Ioane 17:8 - Tokelauan New Testament

⁸ Kua uma te tuku atu e au ki ei o te fekau na tuku mai e koe ki a te au, ma kua ki lātou taliagia; e iloa e ki lātou e hako ko au na hau mai ia te koe, ma talitonu ko koe te na uga maia au.

Ioane 17:8 ပူးပေါင်းရင်းမြစ်များ

Mataio 13:11

Kua tali mai ia Iehu, “Kua uma te fakailoa atu ki a te koutou nā mealilo i te Mālō o te lagi, kae ko hēki fakailoa ki iētahi tino.

Ioane 12:49

Auā e hē āku nā kupu e tautala ai au, kae ko te Tamana na ia uga maia au, e ia fakatonu maia nā kupu e tatau ke tautala ai au.

Ioane 14:10

Ko koe e hē talitonu ko au e tahi i te Tamana ma ko te Tamana e tahi ia te au?” Oi vāgana atu ai ia Iehu ki ona hoko, “Ko nā kupu e tautala atu ai au ki a te koutou e hē mai ia te au. Ka ko te Tamana tē e tūmau ia te au, e fai lava e ia ana gāluega.

Ioane 15:15

E hē toe kō takua koutou ni kaukauna, auā e hē iloa e nā kaukauna nā mea a to lātou matai e fai. Kae e takua koutou e au ni uō, auā kua uma te kō taku atua ki a te koutou nā mea uma na iloa e au mai toku Tamana.

Ioane 16:27

auā ko te Tamana lava ia e alofa atu ki a te koutou. E alofa atu ki a te koutou, auā ko koutou e alolofa mai ki a te au ma talitonu ko au na hau mai te Atua.

Ioane 16:30

Kua ki mātou iloa nei, e kē iloa ia mea uma lele; e hē tau i ei ni fehili e fai atu, auā kua uma te kē iloa o te mea i te māfaufau o te tino ka ko hēki fai atua hana fehili. Ko te mea ia kua talitonu ai ki mātou ko koe na hau mai te Atua.”

Ioane 17:14

Kua fakailoa e au ki a te ki lātou tau fekau, ma kua inohia ki lātou e tagata o te lalolagi, auā e hē mai te lalolagi ki lātou, e vē foki lava ko au e hē mai te lalolagi.

Ioane 17:18

E uga atu e au ki lātou ki te lalolagi, e vē lava ona uga mai au e koe ki te lalolagi.

Ioane 17:21

Ko au e tatalo ke mafai ki lātou uma ke tahi. Te Tamana, ke tahi ko ki lātou ke vē he tino e tahi, ma ke tahi ki lātou ma ki mātou e vē oi tahi koe ma au ma tahi au ma koe. Ke tahi ki lātou kae ke talitonu ai te lalolagi ko au na uga mai e koe.

Ioane 17:23

ko au ia te ki lātou ma koe ia te au, kae ke mautū ai to lātou tahi, ke iloa ai e te lalolagi ko au na uga mai e koe, ma ko koe e alofa ki a te ki lātou e vē ona alofa mai koe ki a te au.

Ioane 17:3

Ma ko te uiga o te ola fakavavau, ko te iloa o koe, te Atua moni e tokatahi, ma te iloa o Iehu Keliho, tē na uga mai e koe.

Ioane 3:17

Auā e hēki uga maia e te Atua tona Ataliki ke fakamahino ia tagata o te lalolagi, kae na uga mai ke fakaola, e ala ia te ia.

Ioane 3:33

Kae ko ai lava e ia taliagia tana takutinoga, kua ia fakamāonia te moni o te Atua.

Ioane 6:68

Kua tali mai ia Himona Petelu, “Te Aliki, ko ki mātou e olo ki a te ai? E ia te koe nā kupu e maua ai te ola e fakavavau.

Ioane 8:42

Oi lea atu ai ia Iehu ki ei, “Kāfai e hako ko te Atua ko te Tamana moni ia o koutou, e tatau la koutou ke alolofa mai ki a te au, auā ko au na hau mai te Atua, ma ko tēnei au kua i kinei. Ko au e hēki hau i haku pule, kae ko au na uga mai e ia.

1 Kolinito 11:23

Auā ko nā akoakoga na kō kavatua ki a te koutou, na tuku mai e te Aliki ki a te au: i te pō na fakalata ai te Aliki ko Iehu, na tago ai ki he falaoa,

1 Kolinito 15:1

I te taimi nei, e fia fakamanatu atu e au ki a te koutou oku uho, te Tala Lelei kua uma te folafola atu e au ki a te koutou, tēia kua talia e koutou ma kua mautū ai te koutou fakatuatua.

1 Tehalonia 2:13

Ma e i ei foki tētahi māfuaaga e tatau ai ki tātou ke haga fakafetai ki te Atua. I te kaumaiga e ki mātou o te fekau a te Atua ki a te koutou, na fakalogo koutou ki ei ma koutou taliagia e hē vē ko he fekau mai tagata, kae e mai te Atua lava ia. Auā ko te Atua e galue i loto o koutou iēnā kua talitonu.

1 Tehalonia 4:1

Ko nā toe kupu la te kau uho, kua uma te iloa e koutou mai ia te ki mātou, te ōlaga e tatau ke ola ai koutou, kae ke fiafia ai te Atua. Ko te ōlaga tonu lava tēnā kua ola ai koutou. Ma i te taimi nei, ko ki mātou e fakatagi ma ole atu i te igoa o te Aliki ko Iehu, ke fakaatili oi hili atu iētahi mea e koutou faia.

1 Ioane 4:14

Ma kua ki tātou kiteagia ma ki tātou takutinoa ki iētahi tino, ko te Tamana te na ia uga mai tona Ataliki ke kavea ma Fakaola o te lalolagi.

Fakaaliga 1:1

Ko te tuhi tēnei e fakamaumau ai nā mea na fakaalia e Iehu Keliho. Na tuku atu e te Atua ki a te ia te fakaaliga tēnei, kae ke iloa ai e ana kaukauna nā mea e tatau ke tutupu i he taimi pili mai. Na fakaalia e Keliho nā mea iēnei i te ugaga e ia o tana agelu ki tana kaukauna ko Ioane,