Ioane 19:9 - Tokelauan New Testament

⁹ Oi toe fano ai ia Pilato ki loto o tona fale, ma fehili vē atu ki a Iehu, “Ko koe e hau mai fea?” Kae e hēki tali ki ei ia Iehu.

Ioane 19:9 ပူးပေါင်းရင်းမြစ်များ

Mataio 26:63

Kae ko Iehu kua hē kīkī lele. Oi toe fehili atu ai ki ei te Ulu Ohitāulaga, “Ko au e lea atu nei ki a te koe i te igoa o te Atua ola, taku mai ki a te ki mātou te meamoni: ko koe moni ko te Mehia, te Ataliki o te Atua?”

Mataio 27:27

Oi kave ai ia Iehu e nā fitafita a te kōvana ki loto o te fale o te kōvana, ma kua fakapotopoto uma te vāega tēnā o nā fitafita fakatāmilo ia Iehu.

Luka 23:9

Ko te mea ia na lahi ai ana fehili na fai ki a Iehu, kae e hēki tali lele ki ei ia Iehu.

Ioane 18:28

I te taeaopō, oi kave ai ia Iehu mai te fale o Kaiafa ki te fale o te kōvana. Ko nā takitaki o Iutaia e hēki olo ki loto o te fale o te kōvana; nae mumuhu nā ki lātou e hē mamā i nā mea tau tāpuakiga, ona kua nonofo fakatahi ma nā tino nukukehe, ma hē mafai ai ki lātou ke kakai i te Kaiga Fakamanatuga o te Pāheka.

Ioane 18:33

Kua toe fano ia Pilato ki loto o tona fale ma fakatonu ke kaumai ia Iehu. Oi fehili vē atu ai ki ei, “Ko koe moni ko te Tupu o tagata Iutaia?”

Ioane 18:34

Kua tali mai ia Iehu, “Ko te fehili nei tēnā e a koe lava, pe na lea atu ni tino ki a te koe e uiga ki a te au?”

Ioane 18:37

Oi fehili atu ai ia Pilato ki ei, “Ko koe la ko he tupu, ni?” Ka kua tali mai ia Iehu, “Ko koe tēnā e lea ko au he tupu. Ko au na fānau mai ma na hau ki te lalolagi nei ke molimau ki te meamoni. Ko ki lātou uma e i te meamoni, e uhitaki mai ki a te au.”

Ioane 19:10

Oi kua toe lea vē atu ia Pilato ki ei, “He ā te hē tautala mai ai koe ki a te au? E hē kē iloa e ia te au te pule e mafai ke fakahaoloto pe fakahātaulo ai koe?”

Ioane 19:8

I te lagona atuga e Pilato o te fakakupuga tēnei, oi fakaatili ai tona mataku.

Ioane 8:14

Oi tali atu ai ia Iehu, “E tuha pe ko au e molimau lava au ki a te au, ko taku takutinoga e hako, auā e iloa e au te mea na hau ai au, ma te mea e fano au ki ei. E hē iloa e koutou te mea na hau ai au ma te mea e fano au ki ei.

Filipi 1:28

Koutou nahe mātataku i nā tino e teteke atu ki a te koutou; loto toa i taimi uma ma ka fai tēnā ma fakamāoniga ki a te ki lātou, ko ki lātou ka fakatōkilalogia ka ko koutou ka manumālō, ona ko te Atua e ia fōkiatua te manumālō ki a te koutou.