Ioane 18:2 - Tokelauan New Testament

² E iloa e Iuta te fakalata, te mea e i ei te fatoaga tēnei, auā e lahi nā taimi nae māfuta ai ia Iehu ma ona hoko i kinā.

Ioane 18:2 ပူးပေါင်းရင်းမြစ်များ

Mataio 17:15

ma lea vē atu, “Te Aliki, alofa mai ko ki toku ataliki auā e maua i te tauale tete ma e tīgāina lahi lele. Kāfai e oho tona tauale, e tete lahi lele tona tino oi e māhani pakū ki loto o te afi pe ki loto o te vai.

Luka 21:37

I nā aho iēnā, ko Iehu nae akoako atu i loto o te Mālumalu i nā aho takitahi, kae kāfai e pa ki te pō, e fano oi nofo i te Mauga o Ōlive.

Luka 22:39

Kua fano kehe ia Iehu mai te kakai, oi fano ai ki te Mauga o Ōlive, e vē lava ko te mea kua māhani ai ia; ma na mulimuli atu ki a te ia ono hoko.