Ioane 20:21 - Tokelauan New Testament

²¹ Kua toe vāgana atu ia Iehu ki a te ki lātou, “Ke ia te koutou te fīlēmū. E vē ona uga mai au e te Tamana ki te lalolagi, e vēnā foki ona uga atu koutou e au ki te lalolagi.”

Ioane 20:21 ပူးပေါင်းရင်းမြစ်များ

Mataio 10:16

“Kikila! Ko koutou e uga atu e au e vē lava ni māmoe ki te mea e i ei ai nā luko. Ko koutou la e tatau ke popoto e vē ko nā gata ma agamalū e vē ko nā lupe.

Mataio 10:40

“Ko ai lava e ia talia koutou, kua ia talia foki au, ma ko ai lava e ia talia au kua ia talia foki tē na ia uga maia au.

Luka 24:36

Ka koi fakamatala atu e te toka lua te mea tēnei, kae nā lava e teki, ko Iehu kua i te mea e i ei ai ki lātou, ma kua vāgana vē mai, “Ke ia te koutou te fīlēmū.”

Ioane 13:20

E takutino atu e au ki a te koutou te meamoni: ko ai lava e talia e ia he tino e uga atu e au, kua ia talia foki au; ma ko ai lava e ia talia au, kua ia talia foki tē na ia uga maia au.”

Ioane 14:27

“Ko te fīlēmū e tuku e au ma koutou; ko taku fīlēmū e tuku atu e au ki a te koutou. E hē kō tuku atua ki a te koutou e vē ona fai e tagata o te lalolagi. Nahe atuatuvale outou loto; nahe koutou mātataku.

Ioane 20:19

I te pō o te aho lava tēnā, te pō o te aho Hā, na potopoto ai te kau hoko i loto fale kae loka te faitotoka, auā e mātataku i nā takitaki o Iutaia. Oi hau ai ia Iehu oi tū i te mea e i ei ai ki lātou, ma vāgana vē mai, “Ke ia te koutou te fīlēmū.”

Ioane 20:22

Oi mānava atu ai ia ki a te ki lātou ma lea vē atu, “Talia te Agaga Paia.

Ioane 20:26

Kua teka atu te vaiaho e fokotahi, nae fakatahi ai foki te kau hoko i loto fale ma nae i ei ai ia ma Toma. Ko nā faitotoka nae loka, kae kua hau ia Iehu oi tū i te mea e i ei ai ki lātou ma vāgana atu vēnei, “Ke ia te koutou te fīlēmū.”

Ioane 3:17

Auā e hēki uga maia e te Atua tona Ataliki ke fakamahino ia tagata o te lalolagi, kae na uga mai ke fakaola, e ala ia te ia.

Gāluega 1:2

ke pa lava ki te aho na hikitia ake ai ki te lagi. Ka ko hēki hikitia la, kae fai tana fakatonuga e ala i te mana o te Agaga Paia ki nā taulelea na ia filifilia, ke fai ma ana apohitolo.

Gāluega 1:8

Kae i te taimi e fanatu ai te Agaga Paia ki outou luga, ka fakatumulia koutou i te mana ma kavea ai koutou ma molimau e uiga ki a te au i loto o Ieluhalema, Iutea ma Hāmālia, ma ke pa lava ki te gataga o te lalolagi.”

2 Timoteo 2:2

ma ko nā mea kua fakalogo koe e akoako e au i mua o tagata e tokalahi, ke vēnā foki oi tuku atu e koe ki ni tino fakamoemoegia, ke ki lātou akoako atua ki iētahi tino.

Epelu 3:1

Te kau uho Kelihiano, koutou iēnā kua kalagagia foki e te Atua! Māfaufau ki a Iehu, tēia na uga mai e te Atua ke kavea ma Ulu Ohitāulaga ke fehoahoani ki nā mea uma e tālaki e ki tātou, ma e talitonu ki tātou ki ei.

3 Ioane 1:14

E fakamoemoe au ka feiloaki ki tātou i he taimi lata mai, oi kua faitatala fakatahi ai ki tātou.