Ioane 18:40 - Tokelauan New Testament

⁴⁰ Kua taukalalaga mai ki lātou, “Hēai, e hē ko ia. Ko ki mātou e fofou ki a Palapa.” (Ko Palapa ko he tino kaihohoa.)

Ioane 18:40 ပူးပေါင်းရင်းမြစ်များ

Mataio 26:55

Oi vāgana atu ai ia Iehu ki te kaifenua, “Ko au nei he tino kaihohoa kua ōmamai ai koutou ma nā pelu ma nā pōvai oi puke au? I aho uma ko au e nofo i loto o te Mālumalu ma akoako atu ki tagata, kae e hēki koutou pukea au i kinā.

Mataio 27:16

I te taimi tēnā, nae i ei he pagotā lauiloa e igoa ki a Palapa.

Mataio 27:26

Oi tatala fakahaoloto ai e Pilato ia Palapa ki a te ki lātou; kae kua fakatonu e ia ke kini ia Iehu, ma tuku atu ai loa ke fakahātaulo.

Maleko 15:15

Ko Pilato na fofou ke fakafiafia te kaifenua, oi tatala ai e ia ia Palapa ki a te ki lātou. Kae kua fakatonu e ia ke kini ia Iehu ma tuku atu ai loa ke fakahātaulo.

Maleko 15:7

I te taimi tēnā e i te falepuipui ai ni tino o he vāega na ki lātou tāmatea ni tino i te fouga e ki lātou o te mālō. Ko tētahi o ki lātou iēnei, ko he tino e igoa ki a Palapa.

Luka 23:25

Kua tatala e ia te tino na fofou mai ki ei ia tagata, te tino tēia na falepuipui ona ko he vevehitū na tupu ma te tāmate tino, ka kua tuku atu ia Iehu ki te kaifenua ke fai ki ei te mea e fofou ki lātou ki ei.