Ioane 15:20 - Tokelauan New Testament

²⁰ Manatua te mea na lea atu ai au ki a te koutou: ‘E hē hili atu nā pologa i lo to lātou matai.’ Kāfai au na hāuāgia e tagata, ka vēnā foki ona hāuāgia koutou; kāfai na uhitaki mai ki lātou ki aku akoakoga, ka vēnā foki ona uhitaki atu ki lātou ki autou akoakoga.

Ioane 15:20 ပူးပေါင်းရင်းမြစ်များ

Mataio 10:24

“E hēai he tamaiti akoga e hili atu i lo tona faiakoga; e hēai he pologa e hili atu i lo tona matai.

Maleko 10:39

Kua tali mai ki lāua, “E ki mā mafaia.” Oi vāgana atu ai ia Iehu ki ei, “Ko te ipu e inu ai au ka inu ai koulua, ma ko te papatihoga e papatiho ai au ka papatiho ai koulua.

Luka 2:34

Oi fakamanuia ai ki lātou e Himeona, ma lea vē atu ki a Malia, te mātua o te pepe, “Kikila, ko te pepe tēnei kua filifilia e te Atua mo te fakaumatiaga ma te fakaolataga o tagata Ihalaelu. Ka fai ia ma fakailoga mai te Atua e teteke ki ei te tokalahi o tagata,

Luka 6:40

E hēai he tamaiti akoga e hili atu i lo tona faiakoga, kae ko tamaiti akoga tau tokatahi uma, kāfai e uma lelei ana akoakoga, ka vē lava ko tona faiakoga.

Ioane 10:31

Oi toe papae ifo ai nā tino Iutaia ki ni fatu ka fetogi ai ia Iehu.

Ioane 11:57

Oi fai ai te fakatonuga a nā ohitāulaga hili ma te kau Falehaio, ho he tino e ia iloa te mea e i ei ia Iehu, e tatau ke fakailoa ake, kae ke mafai ai e ki lātou oi puke.

Ioane 13:16

E lea atu au ki a te koutou i te meamoni: e hē hili atu nā pologa i lo to lātou matai, ma e hē hili atu nā kavefekau i lo te tino na ia uga atua ki lātou.

Ioane 5:16

Oi kāmata ai ia fakahāuāga a takitaki o Iutaia ki a Iehu, ona na ia fakamālōlōa he tino i te Hāpati.

Ioane 7:32

Kua lagona a nā Falehaio nā mea e tautatala muhumuhu ai nā tino e uiga ki a Iehu, oi fakatonu ai e ki lātou ma nā ohitāulaga hili nā fitafita, ke puke ia Iehu.

Ioane 8:51

E takutino atu e au ki a te koutou te meamoni: ko ai lava e uhitaki ki aku akoakoga ka hē oti lele.”

Ioane 8:52

Kua lea atu ki lātou ki a te ia, “Kua ki mātou fakamāonia nei ko koe e ulufia e he tēmoni. Ko Apelaamo na oti, na feoti foki ma nā pelofeta, kae ko koe e lea mai, ko ai lava e uhitaki ki au akoakoga e hē oti lele.

Ioane 8:59

Oi tago ai ki lātou ki nā fatu ka fetogi ia Iehu, kae kua fakalafi ia Iehu mai ia te ki lātou, ma fano kehe ai mai te Mālumalu.

Gāluega 14:22

Na fakamālohi atu ki lāua ki nā tino kua talitonu ki a Iehu ma apoapoaki ki ei ke pipiki mau ma te fakamāoni ki to lātou fakamoemoe ki a Iehu. Kua lea vē atu ki lāua, “E tatau ki tātou ke kui i loto o ni puapuagā e lahi, oi ulu atu ai ki tātou ki te Mālō o te Atua.”

1 Kolinito 4:12

ma e fakaaogā o mātou lima i nā gāluega fītā. Kāfai ki mātou e fetū e tagata, e fakamanuia e ki mātou; kāfai ki mātou e maua i nā hāuāga, e onohai ki mātou;

2 Kolinito 4:9

E maua ho ki mātou i fakahāuāga, kae e hē tuku tiakia lele ki mātou e te Atua. E kini ho ki mātou ma pakukū ki lalo, kae e hē oti ai ki mātou.

1 Tehalonia 2:15

iē na tāmatea te Aliki ko Iehu ma nā pelofeta, ma fakahāuā mai foki ki a te ki mātou. Kai te hē fiafia o te Atua ki a te ki lātou! Toetoe lava e hēai he tino ke hē feita ki lātou ki ei.

2 Timoteo 3:12

Ho he tino e fofou ke ola i he ōlaga āmiotonu i te māfutaga ma Keliho Iehu, ka maua i nā fakahāuāga;