Ioane 18:8 - Tokelauan New Testament

⁸ Kua lea atu ia Iehu, “Kua uma toku lea atu ko au tēnei. Kāfai ko au ta koutou e hakili, tuku la nā tino iēnei ke olo.” (

Ioane 18:8 ပူးပေါင်းရင်းမြစ်များ

Mataio 26:56

Kae ko nā mea uma iēnei kua tutupu, kae ke taunuku ai nā mea nā tūhia e te kau pelofeta i loto o nā Tuhituhiga Paia.” Oi tīaki ai ia Iehu e te kau hoko uma, kae fētutuli kehe.

Ioane 10:28

E kō fokia ki a te ki lātou te ola e fakavavau, ma ka hē fakaumatiagia lele ki lātou. E hē mafai e he tino oi hamu kehe atu ki lātou mai taku tauhiga.

Ioane 13:1

Kua pa ki te aho e hohoko ki te Kaiga Fakamanatu o te Pāheka, ma kua iloa e Iehu ko te itūlā kua pa mai, ke tukua ai e ia te lalolagi kae fano ki te Tamana. Nae alofa pea lava ia ki ona tagata i te lalolagi, ma nae alofa ki a te ki lātou ke pa lava ki te ikuga.

Ioane 13:36

Kua fehili atu ia Himona Petelu. “Te Aliki, ko koe e fano ki fea?” Kua tali mai ia Iehu, “E hē kē mafaia oi mulimuli mai ki te mea e fano au ki ei i te taimi nei, kae e hau te taimi oi mulimuli mai ai koe ki a te au.”

Ioane 16:32

E hau te taimi, ma kua pa mai, ka takape ai koutou ma fano lava te tino ki tona kāiga, kae tīaki au tautahi. Kae ko au e hē tautahi, auā ko te Tamana e fakatahi ma au.

Ioane 18:7

Kua toe fehili atu ia Iehu ki a te ki lātou, “Ko ai ta koutou e hakili?” Kua lea mai ki lātou, “Ko Iehu te Nahaleta.”

Ioane 18:9

Na lea vēnā ia Iehu kae ke taunuku ai tana kupu na lea ai vē, “Te Tamana, e hēki i ei he tino e fokotahi o ki lātou na kē fōki maia ki a te au, na māumau tona ola.”)

1 Kolinito 10:13

Ko nā tofotofoga kua pa koutou ki ei ko te itūkāiga lava e tahi e maua ai foki ia tagata uma. Kae ko te Atua e tauhi ki tana folafolaga, ma e hē ia tukua koutou ki he tofotofoga e hili atu i lo te koutou mālohi ke mau lelei ai autou tutū; i te taimi e tofotofo ai koutou, ka fōki atu e ia te mālohi ke maua ai e koutou te onohai, ma mafai ai ke hao kehe koutou.

2 Kolinito 12:9

Kae na tali mai vē, “Ko toku alofa tūnoa e lava mo koe, auā ko toku mana e kātoatoa te mālohi i nā taimi e vāivai ai koe.” Ko au la e fiafia lahi ke fāfia i oku vāivaiga, kae ke ia te au ai te puipuiga a te mana o Keliho.

Efeho 5:25

Koutou tāne, alolofa ki autou āvaga e vē foki lava oi alofa ia Keliho ki te Ekalehia, ma na ia tuku atua ai tona ola mo te Ekalehia.

1 Petelu 5:7

Ko te Atua e alofa ki a te koutou, tuku atu la ki a te ia nā mea uma e popole ai koutou.