Ioane 17:7 - Tokelauan New Testament

⁷ ma i te taimi nei, kua ki lātou iloa ko nā mea uma na fōki mai e koe ki a te au, e mai ia te koe.

Ioane 17:7 ပူးပေါင်းရင်းမြစ်များ

Ioane 14:20

Kāfai e pa ki te aho tēnā, ka iloa e koutou ko au e tahi i te Tamana ma ko koutou e tahi ia te au, e vē lava ona tahi au ia te koutou.

Ioane 16:15

Ko nā mea uma lele a toku Tamana e āku; ko te mea ia na lea atu ai au, ka talia e te Agaga nā mea e lea ai au, ma e folafola atu e ia ki a te koutou.”

Ioane 17:10

Ko nā tino uma e ia te au e a koe, ma ko nā tino uma e ia te koe e āku; ma ko toku mamalu e fakailoa, e ala ia te ki lātou.

Ioane 17:6

“Kua uma te fakailoa e au o koe ki a te ki lātou uma na kē filifilia mai te lalolagi, ke mulimuli mai ki a te au. Ko nā tino iēnei e a koe, na kē tuku maia ki a te au. Kua uhiuhitaki ki lātou ki tau kupu,

Ioane 17:8

Kua uma te tuku atu e au ki ei o te fekau na tuku mai e koe ki a te au, ma kua ki lātou taliagia; e iloa e ki lātou e hako ko au na hau mai ia te koe, ma talitonu ko koe te na uga maia au.

Ioane 8:28

Oi vāgana atu ai ia Iehu ki a te ki lātou, “Kāfai e koutou hiki akea te Ataliki o te Tagata, ka iloa ai e koutou ‘Ko Au Ko Au Lava Au,’ ma ka koutou iloa ai e hēai he mea e kō faia i haku lava pule, kae ko au e tautala oioti i nā mea na akoako ai au e toku Tamana.