Ioane 18:1 - Tokelauan New Testament

¹ Kua uma te tatalo a Iehu, oi olo ai ma ona hoko kui atu i he vanu e igoa ko Kitelona. E i ei i kinā he fatoaga, oi olo ai ki loto.

Ioane 18:1 ပူးပေါင်းရင်းမြစ်များ

Mataio 26:30

Kua uma te uhu o te lātou pehe e viviki ake ai ki te Atua, oi olo ai ki te Mauga o Ōlive.

Mataio 26:36

Oi olo ai ia Iehu ma ona hoko ki he koga e igoa ko Ketehemane, ma na vāgana atu ai ia Iehu ki a te ki lātou, “Nonofo i kinei ke hōhō atu au ki ko oi tatalo ai.”

Maleko 14:26

Kua uma te uhu o te lātou pehe e viviki ake ai ki te Atua, oi olo ai ki te Mauga o Ōlive.

Maleko 14:32

Oi taunuku atu ai ki lātou ki he koga e igoa ko Ketehemane, ma na vāgana atu ai ia Iehu ki ona hoko, “Nonofo i kinei kae ke tatalo au.”

Maleko 14:42

Tutū mai loa ki luga keina tātou olo. Kikila atu, kua i kinei te tino e ia fakalatagia au!”

Ioane 14:31

kae e tatau ke iloa e te lalolagi ko au e alofa ki te Tamana; ko te mea ia e fai ai e au nā mea uma e fakatonu mai e ia. “Tutū loa, keina tātou olo kehe ma kinei.”

Ioane 18:26

Ko tētahi o kaukauna a te Ulu Ohitāulaga, e kāiga ma te tino na tipi tona taliga e Petelu, kua fehili vē, “E hē ko koe te na kō kitea e fakatahi ma ia i te fatoaga?”

Gāluega 21:11

Kua hau ki a te ki mātou ma tago ki te lītua o Paulo, ma noanoa ai lava e ia ona vae ma ona lima, oi lea vē ai, “Ko tēnei te vāgana a te Agaga Paia: Ko te tino e o ia te lītua tēnei, ka noanoa vēnei lava e tagata Iutaia i Ieluhalema, oi tukulima atu ai e ki lātou ki tagata nukukehe.”