Ioane 19:17 - Tokelauan New Testament

¹⁷ Kua takitaki e ki lātou ki fafo o te kakai e amo tona hātaulo, ma kua taunuku atu ki te koga e igoa ko te “Ulupoko.” (Ko “Kolokota” i te gagana Epelu.)

Ioane 19:17 ပူးပေါင်းရင်းမြစ်များ

Mataio 10:38

Ko te tino e hē ia amoa tona hātaulo ma mulimuli mai ki a te au, e hē aogā ia mo au.

Mataio 16:24

Oi vāgana atu ai ia Iehu ki ona hoko, “Kāfai he tino e fia mulimuli mai ki a te au, e tatau ke tīaki e ia nā mea e fiafia ia ki ei, kae amo tona hātaulo ma mulimuli mai ki a te au.

Mataio 27:37

I luga ake o tona ulu kua ki lātou tūhia ai te mea na mōlia ai e vēnei, “Ko Iehu tēnei, te Tupu o Tagata Iutaia.”

Maleko 10:21

Kua kikila hako atu ia Iehu ki te tamāloa ma tona alofa, oi lea vē atu ai ki ei, “Toe tahi lava la te mea ko hēki kē faia. Fano oi fakatau au mea uma lele ma fōki te tupe ma nā tino mātitiva, ma ka maua ai e koe nā koloa e lahi i te lagi; oi hau ai oi mulimuli mai ki a te au.”

Maleko 15:26

Ko te fakakupuga i te tuhi na tūhia ai nā mōliga o ia, e vēnei, “Ko te Tupu o Tagata Iutaia.”

Maleko 15:32

Tātou kikila la ki te Keliho, te tupu o Ihalaelu, ke fanaifo ki lalo o te hātaulo i te taimi nei, kae ke talitonu ai ki tātou ki a te ia!” Kua vēnā foki oi fakatauemu ki a Iehu te toka lua na fakahātaulo fakatahi ma ia.

Maleko 8:34

Oi kalaga atu loa ia Iehu ki tagata ma ona hoko ke ōake ki a te ia, oi vāgana atu ai ki ei, “Kāfai he tino e fia mulimuli mai ki a au, e tatau ke tīaki e ia nā mea e fiafia ia ki ei, kae amo tona hātaulo ma mulimuli mai ki a te au.

Luka 14:27

Ko ai lava he tino e hē ia amoa tona hātaulo ma mulimuli mai ki a te au, e hē mafai ke kavea ia ma oku hoko.

Luka 23:26

Kua takitaki kehe ia Iehu e nā fitafita, oi fetaui ai ma he tamāloa mai Kulene ko Himona tona igoa, e agai mai ki te kakai mai nā nuku i tua. Kua tāofi e ki lātou ia Himona ma tuku ki ona luga te hātaulo ke ia amoa, ma mulimuli i tua o Iehu.

Luka 23:33

Kua tau atu ki lātou ki te koga e takua ko te “Ulupoko,” oi fakahātaulo ai e ki lātou ia Iehu i kinā, fakatahi ma na pagotā e toka lua, ko tētahi i tona itū taumatau, ma tētahi i tona itū tauagavale.

Luka 23:38

I luga ake o ia, na tūhia ai nā kupu iēnei, “Ko te Tupu tēnei o Tagata Iutaia.”

Luka 9:23

Oi vāgana atu ai ia Iehu ki a te ki lātou uma, “Kāfai he tino e fia mulimuli mai ki a te au, e tatau ke tīaki e ia nā mea e fiafia ia ki ei, kae amo tona hātaulo i aho uma, ma mulimuli mai ki a te au.

Ioane 19:13

I te lagona atuga e Pilato nā fakakupuga iēnei, oi kave ai e ia ia Iehu ki fafo, ma nofo ki luga o te nofoa fakamahino i te mea e takua ko te “Ala Folafatu” (Ko te igoa i te gagana Epelu ko te “Kapata.”)

Ioane 5:2

I tafa o te faitotoka e igoa ko te Faitotoka o Māmoe i Ieluhalema, e i ei te vaitākele e lima ona poletito; ko Peteha tona igoa i te gagana Epelu.

Gāluega 7:58

kua tataki ia Hetefano ki fafo o te kakai, ma fetogi i nā fatu. Na tuku e nā tino molimau o lātou peleue tatao, ke kikila e he taulealea e igoa ki a Haulo.