Ioane 17:15 - Tokelauan New Testament

¹⁵ Ko au e hē lea atu ke kave kehe ki lātou mai te lalolagi, ka ko au e lea atu, ke puipui malu ki lātou mai ia Hātani.

Ioane 17:15 ပူးပေါင်းရင်းမြစ်များ

Mataio 5:37

Kae lea oioti, ‘Io’ pe ‘Hēai’ — ko ho hētahi mea e lea ai koutou, e mai te Tiāpolo.

Mataio 6:13

Ma nahe takitakia ki mātou ki nā fakaohoohoga, kae laveaki ki mātou mai te kino.’

Luka 11:4

Fakamāgalo a mātou agahala, e vē oi fakamāgalo e ki mātou nā tino uma e faikino mai ki a te ki mātou; ma nahe takitakia ki mātou ki nā fakaohoohoga.’ ”

Luka 22:32

Kae ko au kua tatalo mo koe Himona, ke nahe uma tō fakatuatua; ma kāfai e toe liliu mai koe ki a te au, ke mafai ke fakamākeke koe ki ō uho.”

Kalatia 1:4

Na fakataunuku e Iehu Keliho te finagalo o to tātou Atua te Tamana, ma ofo atu tona ola mo a tātou agahala, kae ke maua ai e ki tātou te haolotoga mai tēnei lalolagi kino.

2 Tehalonia 3:3

Kae ko te Aliki e fakamāoni, ma ka ia fōki atua ki a te koutou te loto mākeke, ma puipuia koutou mai te kino.

2 Timoteo 4:8

Nei kua fakatalitali mai ki a te au te pale o te manumālō, ko te fakaleleia tēnā o toku va ma te Atua, tēia ka tuku mai ki a te au i te Aho tēnā e te Aliki, te Fakamahino fakamāoni. Kae e hē nā ko au oioti te ka ia tuku mai ki ei, kae ka tuku atu foki e ia mo ki lātou uma e amanaki fiafia ki tona haele mai.

1 Ioane 5:18

E iloa e ki tātou e hēai ni fānau a te Atua e fai pea lava e ki lātou te agahala, auā e puipuia ki lātou e te Ataliki o te Atua, ma e hē mafai ke paki te lima o te Tino Kino ki a te ki lātou.

1 Ioane 5:19

E iloa e ki tātou ko ki tātou e o te Atua e ui lava ko te lalolagi kātoa e i lalo o te pule a te Tino Kino.