Ioane 15:24 - Tokelauan New Testament

²⁴ Kana hē kō faia i te mea e i ei ki lātou, nā mea e hēki faia lele e he tino, e vēnei ake e hēki agahala ki lātou. Ka ko te mea kua i ei, kua ki lātou kitea ma kua inoino mai ki a te au fakatahi ma toku Tamana.

Ioane 15:24 ပူးပေါင်းရင်းမြစ်များ

Mataio 11:5

kua pupula ia mata o tāuaho, kua havavali ia pipili, kua fakamamāgia ki lātou e maua i nā tauale kino o te kili, kua logo ia taliga o tutuli, kua toe fakaola nā tino oti, ma ko te Tala Lelei kua folafola ki tagata mātitiva.

Mataio 21:32

Auā na hau ia Ioane te Papatiho ki a te koutou ma fakahino atu te ala tonu ke havavali ai, kae e hēki mafai koutou ke talitonu ki a te ia; kae na talitonu nā aolāfoga ma fafine talitāne. Na kitea foki lava e koutou te mea tēnei, kae e hēki toe hui ai outou māfaufau mulimuli, ma talitonu ki a Ioane.”

Mataio 9:33

Ma na uma loa lava te tuli o te tēmoni ki fafo, oi kāmata loa oi tautala te gūgū, ma na ofo lele ai nā tino uma ma vē ake te lātou kupu, “E hēki ki mātou kitea lele he mea vēnei ke tupu i Ihalaelu!”

Maleko 2:12

Oi tū loa lava te tamāloa ki luga, kua hiki tona moega ma fano kehe vave, ka koi kikila atu ki ei nā tino. Na taufai ofo ki lātou uma lele ma viviki ake ki te Atua ma lea vē, “E hēki ki mātou kiteagia lele he mea vēnei!”

Luka 24:19

Kua fehili atu ia Iehu, “Ni mea ā?” Kua tali atu ki lāua, “Na mea na tutupu ki a Iehu te Nahaleta. Na kitea i ana mea nae fai, ma ana kupu, ko ia ko he pelofeta e tūkehe te mālohi, ma nae fiafia ki ei te Atua ma tagata uma.

Ioane 10:32

Kua lea atu ia Iehu ki a te ki lātou, “Kua fakailoa atu e au ki a te koutou te lahi o nā gāluega lelei na tuku mai e te Tamana ki a te au ke fai; tēfea la te gāluega o nā gāluega iēnei ka fetogi ai au e koutou?”

Ioane 10:37

Kāfai e hē faia e au nā mea e fai e toku Tamana, ia koutou la nahe talitonu mai ki a te au.

Ioane 12:10

Oi taupulepule ai nā ohitāulaga hili ke tāmate foki ia Lahalo,

Ioane 12:45

Ko ai lava e ia kitea au, e ia kitea foki tē na ia uga maia au.

Ioane 14:9

Kua tali mai ia Iehu, “Filipo, kai te mataloa lele o te taimi talu te fakatahi o au ma koutou, kae ko hēki kē iloa lava au? Ko ai lava e ia kitea au, kua ia kiteagia te Tamana. He ā la te lea ai koe, ‘Fakahino mai ki a te ki mātou te Tamana’?

Ioane 15:21

Kae ko nā mea uma iēnei ka ki lātou faia ki a te koutou ona ko koutou e āku; auā e hē ki lātou iloa tē na ia uga maia au.

Ioane 15:22

Kana hē hau au oi folafola atu te fekau ki a te ki lātou, e vēnei ake e hēki agahala ki lātou; kae i te taimi nei, kua hē toe i ei he mea ke fakapeku ki ei, mai a lātou agahala.

Ioane 15:23

Ko ai lava he tino e inoino mai ki a te au, e inoino foki ki toku Tamana.

Ioane 16:9

E hehē to lātou tāofi e uiga ki te agahala, auā e hē talitonu mai ki a te au;

Ioane 3:2

Kua pa ki tētahi pō, oi fano ai ki a Iehu ma lea vē atu ki ei, “Te Faiakoga, e ki mātou iloa ko koe he faiakoga na uga mai e te Atua. E hēai he tino e ia mafaia oi fai nā fakailoga e fai e koe, vaganā ko te Atua e i ei fakatahi ma ia.”

Ioane 5:36

Kae e i ei te molimau e uiga kia te au e hili atu i lo te molimau na fai e Ioane: ko nā mea e fai e au, pe ko nā gāluega na tuku mai e toku Tamana ki a te au ke fai, e molimau ki a te au ma fakailoa ai ko te Tamana te na ia uga maia au.

Ioane 6:36

E vē ona lea atu au, kua uma te koutou kiteagia au, kae ko koutou e hē fia talitonu.

Ioane 7:31

Kae e tokalahi nā tino i te kaifenua kua talitonu ki a te ia ma lea vē, “Kāfai te Mehia e hau, ei na ka lahi atu nei nā fakailoga e ia faia i lo te tagata tēnei?”

Ioane 9:32

Mai te kāloā, e hēki fakalogo lele na kua i ei he tino e ia fakapupulagia ni mata o he tino na fānau mai lava e tāuaho.

Ioane 9:41

Kua tali atu ia Iehu, “Moinei ake koutou e tāuaho, ko koutou e hē fakahalagia; kae ona ko koutou e lea ko koutou e hē tāuaho, ko tona uiga koi nofo hala pea lava koutou.”

Gāluega 10:38

Kua koutou iloa te tala ki a Iehu te Nahaleta, i te liligi ifoga e te Atua ki ona luga te Agaga Paia ma te mana. Na fano ki nā koga kehekehe, ma ia faia nā gāluega lelei ma fakamālōlō ki lātou nae i lalo o te pule a te Tiāpolo, ona nae fakatahi te Atua ma ia.

Gāluega 2:22

“Koutou nā tino o Ihalaelu, fakalogo mai ki nā kupu iēnei! Ko Iehu te Nahaleta, ko he tino na filifilia e te Atua e vē ona fakaali tino atu ki a te koutou, e ala i nā gāluega mamana, nā vāvega, ma nā fakailoga na fai e te Atua kui mai ia te ia. E iloa lelei lava e koutou te mea tēnei, auā ko nā mea iēnei na tutupu lava i kinei i te mea e i ei koutou.

Loma 1:30

ma tau mūimui; e inoino ki te Atua, e fakamā tino, e fia hili ma gugutu; e fatufatu meakino; e hē uhitaki ki o lātou mātua;

2 Timoteo 3:4

ka hē fakamāoni, hē manatunatu lelei, ma tumu i te mimita; ka fiafia atu ki fiafiaga o te ōlaga i lo ki te Atua;

Iakopo 4:4

Ko koutou e vē ni tino kua mulilua. E hē koutou iloa ko te fakauō ma te lalolagi ko te teteke tēnā ki te Atua? Ko nā tino e fofou ke kavea ki lātou ma uō a te lalolagi, kua ki lātou faia lava ki lātou ma fili o te Atua.