kae ke fakamāgalo ai autou agahala; ma koutou maua ai te Agaga Paia, te meaalofa mai te Atua.

1 Kolinito 5:4

e vē lava au e i kinā fakatahi ma koutou. Kāfai koutou e maopoopo, ma i ei ai ma toku agaga fakatahi ma te mana o to tātou Aliki ko Iehu,

Efeho 2:20

Ko koutou foki, kua fau ake e vē he fale ki luga o te fakavae na tuku ki lalo e te kau apohitolo ma te kau pelofeta, ma ko Iehu Keliho ko te fatu tulimanu.

1 Timoteo 1:20

Ko iētahi o ki lātou iēnei e i ei ai ia Himenaio ma Alehana. Kua uma te kō tuku atua o te toka lua tēnei ke pule ai ia Hātani, kae ke fai ma akoakoga ki a te ki lāua ke nahe toe fāifāi ki te Atua.