Ioane 2:11 - Tokelauan New Testament

¹¹ Ko te fakailoga muamua tēnei na fai e Iehu, i Kana i Kalilaia; ko kinā na ia fakaalia ai tona mamalu, ma na talitonu ai ki a te ia ona hoko.

Ioane 2:11 ပူးပေါင်းရင်းမြစ်များ

Ioane 1:14

Na liu tino tagata te Kupu ma nae mau fakatahi ma ki mātou, ma tumu i te alofa tūnoa ma te fakamāoni. Na kikila ki mātou ki tona mamalu, te mamalu o te Ataliki e tokatahi o te Tamana.

Ioane 1:17

Ko nā Tūlāfono, na tuku mai e te Atua kui mai ia Mohe; kae ko te alofa tūnoa ma te meamoni, na kui mai ia Iehu Keliho.

Ioane 1:43

I te aho alafaki, na tonu ai ia Iehu ko ia ka fano ki Kalilaia. Na maua e ia ia Filipo, oi lea vē atu ai ki ei, “Mulimuli mai ki a te au.”

Ioane 1:50

Kua lea atu ia Iehu, “Ko koe nei kua talitonu ona ko au na lea atu, na kō kitea koe i lalo o te mati? Ka kē kiteagia nā mea e tutupu, e hili atu lele te ofoofogia i lo te mea tēnei!”

Ioane 10:41

E tokalahi nā tino na ōmamai ki a te ia, ma nae lea vē ki lātou, “E hēki faia e Ioane ni fakailoga, kae ko nā mea uma lele na lea mai ai e uiga ki te tino tēnei, kua hako lava.”

Ioane 11:15

ma ko au e fiafia ko au nae hē i ei ma ia, kae ke mafai ai koutou ke talitonu mai ki a te au. Keina tātou olo loa ki a Lahalo.”

Ioane 11:47

Oi na fono ai te kau Falehaio ma nā ohitāulaga hili fakatahi ma te Taupulega, ma kua lea vē ki atu lātou, “He ā ta ki tātou ka fai? Kikila ki te lahi o nā fakailoga kua fai e te tagata tēnei!

Ioane 12:18

Ko te mea ia na olo ai ia tagata oi fakafetaui ia Iehu — ona kua ki lātou lagona na ia faia te fakailoga tēnei.

Ioane 12:37

E ui na ia faia nā fakailoga uma iēnei i mua o tagata, e hēki talitonu ki lātou ki a te ia,

Ioane 12:41

Na lea vēnei ia Ihaia auā na kitea e ia te mamalu o Iehu, ma nae tautala ki tagata e uiga ki ei.

Ioane 14:13

Ho he mea lava e gogō atu koutou ki ei i toku igoa, e fai e au, kae ke fakailoa ai te mamalu o te Tamana, e ala i te Ataliki.

Ioane 16:27

auā ko te Tamana lava ia e alofa atu ki a te koutou. E alofa atu ki a te koutou, auā ko koutou e alolofa mai ki a te au ma talitonu ko au na hau mai te Atua.

Ioane 16:30

Kua ki mātou iloa nei, e kē iloa ia mea uma lele; e hē tau i ei ni fehili e fai atu, auā kua uma te kē iloa o te mea i te māfaufau o te tino ka ko hēki fai atua hana fehili. Ko te mea ia kua talitonu ai ki mātou ko koe na hau mai te Atua.”

Ioane 2:1

I tona tolu o aho, na fai ai he fakaipoipoga i Kana i Kalilaia. Nae i kinā te mātua o Iehu,

Ioane 2:23

Ka koi i Ieluhalema ia Iehu i te taimi o te Kaiga Fakamanatu o te Pāheka, e tokalahi nā tino na talitonu ki a te ia, ona kua ki lātou kiteagia nā fakailoga nae ia faia.

