Ioane 16:33 - Tokelauan New Testament

³³ Ko au kua lea atu ki a te koutou i te mea tēnei, kae ke maua ai e koutou te fīlēmū, ona ko koutou e tahi ma au. Ka hāuāgia koutou e te lalolagi. Kae loto tetele! Kua fakatōkilalo e au te lalolagi!”

Ioane 16:33 ပူးပေါင်းရင်းမြစ်များ

Mataio 9:2

Oi kaumai ai e nā tino ki a te ia he tamāloa e mate tona tino kātoa, i luga o he moega. Kua kitea e Iehu te lahi o to lātou fakatuatua, oi vāgana atu ai ki te tamāloa e mate tona tino kātoa, “Toku ataliki, fakamākeke! Ko au agahala kua fakamāgalo.”

Luka 19:38

“Ke fakamanuia e te Atua te tupu e hau i te igoa o te Aliki! Ke i ei te fīlēmū i te lagi ma ke vīkia te Atua!”

Luka 2:14

“Ko te vīkiga ki te Atua Hilihilikehe, ma te fīlēmū i te lalolagi, mo ki lātou kua fiafia ia ki ei!”

Ioane 12:31

Ko tēnei te taimi e fakamahino ai te lalolagi; ko tēnei te taimi e fakatōkilalo ai te pule o tēnei lalolagi.

Ioane 14:1

Kua vāgana atu ia Iehu ki ona hoko, “Koutou nahe popole pe mātataku; talitonu ki te Atua, ma talitonu mai foki ki a te au.

Ioane 14:27

“Ko te fīlēmū e tuku e au ma koutou; ko taku fīlēmū e tuku atu e au ki a te koutou. E hē kō tuku atua ki a te koutou e vē ona fai e tagata o te lalolagi. Nahe atuatuvale outou loto; nahe koutou mātataku.

Ioane 16:11

ma e hehē to lātou tāofi e uiga ki te fakamahinoga, auā ko te pule o te lalolagi kua uma te fakamahinogia e te Atua.

Gāluega 14:22

Na fakamālohi atu ki lāua ki nā tino kua talitonu ki a Iehu ma apoapoaki ki ei ke pipiki mau ma te fakamāoni ki to lātou fakamoemoe ki a Iehu. Kua lea vē atu ki lāua, “E tatau ki tātou ke kui i loto o ni puapuagā e lahi, oi ulu atu ai ki tātou ki te Mālō o te Atua.”

Gāluega 23:11

I te pō tēnā, na tū ai te Aliki i tafa o Paulo ma vāgana vē atu ki ei, “Ia koe nā mataku! E vē ona molimau koe e uiga ki a te au i kinei i Ieluhalema, e tatau foki ke kē faia te mea tēnei i Loma.”

Gāluega 27:22

Ka ko au la e aioi atu nei, ko koutou ke loto tetele! E hēai he tino fokotahi o koutou e māumau tona ola; kae nā ko te vaka oioti te māumau.

Gāluega 27:25

Ko koutou la taulelea, loto tetele! Auā ko au e talitonu ki te Atua, ma ka taunuku lava nā mea e vē ona fakailoa mai e ia ki a te au.

Gāluega 9:31

Ma ko te mea ia na hēki toe maua ai te Ekalehia i Iutea, Kalilaia ma Hāmālia kātoa i ni fakahāuāga. Na tuputupu pea te tokalahi o tagata o te Ekalehia ma ola mātataku i te Aliki, e ala i te fehoahoani o te Agaga Paia.

2 Kolinito 1:3

Ke vīkia te Atua, te Tamana o to tātou Aliki ko Iehu Keliho, te Tamana e alofa fua ma te Atua e ala mai ai ia fehoahoani uma.

2 Kolinito 13:11

Ma i te taimi nei la, ko au e fakatōfā atu ki a te koutou oku uho. Hui autou āmio ma fakalogo ki nā mea kua lea atu ai au. Fealofani ma ola i te fīlēmū, ma ka fakatahi te Atua o te alofa ma te fīlēmū ma koutou.

2 Kolinito 2:14

Kae fakafetai ki te Atua, auā i te māfutaga ma Keliho ko ki mātou e takitakia pea lava e ia e vē ni pagotā, i te holo e fakailoa ai te manumālō o Keliho. Ko ki mātou e fakaaogā e te Atua ke fakahalalaua te tala ki a Keliho ke vē he meamanogi manaia, ki ho he koga.

2 Kolinito 4:7

Ka ko ki mātou iēnei kua i ei te koloa fakateagaga, e vē ki mātou ko nā hiā ele fakatauva, ke iloa ai ko te mālohi hilihilikehe, e mai te Atua kae hē mai ia te ki mātou.

2 Kolinito 6:4

Kae ko nā mea uma e ki mātou faia, e kitea ai ko ki mātou ni kaukauna e a te Atua. Ko ki mātou e onohai pea lava, e ui lava e maua ki mātou i te lahi o puapuagā, fakafītāuli ma lavelave.

