Ioane 19:18 - Tokelauan New Testament

¹⁸ Ko kinā na fakahātaulo ai e ki lātou ia Iehu; ma na fakahātaulo ai foki ma iētahi tamāloa e toka lua, e takitahi i nā itū kae e i to lā va ia Iehu.

Ioane 19:18 ပူးပေါင်းရင်းမြစ်များ

Mataio 27:44

E pa foki lava kinā tino kaihohoa na fakahātaulo fakatahi ma Iehu, na fakatauemu foki vēnā ki a te ia.

Ioane 18:32

(Ko te mea tēnei na tupu, kae ke taunuku ai te mea na lea ai ia Iehu, e uiga ki te itūkāigā oti e oti ai ia.)

Ioane 19:32

Oi olo ai nā fitafita kua tagau nā vae o te tino muamua ma tona lua o tino na fakahātaulo ma Iehu.

Gāluega 2:23

Ko he peleni lava e a te Atua te na ia tukulima atu ai ia Iehu ki a te koutou; ma na tāmate e koutou i te kua fakataga e koutou nā tino agahala, ke ki lātou fakahātauloagia.

Kalatia 3:13

Kae ko te kavea o Keliho ma fakahalaga mo ki tātou, kua ia fakahaoa ai ki tātou mai te fakahalaga e kaumai e te Tūlāfono; auā e leamai te tuhituhiga paia, “Ho he tino e fakatautau i luga o he lākau ma tāmate, ei lalo o te fakahalaga a te Atua.”

Epelu 12:2

ma kikila pea ki a Iehu, tē na ia kamatagia ma fakakātoatoagia to tātou fakatuatua mai te kāmataga ki te ikuga. E hēki fakavāivai lele ia Iehu ona ko te hātaulo. Kae ona ko te fiafia e fakatalitali mo ia, e hēki popole lele ai ki te tūlaga takuvalea o te mate i luga o te hātaulo, ma i te taimi nei la, kua nofo i te itū taumatau o te nofoāliki o te Atua.