Ioane 19:38 - Tokelauan New Testament

³⁸ Kua uma atu nā mea iēnei, oi talohaga ai ia Iohefa, he tino e hau mai te kakai ko Alimatea, ki a Pilato ke kave e ia te tino o Iehu. (Ko Iohefa ko hētahi ia o nā tino nae mulimuli ki a Iehu, kae nae hē ia fakailoa lele auā e mataku i nā takitaki o Iutaia.) Na talia tana talohaga e Pilato, oi kave ai e ia te tino o Iehu.

Ioane 19:38 ပူးပေါင်းရင်းမြစ်များ

Ioane 12:42

E ui i tēia, e tokalahi ia takitaki o Iutaia na talitonu ki a Iehu; kae ona ko to lātou mātataku i te kau Falehaio, na hēki fofou ai ke fakailoa ki tagata to lātou talitonuga, auā nā ki lātou e tutulia ki fafo o te hūnako.

Ioane 7:13

Kae ona ko te lātou mātataku i nā takitaki o Iutaia, na hēki tautatala leo lalahi ai ke lagona e tagata.

Ioane 9:22

Na lea vēnā ona mātua, ona kua mātataku i nā takitaki o Iutaia, auā kua uma te fai o te lātou tonu, ko te tino e lea ko ia e talitonu ko Iehu ko te Mehia, e tuli kehe mai loto o te hūnako.

Gāluega 13:29

Ma ina kua uma te fakataunuku e ki lātou o nā mea uma e lea mai ai nā Tuhituhiga Paia e uiga ki a Iehu, oi tuku ifo ai e ki lātou tona tino ki lalo mai te hātaulo, ma tuku ai ki loto o he tugamau.

Filipi 1:14

Kua kavea toku i te falepuipui ma mea e mautū ai te talitonu o te tokalahi o te kau uho Kelihiano ki te Aliki, ma ka ātili tupu ai pea to lātou fakamālohi ki te tālakiga o te fekau e aunoa ma he mataku.