Ioane 16:17 - Tokelauan New Testament

¹⁷ Ko iētahi hoko, kua taufai fehili tētahi ki tētahi, “He ā te uiga o tana fakakupuga? E lea mai kua hē mataloa oi hē toe ki tātou kitea ia, kae ka hē mataloa foki, oi toe ki tātou kitea ia; ma e lea foki vē, ‘ona ko au e fano ki te Tamana.’

Ioane 16:17 ပူးပေါင်းရင်းမြစ်များ

Maleko 9:10

Na uhitaki ki lātou ki te fakatonuga a Iehu, kae kua kāmata oi fakataufai ki lātou lava, “He ā nei te uiga o tana kupu, ‘toe tū mai i te oti?’ ”

Maleko 9:32

Kae e hēki mālamalama ki lātou i te uiga o te fakakupuga tēnei, ma nae mātataku foki oi fehili e uiga ki ei.

Luka 18:34

Kae e hēki mālamalama ki lātou i he mea e fokotahi o nā mea iēnei; ko te uiga o nā kupu a Iehu nae hē fakailoa ki ei, ma nae hē ki lātou hāfia ai te mea nae lea ake ai.

Luka 9:45

Kae e hēki mālamalama ki lātou i te uiga o te fakakupuga tēnei. E hēki fakailoa ki ei te uiga kae ke nahe mālamalama ai ki lātou, ma nae mātataku foki oi fehili e uiga ki ei.

Ioane 12:16

E hēki mālamalama nā hoko o ia i te mea tēnei i te taimi tēnā; kae i te fakatū akega o Iehu ki tona mamalu, na manatua ai e ki lātou ko te tuhituhiga paia na lea mai vēnei e uiga ki a te ia, ma ko nā mea iēnei na fai e ki lātou mo ia.

Ioane 14:22

Kua lea atu ia Iuta (e hē ko Iuta Ihikaliota), “Te Aliki, e vēhea ona mafai ke kē fakailoa mai koe ki a te ki mātou, kae hē fakailoa ki te lalolagi?”

Ioane 14:5

Kua lea atu ia Toma ki a te ia, “Te Aliki, e hē ki mātou iloa te mea e fano koe ki ei, kae e vēhea la ona iloa e ki mātou te ala e fano ki ei?”

Ioane 16:1

“Kua uma toku lea atu ki a te koutou i te mea tēnei, kae ke nahe āfāina ai te koutou fakatuatua.

Ioane 16:16

Kua lea atu ia Iehu, “Kua hē mataloa oi hē toe koutou kitea au, kae ka hē mataloa foki, oi toe koutou kitea au.”

Ioane 16:18

He ā te uiga o te, ‘kua hē mataloa’? E hē ki tātou iloa te uiga o tana fakakupuga!”

Ioane 16:19

Kua iloa e Iehu ko ona hoko e fia fehili ake ki a te ia, oi vāgana atu ai ki ei, “Ko au na lea atu, ‘Kua hē mataloa oi hē toe koutou kitea au, kae ka hē mataloa foki, oi toe koutou kitea au.’ Ko tēnei te mea e fakataufai ai koutou?

Ioane 16:5

Kae nei ko au ka fano ki tē na ia uga maia au, kae e hēai lele houtou tino e fehili mai, pe ko au e fano ki fea.