Ioane 18:12 - Tokelauan New Testament

¹² Oi na puke ai ia Iehu e nā fitafita Loma ma to lātou takitaki fakatahi ma nā leoleo o te Mālumalu. Kua noanoa nā lima o ia

Ioane 18:12 ပူးပေါင်းရင်းမြစ်များ

Mataio 26:57

Kua takitaki ia Iehu e nā tino na ki lātou pukeagia ki te fale o Kaiafa te Ulu Ohitāulaga. Ko kinā kua fakapotopoto ai nā faiakoga o te Tūlāfono ma te kau toeaina.

Mataio 27:2

Oi fakatonu ai e ki lātou ke noanoa ia Iehu ma takitaki kehe mai kinā, ma tukulima atu ki a Pilato te kōvana Loma, ke fakamahino e ia.

Mataio 27:27

Oi kave ai ia Iehu e nā fitafita a te kōvana ki loto o te fale o te kōvana, ma kua fakapotopoto uma te vāega tēnā o nā fitafita fakatāmilo ia Iehu.

Maleko 14:53

Oi takitaki ai ia Iehu ki te fale o te Ulu Ohitāulaga. Ko kinā kua fakapotopoto uma ai te kau ohitāulaga hili, te kau toeaina, ma nā faiakoga o te Tūlāfono.

Maleko 15:1

I te taeaopō o te aho na hohoko ai na fono fakavave ai nā ohitāulaga hili ma nā toeaina, nā faiakoga o te Tūlāfono, ma te Taupulega kātoa, ma na fai ai te lātou tonu. Kua fakatonu e ki lātou ke noanoa ia Iehu ma takitaki kehe mai kinā, ma tukulima atu ki a Pilato ke fakamahino e ia.

Luka 22:54

Kua puke e ki lātou ia Iehu ma takitaki ki te fale o te Ulu Ohitāulaga; ma ko Petelu kua taumulimuli mamao atu i tua.

Ioane 18:3

Oi fano ai ia Iuta ki te fatoaga ma kave he vāega o ni fitafita Loma fakatahi ma ni leoleo o te Mālumalu, na uga e nā ohitāulaga hili ma te kau Falehaio. Na kave a lātou meatau ma a lātou mōlī matagi ma nā mōlī lama.

Gāluega 10:1

Nae i ei he taulelea i Kaihaleia e igoa ki a Konelio, he takitaki o he tokahelau fitafita i te vaegākau a Loma e takua ko te “Vaegākau mai Italia.”

Gāluega 21:31

Ka koi taumafai ia tagata ke tāmate ia Paulo, kae pa atu te līpoti ki te takitakikau o nā fitafita Loma, ko Ieluhalema kātoa kua vevehitū.

Gāluega 21:37

Koi tau fakaulu atu ia Paulo ki loto o te olo, kae lea vē atu ki te takitakikau, “E mafai ke fai haku kupu?” Kua fehili mai te takitakikau ki ei, “E iloa e koe te gagana Eleni?

Gāluega 23:10

Kua matuā fakalalahi lele na fīnauga, ma na popole lele te takitakikau nā ia Paulo e hae likilikiagia. Ko te mea ia na ia fakatonua ai ana fitafita, ke olo ki lalo oi kave kehe mai ia Paulo, ma kave ki te olo.