Ioane 17:11 - Tokelauan New Testament

¹¹ Ma i te taimi nei, ko au ka fanatu ki a te koe; ka hē toe i ei au i te lalolagi, kae e i te lalolagi ki lātou. Te Tamana Paia, puipui malu ki a te ki lātou i te mana o tō igoa, te igoa na kē tuku maia ki a te au, kae ke tahi ai ki lātou e vē ona tahi koe ma au.

Ioane 17:11 ပူးပေါင်းရင်းမြစ်များ

Mataio 10:16

“Kikila! Ko koutou e uga atu e au e vē lava ni māmoe ki te mea e i ei ai nā luko. Ko koutou la e tatau ke popoto e vē ko nā gata ma agamalū e vē ko nā lupe.

Mataio 5:48

E tatau koutou ke lelei kātoatoa — ke vē ko te koutou Tamana i te lagi e kātoatoa tona lelei.

Mataio 6:9

E vēnei la kāfai koutou e tatalo: ‘To mātou Tamana i te lagi: Ke tapu tō igoa.

Ioane 13:1

Kua pa ki te aho e hohoko ki te Kaiga Fakamanatu o te Pāheka, ma kua iloa e Iehu ko te itūlā kua pa mai, ke tukua ai e ia te lalolagi kae fano ki te Tamana. Nae alofa pea lava ia ki ona tagata i te lalolagi, ma nae alofa ki a te ki lātou ke pa lava ki te ikuga.

Ioane 13:3

Kua uma ai te iloa e Iehu ko te pule kātoa kua tuku ake e te Tamana ki a te ia, ma ko ia na hau mai te Atua ma e toe fano foki lava ki te Atua,

Ioane 14:20

Kāfai e pa ki te aho tēnā, ka iloa e koutou ko au e tahi i te Tamana ma ko koutou e tahi ia te au, e vē lava ona tahi au ia te koutou.

Ioane 16:28

Ko au na hau mai te Tamana ki te lalolagi; ma i te taimi nei, ka kō tukua te lalolagi kae fano ki te Tamana.”

Ioane 16:33

Ko au kua lea atu ki a te koutou i te mea tēnei, kae ke maua ai e koutou te fīlēmū, ona ko koutou e tahi ma au. Ka hāuāgia koutou e te lalolagi. Kae loto tetele! Kua fakatōkilalo e au te lalolagi!”

Ioane 17:23

ko au ia te ki lātou ma koe ia te au, kae ke mautū ai to lātou tahi, ke iloa ai e te lalolagi ko au na uga mai e koe, ma ko koe e alofa ki a te ki lātou e vē ona alofa mai koe ki a te au.

Ioane 17:25

Te Tamana āmiotonu, ko koe e hē iloa e te lalolagi, kae e kō iloa koe, ma e iloa e nā tino e mulimuli mai ki a te au, ko au na uga mai e koe.

Ioane 17:6

“Kua uma te fakailoa e au o koe ki a te ki lātou uma na kē filifilia mai te lalolagi, ke mulimuli mai ki a te au. Ko nā tino iēnei e a koe, na kē tuku maia ki a te au. Kua uhiuhitaki ki lātou ki tau kupu,

Ioane 7:33

Oi lea atu ai ia Iehu, “Ko au ka fakatahi ma koutou mo hina taimi, oi fano ai au ki tē na ia uga maia au.

Gāluega 3:21

E tatau ke nofo pea ia i te lagi ke pa ki te taimi e fakafougia ai ia mea uma, e vē ona folafola e te Atua e ala i te kau pelofeta paia nae tautua mo ia i nā aho kua loa.

Loma 12:5

E vēnā foki lava ki tātou, e ui e tokalahi ki tātou, kae e tahi te tino i te māfutaga ma Keliho. Ko ki tātou uma ni vāega takitahi e hohoko tētahi ki tētahi i te tino e tahi.

Loma 9:17

Auā i te tuhituhiga paia, ko te Atua na vāgana ki te tupu o Aikupito, “Na kō faia koe ma tupu kae ke fakaaogā ai koe ke fakailoa ai toku mālohi, ma ke takutaku atu ai toku igoa ki te lalolagi kātoa.”