Ioane 3:2

Kua pa ki tētahi pō, oi fano ai ki a Iehu ma lea vē atu ki ei, “Te Faiakoga, e ki mātou iloa ko koe he faiakoga na uga mai e te Atua. E hēai he tino e ia mafaia oi fai nā fakailoga e fai e koe, vaganā ko te Atua e i ei fakatahi ma ia.”

Ioane 4:3

I te lagonaga la e Iehu o te fakamatalaga tēnei, oi fano kehe ai ma Iutea, kua toe foki ki Kalilaia.

Ioane 4:46

Oi toe fano ai ia Iehu ki Kana i Kalilaia, ki te mea na ia fakaliu uaina ai nā vai. Nae i Kapenaumi he tino ofiha o te mālō, ko tona ataliki nae tauale.

Ioane 4:54

Ko te lua tēnei o fakailoga na fai e Iehu, i te fanaifoga mai Iutea ki Kalilaia.

Ioane 5:23

kae ke vīkia ai e tagata uma te Ataliki e vē oi vīkia e ki lātou te Tamana. Ko te tino e hē ia vīkia te Ataliki, e hē ia vīkia foki te Tamana na ia uga maia te Ataliki.

Ioane 6:14

I te kiteaga e nā tino te fakailoga na fai e Iehu, oi lea vē ai ki lātou, “E hako lava ko te Pelofeta tēnei na tuku e hau ki te lalolagi!”

Ioane 6:2

E tokalahi te kaifenua kua mulimuli atu ki a te ia, ona na kitea e ki lātou nā fakailoga na ia faia na fakamālōlō ai nā tauale.

Ioane 6:26

Kua tali mai ia Iehu, “E takutino atu e au ki a te koutou te meamoni; ko au e koutou hakilia ona ko koutou na kakai mākokona i nā falaoa, kae hē ona ko koutou kua mālamalama i nā fakailoga na fai e au.

Ioane 6:30

Kua lea atu ki lātou, “He ā he fakailoga e kē mafaia oi fai ke kikila ki mātou ki ei, kae ke talitonu atu ai ki mātou ki a te koe? He ā te kē mafaia oi fai?

Ioane 7:31

Kae e tokalahi nā tino i te kaifenua kua talitonu ki a te ia ma lea vē, “Kāfai te Mehia e hau, ei na ka lahi atu nei nā fakailoga e ia faia i lo te tagata tēnei?”

Ioane 9:16

Ko iētahi o te kau Falehaio kua lea vē, “Ko te tino na ia faia te mea tēnei e hē he tino e hau mai te Atua, auā kua hē uhitaki ki te tūlāfono e uiga ki te Hāpati.” Ka ko iētahi kua lea vē, “E vēhea ona mafai e he tino agahala oi fai ni fakailoga vēnei?” Oi na i ei ai he fekehekeheakiga ia te ki lātou.

2 Kolinito 3:18

Ko ki tātou uma la te kitea ai te huhulu pupula o te Aliki e ala i o tātou fōliga e hē pupunia i he kie ufimata; ma ko te huhulu pupula lava tēnā e fokotahi e hau mai te Aliki, ko ia ko te Agaga, e ia fakaliuagia ki tātou ke vē lava ko ia, i he huhulu pupula e hilihili te uiga kehe.

2 Kolinito 4:17

Ma ko nā tamā fakafītāuli iēnei e fetaiaki ma ki mātou ka maua ai e ki mātou nā vīkiga e fakavavau, e lahi mamao atu i lo nā fakafītāuli.

2 Kolinito 4:6

E lea mai nā Tuhituhiga paia, “Na fakatonu e te Atua te mālamalama ke huhulu i loto o te pōuliuli.” Nei kua fakahuhulu e te Atua tona mālamalama i loto o nā loto o ki tātou, ke iloa ai e ki tātou tona huhulu pupula i fōliga o Keliho.

1 Ioane 5:13

Ko au e tuhi atu vēnei ki a te koutou kae ke koutou iloa kua maua e koutou te ola e hē gata — koutou iēnā kua talitonu ki te Ataliki o te Atua