Ioane 20:20 - Tokelauan New Testament

²⁰ Kua uma te vāgana vēnei atu o Iehu, oi fakaali ai ki a te ki lātou ona lima ma tona itū. Na fakatumulia te hau hoko i te fiafia i te kiteaga e ki lātou o te Aliki.

Ioane 20:20 ပူးပေါင်းရင်းမြစ်များ

Mataio 28:8

Oi olo kehe vave ai loa ki lāua mai te tugamau ma te mātataku, kae na fakatumulia foki ki lāua i te fiafia lahi, ma kua fētutuli oi taku ki ona hoko.

Ioane 16:20

E takutino atu e au ki a te koutou te meamoni; ka faitatagi ma lauē koutou, kae ka fiafia te lalolagi; ka fakanoanoa koutou, kae ko te koutou fakanoanoa ka līua ki te fiafia.

Ioane 16:22

E vēnā foki la koutou; i te taimi nei ko koutou e fakanoanoa, kae ka toe kitea au e koutou, ma ka fakatumulia ai outou loto i te fiafia, te itūkāigā fiafia e hē mafai e he tino oi kave kehe mai ia te koutou.

Ioane 19:34

Kae kua velo e tētahi o nā fitafita tana tao ki te itū o Iehu, ma ko te taimi lava tēnā na maligi mai ai ki fafo te toto ma te vai. (

Ioane 20:25

Oi taku ai ki ei e iētahi o te kau hoko, kua vē atu ki ei, “Kua kitea e ki mātou te Aliki!” Kua lea atu ia Toma ki a te ki lātou, “Kāfai au e hē kikila ki nā māila o nā fao i ona lima ma tuku ki ei toku muamuālima, ma tuku toku lima ki tona itū, e hē mafai au ke talitonu.”

Ioane 20:27

Oi vāgana atu ai ki a Toma, “Tuku mai tō muamuālima ki eī, ma kikila ki oku lima; papae mai tō lima ki te māila i toku itū. Ia koe la nahe toe māhalohalo, kae talitonu.”

1 Ioane 1:1

Ko ki mātou e tuhi atu ki a te koutou e uiga ki te Kupu o te ola, tēia nae i ei mai lava i te kāmataga. Kua fakalogo ki mātou ki ei, ma kua kikila o mātou mata ki ei; io, kua kitea e ki mātou, ma kua paki ki ei o mātou lima.