1 Kolinito 1:10

I te igoa o to tātou Aliki ko Iehu Keliho, e lea atu ai au ki a te koutou oku uho, ma toku loto naunau, ko koutou ke tahi i nā mea e tautatala ai koutou, kae ke nahe i ei ai ni fevaevaeakiga ia te koutou. Ke tahi kātoatoa koutou, tahi te manatu ma tahi te fakamoemoe.

Kalatia 3:28

E hēai la he mea e kehekehe ai ia tagata Iutaia ma tagata nukukehe, ia tagata pologa ma tagata haoloto, ia tamāloa ma fafine; e tahi koutou uma i te hokotaga ma Keliho Iehu.

Efeho 4:4

E tahi te tino ma tahi te Agaga, e vē foki lava oi tahi te fakamoemoe kua kalagagia ai koutou e te Atua.

Filipi 2:9

Ko te mea ia kua fakaeke ake ai ia e te Atua ki te mea e pito hili te maualuga o tona mamalu i te lagi ma fōki ki ei te igoa e hili ona tāua i igoa uma.

Epelu 1:3

E kitea e ala i te Ataliki te uiga kehe o te mamalu o te Atua, ma e fōliga tutuha lelei lava ia ma te Atua, ma ko te mamana o tana kupu e tūmau ai pea nā mea i te lagi ma te lalolagi. I te kua uma o te fakamamāga e ia o agahala a te lalolagi, oi nofo ai ki lalo i te itū taumatau o te Tupu Hilihilikehe.

Epelu 9:24

Auā ko Keliho e hēki fano ki loto o he Nofoaga Paia na fai i lima o tagata, te ata fakatuha o te mea moni i te lagi. Na fano lava ki te lagi ke fai ma fautua mo ki tātou i mua o te Atua.

Iakopo 4:4

Ko koutou e vē ni tino kua mulilua. E hē koutou iloa ko te fakauō ma te lalolagi ko te teteke tēnā ki te Atua? Ko nā tino e fofou ke kavea ki lātou ma uō a te lalolagi, kua ki lātou faia lava ki lātou ma fili o te Atua.

1 Petelu 1:5

Ko nā mea iēnei e mo koutou, ma e ona ko koutou e fakatuatua ki a Iehu Keliho, kua puipui malu ai koutou i te mana o te Atua, mo te fakaolataga kua uma te tāpena ke fakaalia i te taimi mulimuli.

1 Ioane 3:12

Ki tātou nahe vē ko Kaino; na tāmate e ia tona uho ko Apelu ona ko ia ko he fānau e a te Tino Kino. He ā te na tāmate ai e Kaino tona uho? Auā nae kino nā mea nae ia faia, kae lelei nā mea nae fai e tona uho.

1 Ioane 5:19

E iloa e ki tātou ko ki tātou e o te Atua e ui lava ko te lalolagi kātoa e i lalo o te pule a te Tino Kino.

Iuta 1:1

Mai ia Iuta, he kaukauna e a Iehu Keliho, ma ko he uho e o Iakopo — Ki nā tino kua filifilia e te Atua, ma e ola i te alofa o te Atua te Tamana ma te puipuiga a Iehu Keliho:

Iuta 1:24

Ke i te Atua, tē e ia puipuia koutou ke nahe pakukū, ma e ia kaumaia koutou ki tona mamalu, e aunoa ma ni hehē ma nā loto kua tumu i te fiafia —

Fakaaliga 15:4

Te Aliki, ko ai nei te ka hē mataku ia te koe? Ko ai nei te ka hē vīkia e ia tō igoa? Ko koe lava oioti te paia. Ko mālō uma ka ōmamai ma ifo atu ki a te koe, auā kua kitea e tagata uma te tonu o tau fakamahinoga.”

Fakaaliga 19:12

Ko ona mata e vē ko te mumū o te afi, ma e lahi nā tamā palealiki i tona ulu. E tūhia i luga o tona tino tona igoa, kae e hēai he tino e mālamalama ai vaganā ai lava ia.

Fakaaliga 4:8

Ko nā meaola takitahi e taki ono o lātou kapahau, ma e tumu o lātou tino i nā pukāmata e fakatāmilo ke pa ki lalo o nā kapahau. I te pō ma te ao, e hē uma lele a lātou pēhega: “E paia, e paia, e paia, te Aliki te Atua Hilihilikehe te Mālohi, tē e ola nei, nae ola pea lava, ma ka haele mai.”