Ioane 17:4 - Tokelauan New Testament

⁴ Kua uma te fakailoa e au o te mamalu o koe ki te lalolagi; kua uma te fakataunuku e au o nā gāluega na tuku mai e koe ki a te au ke fai.

Ioane 17:4 ပူးပေါင်းရင်းမြစ်များ

Luka 22:37

Auā e lea atu au ki a te koutou, ko te tuhituhiga paia e lea mai, ‘Na faitau fakatahi ia ma nā tino holi tūlāfono,’ e tatau ke taunuku ki a te au, auā ko te mea tēnei na tūhia e uiga ki a te au, e taunuku lava.”

Ioane 12:28

Te Tamana, fakaali ko tō mamalu ke kitea e tagata!” Oi tautala ifo ai he leo mai te lagi kua vē ifo, “Kua uma te kō fakaaliagia o toku mamalu, ma e toe kō fakaalia foki.”

Ioane 14:13

Ho he mea lava e gogō atu koutou ki ei i toku igoa, e fai e au, kae ke fakailoa ai te mamalu o te Tamana, e ala i te Ataliki.

Ioane 14:31

kae e tatau ke iloa e te lalolagi ko au e alofa ki te Tamana; ko te mea ia e fai ai e au nā mea uma e fakatonu mai e ia. “Tutū loa, keina tātou olo kehe ma kinei.”

Ioane 15:10

Kāfai koutou e uhitaki ki nā mea e fakatonu atu ai koutou e au, ka tūmau foki koutou i toku alofa, e vē lava ona uhitaki au ki nā mea e fakatonu mai e te Tamana, ma tūmau ai au i tona alofa.

Ioane 19:28

Kua iloa e Iehu kua uma te fakataunuku e ia o nā mea uma lele; ma kae ke taunuku ai te kupu a te tuhituhiga paia, na lea vē ai, “Ko au e fia inu.”

Ioane 19:30

Kua inu e Iehu te uaina, oi vē ake ai tana kupu, “Kua taunuku!” Oi fakagaugau ifo ai ki lalo tona ulu, oi to ai loa tana mānava.

Ioane 4:34

Kua lea atu ia Iehu ki a te ki lātou, “Ko taku meakai, ko te uhitaki ki te mea e fofou ki ei te Atua, ma te fakataunukuga o te gāluega na ia tuku maia ki a te au ke fai.

Ioane 5:36

Kae e i ei te molimau e uiga kia te au e hili atu i lo te molimau na fai e Ioane: ko nā mea e fai e au, pe ko nā gāluega na tuku mai e toku Tamana ki a te au ke fai, e molimau ki a te au ma fakailoa ai ko te Tamana te na ia uga maia au.

Ioane 9:3

Kua tali mai ia Iehu, “E hē ona ni agahala e ā ia pe ā ona mātua. E tāuaho kae ke mafai ai ia gāluega mamana a te Atua ke fakaalia, e ala ia te ia.

Gāluega 20:24

Kae ko toku ola e hē tāua ia te au; oioti lava te mea e fofou au ki ei, ke fakataunuku te mea na tōfia ai au ma fakauma te gāluega na fōki mai e te Aliki ko Iehu ki a te au ke fai, ko te tālakiga tēnā o te Tala Lelei e uiga ki te alofa tūnoa o te Atua.

2 Timoteo 4:7

Kua vili mālohi au i te tūkuga ki te mea e gata mai ai toku mafai, kua pa au ki te taunukuga, ma na fakamāoni pea lava au ke pa ki te ikuga.