Ioane 16:25 - Tokelauan New Testament

²⁵ “Nae fakaaogā e au nā talafakatuha ke fakailoa atu ai ki a te koutou nā mea iēnei. Kae e hau te taimi ka hē toe kō fakaaogā ai nā talafakatuha, kae ka fakaaogā te gagana faigōfie ke tautala atu ai au ki a te koutou, e uiga ki te Tamana.

Ioane 16:25 ပူးပေါင်းရင်းမြစ်များ

Maleko 4:13

Oi fehili atu ai ia Iehu ki a te ki lātou, “Ko koutou nei e hē mālamalama i te talafakatuha tēnei? Ka vēhea nei la ona mafai ke mālamalama koutou i nā talafakatuha uma?

Maleko 4:34

Nae hē mafai ia Iehu ke akoako atu ki tagata e aunoa ma te ia fakaaogāgia o nā talafakatuha, kae kāfai ko ia oioti ma ona hoko, oi fātoā fakamālamalama ai e ia nā mea uma lele ki ei.

Maleko 8:32

Na fakamanino lelei lava e Iehu te mea tēnei ki a te ki lātou. Oi tataki kehe ai e Petelu ia Iehu, ma kāmata oi tautala mālohi ki ei.

Ioane 10:24

kae ōmamai nā tino Iutaia kua fakapotopoto fakatāmilo ia te ia ma fehili vē mai ki ei, “He ā te mataloa ka mumuni ai pea e koe te meamoni mai ia te ki mātou? Kāfai ko koe ko te Mehia, taku hako mai la ki a te ki mātou!”

Ioane 10:6

Na fai e Iehu te talafakatuha tēnei ki a te ki lātou, kae e hēki mālamalama ki lātou pe he ā tona uiga.

Ioane 16:12

“E lahi lele nā mea e tatau ke lea atu ai au ki a te koutou, kae e hē nafatia e koutou i te taimi nei.

Ioane 16:2

Ka tuli kehe koutou mai loto o nā hūnako, e hē gata i tēnā, e pa mai te taimi ka manatu ai nā tino e ki lātou fahiotia koutou, ko he tiute tēnā e o ki lātou e tautua ai ki te Atua.

Ioane 16:32

E hau te taimi, ma kua pa mai, ka takape ai koutou ma fano lava te tino ki tona kāiga, kae tīaki au tautahi. Kae ko au e hē tautahi, auā ko te Tamana e fakatahi ma au.

2 Kolinito 4:2

Kua tuku kehe e ki mātou nā uiga mātagā uma ma nā faiga fakalilolilo; e hē taumafai ki mātou ke fakahehē he tino, pe fakaliliu hehē te fekau a te Atua. E molimau te Atua ko ki mātou e tautatala oioti i te meamoni, ma ko te mea ia ka mafai ai ke talitonu mai nā tino ki a te ki mātou.