2 Kolinito 7:4

Ko au e talitonu kātoatoa ki a te koutou; e lahi toku fāfia ona ko koutou. E ui i te lahi o nā fakafītāuli e feagai ma ki mātou, ko au e loto tele pea lava; ko au e fakatumulia i te fiafia.

Kalatia 1:4

Na fakataunuku e Iehu Keliho te finagalo o to tātou Atua te Tamana, ma ofo atu tona ola mo a tātou agahala, kae ke maua ai e ki tātou te haolotoga mai tēnei lalolagi kino.

Kalatia 6:14

Kae e vē la ki a te au, ko au e fāfia oioti lava ona ko te hātaulo o to tātou Aliki ko Iehu Keliho. Auā ia te au, ko te lalolagi kua mate e tuha ai ma te hātaulo, ma ko au kua mate e tuha ai ma nā mea iēnei o te lalolagi.

Filipi 4:7

Ma ko te fīlēmū o te Atua, tēia e hē tāitai ke pa ki ei te mālamalama o te tagata, ka puipui malu ki outou loto ma outou māfaufau, i te māfutaga fakatahi ma Keliho Iehu.

Kolohe 1:20

Ko te mea ia na fuafua ai e te Atua, ke fai te Ataliki ma auala ke toe fakafoki atu ai te lagi ma te lalolagi ki a te ia. Na fai te fakaleleiga e te Atua, e ala i te mate o tona Ataliki i luga o te hātaulo, ke toe fakafoki atu ai ki a te ia nā mea uma lele, i te lagi ma e lalolagi.

1 Tehalonia 3:4

Auā ka koi i ei ai ki mātou ma koutou, na taku atu lava e ki mātou i te taimi muamua tēnā, ko ki mātou ka maua i nā fakahāuāga; ma e vē ona koutou iloa, na taunuku lava nā mea iēnei.

1 Tehalonia 3:7

E ui lava la i nā fakafītāuli ma nā puapuagā e fetaiaki ma ki mātou, ko ki mātou kua fiafia lele ona ko koutou nā uho ma nā tuafafine. Ko te koutou fakatuatua kua fai ma fakamālohiaga ki a te ki mātou

2 Tehalonia 3:16

Ke fōki atu e te Aliki o te fīlēmū ki a te koutou i taimi uma ma aho uma lava, te fīlēmū. Ke fakatahi pea lava te Aliki ma koutou.

2 Timoteo 3:12

Ho he tino e fofou ke ola i he ōlaga āmiotonu i te māfutaga ma Keliho Iehu, ka maua i nā fakahāuāga;

Epelu 11:25

Na fiafia lava ia ke puapuagā fakatahi ma tagata o te Atua, i lo te fiafia oi fai te agahala mo hina taimi.

Epelu 7:2

oi fōki ai e Apelaamo ki ei te tahi vaehefulu o nā mea uma lele na maua mai te taua. (Ko te uiga muamua o te igoa o Melekiheteka ko te “Tupu Fai Meatonu”; ma ona ko ia foki ko te tupu o Halema, e i ei ai foki tētahi uiga o tona igoa ko te “Tupu o te Fīlēmū.”)

1 Petelu 5:9

Ke mautū te koutou fakatuatua ma teteke ki ei, auā e koutou iloa ko nā uho Kelihiano o koutou i te lalolagi kātoa, e maua foki i nā puapuagā e vē ko koutou.

1 Ioane 2:13

Ko au e tuhi atu ki a te koutou nā tamana, auā e iloa e koutou tē nae i ei mai lava i te kāmataga. Ko au e tuhi atu ki a te koutou te tupulaga, auā kua fakatōkilalo e koutou te Tino Kino.

1 Ioane 4:4

Kae ko koutou taku fānau, e o te Atua koutou, ma kua fakatōkilalo e koutou nā pelofeta pepelo, auā ko te Agaga e ia te koutou e mālohi lele atu ia i lo te agaga e i nā tino o te lalolagi.

1 Ioane 5:4

auā ho he fānau a te Atua e mafai e ia oi fakatōkilalo te lalolagi. Ma ko te manumālō e fakatōkilalo ai te lalolagi e maua e ki tātou e ala i to tātou fakatuatua.

Fakaaliga 12:11

Na fakatōkilalo e ki lātou te Tiāpolo e ala i te toto o te Punuamāmoe ma nā kupu o ta lātou molimau; ma nae hē mānumanu ki o lātou ola, e tuha lava pe feoti ai ki lātou.

Fakaaliga 3:21

Ki nā tino e maua e ki lātou te manumālō, ka fōki e au ki ei te avanoa ke nonofo ai i oku tafa i luga o toku nofoāliki, e vē foki lava ko au na manumālō, ma kua nofo ai nei au i tafa o toku Tamana i luga o tona nofoāliki.

Fakaaliga 7:14

Kua lea vē atu au ki ei, “Te aliki, e hē kō iloa kae e kē iloa.” Oi lea mai ai ki a te au, “Ko nā tino iēnei kua hao mai i nā puapuagā e lahi. Kua uma te ufi e ki lātou o lātou kofu, ma fakapaepae i te toto o te Punuamāmoe.