Ioane 2:18 - Tokelauan New Testament

¹⁸ Ona ko te mea na fai e Iehu i te Mālumalu, na ōmamai ai ki a te ia nā tino Iutaia ma he lātou fehili e vēnei, “He ā he fakailoga e kē faia, ke fakamāonia ai ki a te ki mātou, kua ia te koe te pule ke fai ai te mea tēnei?”

Ioane 2:18 ပူးပေါင်းရင်းမြစ်များ

Mataio 21:23

Kua toe foki mai ia Iehu ki te Mālumalu; ma ka koi akoako atu ia ki tagata, kae ōmamai te kau ohitāulaga hili ma te kau toeaina kua fehili vē atu ki ei, “E āi te pule e fai ai e koe nā mea iēnei? Ko ai te na ia fōki atua ki a te koe te pule tēnei?”

Maleko 8:11

Kua ōmamai ni tino o te kau Falehaio ki a Iehu ma kāmata fīnau ki ei. Nae fofou ke ki lātou tofotofoa ia Iehu, oi na lea ai ki ei ke fai he fakailoga ofoofogia ke iloa ai pe kua ia te ia moni te pule mai te Atua.

Luka 11:29

Kua kāmata oi tumutumu mai te kaifenua, oi vāgana atu ai Iehu, “Kai te kino o nā tino i nā aho nei! E lea mai ki he fakailoga ofoofogia, kae e hēai he fakailoga e faia mo ki lātou, vaganā ai te fakailoga na fai ki a Iona.

Ioane 1:19

Ko tēnei te molimau a Ioane, i te uga atuga e nā takitaki o Iutaia i Ieluhalema ni ohitāulaga ma ni ha-Levī ke fehili vē ki ei, “Ko ai koe?”

Ioane 1:25

kua fehili vē atu ki a Ioane, “He ā la te papatiho ai e koe nā tino kāfai ko koe e hē ko te Mehia, pe ko Elia pe ko te Pelofeta?”

Ioane 6:30

Kua lea atu ki lātou, “He ā he fakailoga e kē mafaia oi fai ke kikila ki mātou ki ei, kae ke talitonu atu ai ki mātou ki a te koe? He ā te kē mafaia oi fai?

Gāluega 4:7

Kua fakatutū e ki lātou ia Petelu ma Ioane i mua o te fono, oi fehili vē ai ki ei, “Na vēhea ona mafai e koulua oi fakamālōlō te pipili? E o ai te mana pe ko te igoa na koulua faia ai te mea tēnei?”

Gāluega 5:28

“Na fakatonu lelei atu lava koutou e ki mātou ke nahe toe faia autou akoakoga i te igoa o te tino tēnei. Kae kikila atu ki te mea kua pa ki ei! Kua fakahalalau e koutou autou akoakoga ki Ieluhalema kātoa, ma taumafai koutou ke tukuaki mai ki a te ki mātou tona mate!”