Ioane 20:1 - Tokelauan New Testament

¹ I te taeaopō o te aho Hā ka koi pōuli, na fano ai ia Malia te Makatala ki te tugamau, ma na ia kitea ai ko te fatupae nae pupuni ai kua kave kehe.

Ioane 20:1 ပူးပေါင်းရင်းမြစ်များ

Mataio 27:56

Ko iētahi o ki lātou iēnei, ko Malia te Makatala, ko Malia te mātua o Iakopo ma Iohefa, ma te āvaga a Hepetaio.

Mataio 27:60

ma tuku ki loto o te tugamau na fātoā uma te keli ki loto o he itū-mauga papa mo ia lava, ma ko hēki fakaaogā lele. Oi fuli ai e ia he fatupae lahi, kua pupuni ai te gutu o te tugamau, oi fano kehe ai loa.

Mataio 27:64

Fakatonu ko ke leoleo fakalelei tona tugamau ke pa ki te tolu o aho, kae ke hē mafai ai e nā hoko o ia oi kaihohoa tona tino, ma lea ai ki tagata, ko Iehu kua toe fakatū mai i te oti. Ko te talapepelo mulimuli tēnei, ka hili atu lele te kino, i lo te talapepelo muamua.”

Mataio 27:66

Oi olo ai loa kua fakamau lelei te fatu e tapuni ai te tugamau ma fakapipiki ki ei te fakailoga e fakahā ai he tino e tago ki ei, ma tuku ai nā fitafita ke leoleoa.

Mataio 28:1

Kua teka te Hāpati ma kua tafa ia ata o te aho Hā, oi olo ai ia Malia te Makatala ma tētahi Malia, oi kikila ki te tugamau.

Mataio 28:2

Kae teki lava kua to te mafuie lahi; kua fanaifo he agelu a te Aliki mai te lagi, kua fēke kehe te fatupae ma nofo ai i luga.

Maleko 15:46

Kua fakatau mai e Iohefa he kie vavae, oi tuku ifo ai e ia te tino o Iehu ki lalo mai te hātaulo, kua āfīfī i he kie vavae, oi tuku ai ki loto o he tugamau na keli ki loto o he itū-mauga papa. Oi fuli ai e ia he fatupae lahi, kua pupuni ai te gutu o te tugamau.

Maleko 16:9

I te toe tū maiga o Iehu mai te oti i te taeaopō o te aho Hā, na fakakitea muamua ki a Malia te Makatala, tēia na ia tuli kehea mai ai nā tēmoni e toka fitu. Kua olo nā fafine ki a Petelu ma ona hoa, oi taku ki ei nā mea uma lele na lea ake ai ia Iehu ki a te ki lātou.

Ioane 11:38

Na toe lagona e Iehu te loto tīgā lahi, oi fano ai ki te tugamau; ko te tugamau ko he ana, ma e i ei he fatu e tapuni ai te faitotoka.

Ioane 11:41

Oi kave kehe ai e ki lātou te fatu. Kua kikila ake ia Iehu ki te lagi ma vē ake, “Te Tamana, ko au e fakafetai atu ki a te koe, auā kua kē lagona mai au.

Ioane 19:25

Nae tutū tafapili ki te hātaulo o Iehu tona mātua, te uho o tona mātua, ma Malia te āvaga a Kolopa, vēnā ma Malia te Makatala.

Ioane 20:26

Kua teka atu te vaiaho e fokotahi, nae fakatahi ai foki te kau hoko i loto fale ma nae i ei ai ia ma Toma. Ko nā faitotoka nae loka, kae kua hau ia Iehu oi tū i te mea e i ei ai ki lātou ma vāgana atu vēnei, “Ke ia te koutou te fīlēmū.”

Gāluega 20:7

I te afiafipō o te Aho Tonai, na maopoopo ai ki mātou mo te kaiga fakatahi a te kau Kelihiano. Na tautala ia Paulo ki tagata ma na talatalanoa ai lava ki ei ke pa lava ki te tūlua o pō, ona ko te aho alafaki e tuku e fano kehe ai.

1 Kolinito 16:2

I nā Aho Hā takitahi uma, e tatau ke tuku kehe e koutou tau tokatahi he tupe, e fua lava ki te tupe a te tino e maua, ma fakaputu, kae ke nahe toe tau aoa ai ni tupe kāfai au e pa atu.

Fakaaliga 1:10

I te aho o te Aliki, na ulufia ai au e te Agaga o te Atua ma na kō lagona ai he leo lahi e vē he tagi o he pu e ili, e tautala mai ki a te au mai oku tua.