Ioane 18:18 - Tokelauan New Testament

¹⁸ Ona ko te mālūlū, na tafu ai he afi malala e nā kaukauna a te Ulu Ohitāulaga ma nā leoleo o te Mālumalu, ma kua tutū fakatāmilo ai i te afi oi fakamāfanafana. Oi fano ai ia Petelu kua tū i te mea e i ei ki lātou, oi fakamāfanafana.

Ioane 18:18 ပူးပေါင်းရင်းမြစ်များ

Maleko 14:54

Ko Petelu kua taumulimuli mamao atu i tua ma fano ai ki loto o te lōtoā o te fale o te Ulu Ohitāulaga. Ko kinā na nofo ai ki lalo fakatahi ma nā leoleo o te Mālumalu, oi fakamāfanafana i tafa o te afi.

Maleko 14:67

Kua ia kitea atu ia Petelu e fakamāfanafana mai i te afi, oi kikila hako ai ki ei kae lea vē atu, “Ko koe foki tētahi tino nae i ei fakatahi ma Iehu te Nahaleta.”

Luka 22:44

Ko te popole lahi o tona loto, na ātili ai oi tatalo fakatauanau; ko tona āfu kua vēia ni motimoti toto e pakukū ifo ki te kelekele.

Ioane 18:25

Ko Petelu koi tū lava i kinā, e fakamāfanafana i te afi. Oi lea atu ai iētahi tino ki ei, “E hē ko koe nei tētahi o hoko o te tino tēia?” Kae na fakafiti ia Petelu ma lea vē atu, “Hēai, e hē ko au.”

Ioane 18:3

Oi fano ai ia Iuta ki te fatoaga ma kave he vāega o ni fitafita Loma fakatahi ma ni leoleo o te Mālumalu, na uga e nā ohitāulaga hili ma te kau Falehaio. Na kave a lātou meatau ma a lātou mōlī matagi ma nā mōlī lama.

Ioane 21:9

I te pa akega ki gāuta, na ki lātou kitea ai he afi malala e i luga ai ni ika, ma ni falaoa.

Gāluega 4:23

Na tatala fakahaoloto loa lava ia Petelu ma Ioane, oi na olo ai loa ki te lātou vāega ma taku ki ei te mea na lea ake ai nā ohitāulaga hili ma nā toeaina.

1 Kolinito 15:33

Ia koutou nahe fakahehēa lele. “Ko te fakapipiki ki nā tino kino e fakahēaogā ai te lelei o te āmio.”