Ioane 19:40 - Tokelauan New Testament

⁴⁰ Kua kave e ki lāua te tino o Iehu, kua uku i nā lolo manogi ma āfīfī i nā kie vavae, e vē ko te tu a Iutaia i te hāuniga o te tino oti ke tanu.

Ioane 19:40 ပူးပေါင်းရင်းမြစ်များ

Mataio 26:12

Kua liligi e ia te lolo manogi tēnei ki luga o toku tino ke hāuni ai mo toku tanuga.

Maleko 14:8

Kua fai e te fafine te mea e ia mafaia; kua fakauku fakato e ia toku tino mo te tanuga.

Luka 24:12

Kae kua tū ake ki luga ia Petelu oi vili ki te tugamau; kua punou ifo ki lalo, oi ia kitea ai nā ko nā kie tugamau. Oi toe foki ai ki te fale, kua ofo lahi lele ki te mea kua tupu.

Ioane 11:44

Kua hau ki fafo ia Lahalo, ko ona vae ma ona lima e fuhi i ni fuhi, ma nā mata e pulupulu i he kie. Oi lea atu ai ia Iehu ki a te ki lātou “Tatala kehe nā fuhi, oi tuku ai ke fano.”

Ioane 12:7

Kae kua vāgana atu ia Iehu, “Tuku vē te fafine ke tāofi e ia te mea kua ia te ia, mo te aho e tanu ai au.

Gāluega 5:6

Oi ōmamai ai nā taulelea talavou oi āfīfī tona tino, ma hiki ki fafo oi tanu.