Ioane 16:2 - Tokelauan New Testament

² Ka tuli kehe koutou mai loto o nā hūnako, e hē gata i tēnā, e pa mai te taimi ka manatu ai nā tino e ki lātou fahiotia koutou, ko he tiute tēnā e o ki lātou e tautua ai ki te Atua.

Ioane 16:2 ပူးပေါင်းရင်းမြစ်များ

Mataio 10:28

Ma ia koutou nahe mātataku i nā tino e tāmate e ki lātou te tino o te tagata, kae hē ki lātou mafaia oi tāmate te agaga; kae mātataku i te Atua e ia mafaia oi fakaumatia te tino fakatahi ma te agaga i te afi o kēna.

Mataio 24:9

“Oi ko koutou ka puke ma tuku atu ke fakahāuāgia ma tāmate. Ka inohia koutou e mālō uma o te lalolagi ona ko au.

Luka 6:22

“Amutia koutou kāfai ia tagata e feita atu ki a koutou, pe teteke, pe fakamātagā koutou, ma fakakino outou igoa, ona ko te Ataliki o te Tagata!

Ioane 12:42

E ui i tēia, e tokalahi ia takitaki o Iutaia na talitonu ki a Iehu; kae ona ko to lātou mātataku i te kau Falehaio, na hēki fofou ai ke fakailoa ki tagata to lātou talitonuga, auā nā ki lātou e tutulia ki fafo o te hūnako.

Ioane 16:25

“Nae fakaaogā e au nā talafakatuha ke fakailoa atu ai ki a te koutou nā mea iēnei. Kae e hau te taimi ka hē toe kō fakaaogā ai nā talafakatuha, kae ka fakaaogā te gagana faigōfie ke tautala atu ai au ki a te koutou, e uiga ki te Tamana.

Ioane 16:32

E hau te taimi, ma kua pa mai, ka takape ai koutou ma fano lava te tino ki tona kāiga, kae tīaki au tautahi. Kae ko au e hē tautahi, auā ko te Tamana e fakatahi ma au.

Ioane 4:21

Kua lea atu ia Iehu, “Te māfine, e talitonu mai koe, e hau te taimi e hē toe tāpuaki ai ia tagata ki te Tamana i luga o te mauga tēnei, pe i Ieluhalema.

Ioane 4:23

Kae e hau te taimi, ma kua i kinei i te taimi nei, ka tāpuaki atu ai ki te Tamana ia tagata, i te mālohi o te Agaga o te Atua, ma kavatu ki a te ia te tāpuakiga e moni ma fofou ia ki ei.

Ioane 9:22

Na lea vēnā ona mātua, ona kua mātataku i nā takitaki o Iutaia, auā kua uma te fai o te lātou tonu, ko te tino e lea ko ia e talitonu ko Iehu ko te Mehia, e tuli kehe mai loto o te hūnako.

Ioane 9:34

Kua tali atu ki lātou, “Ko koe na fānau ma tuputupu ake i te agahala — kae e hau koe oi akoako mai ki mātou?” Oi tuli kehe ai e ki lātou te tamāloa mai te hūnako.

Gāluega 5:33

I te lagona atuga e te Taupulega o te mea tēnei, oi na fēkakai lahi lele ai ma fofou lele ke ki lātou tāmatea te kau apohitolo.

Gāluega 7:56

Kua lea vē atu ia Hetefano, “Kikila! E kitea atu e au te lagi kua māvā ma te Ataliki o te Tagata e tū i te itū taumatau o te Atua!”

1 Kolinito 4:13

ka faikupu kino ia tagata ki a te ki mātou, e tali ki mātou ki ei i nā kupu alofa. Ke pa mai ki te taimi nei, ko ki mātou kua vē ni lāpihi i te kikila a tagata, e vē ko te pala o te kelekele!

Filipi 3:6

ma ko toku loto tautua mālohi ki te Atua, na fakahāuā ai au ki te Ekalehia. Nae fai e au nā mea uma e fakatonu mai e te Tūlāfono, kae ke fiafia ai te Atua.

Fakaaliga 6:9

Oi tatala ai e te Punuamāmoe te fakamaufakailoga tona lima. Na kitea atu e au i lalo o te fata faitāulaga nā agaga o nā tino na tāmate ona na ki lātou tālakia te kupu a te Atua, ma na kavea ma molimau fakamāoni.