Ioane 15:14 - Tokelauan New Testament

¹⁴ Ma ko koutou ni uō e āku, kāfai koutou e uhitaki ki nā mea e kō fakatonua ai koutou.

Ioane 15:14 ပူးပေါင်းရင်းမြစ်များ

Mataio 12:50

Ko ai lava e ia faia te finagalo o toku Tamana i te lagi, ko toku uho tēnā, ko toku tuafafine tēnā ma toku mātua tēnā.”

Luka 12:4

“Oku uho, e lea atu au ki a te koutou, koutou nahe mātataku i nā tino e tāmate e ki lātou te tino o te tagata, ma gata ai foki lava i kinā te mea e ki lātou mafaia.

Ioane 13:17

Nei la kua koutou iloa te moni o nā mea iēnei, amutia koutou kāfai e fakatakitaki koutou ki ei!

Ioane 14:15

“Kāfai koutou e alolofa mai ki a te au, tauhi la ki aku fakatonuga.

Ioane 14:21

“Ko nā tino e talia e ki lātou aku fakatonuga ma uhitaki ki ei, ko ki lātou iēnā e alolofa mai ki a te au; ma ko nā tino e alolofa mai ki a te au, ka alofa ki ei toku Tamana; ma ka vēnā foki ona alofa au ki ei, ma kō fakailoa au ki a te ki lātou.”

Ioane 14:28

Kua uma te koutou lagona toku lea atuga, ‘Ko au e fano kehe, kae ko au e toe hau ki a te koutou.’ Kāfai koutou e alolofa moni mai ki a te au, e tatau koutou ke fiafia ko au e fano ki te Tamana; auā e hili atu tona tāua i lo au.

Ioane 2:5

Oi lea ai te mātua o Iehu ki nā kaukauna nae ki lātou fakahoahoa te uaina, kua vē atu, “Ho he mea lava e lea atu ia Iehu ke fai, oi fai.”

Iakopo 2:23

Ma kua taunuku ai te tuhituhiga paia e lea mai, “Ko Apelaamo nae fakatuatua ki te Atua, ma ko tona fakatuatua na fakaleleia ai e te Atua tona va ma ia.” Ma na takua ai ia he uō e a te Atua.

1 Ioane 5:3

Auā ko te alofa o ki tātou ki te Atua e kitea i to tātou uhitaki ki nā fakatonuga kua tuku mai ki a te ki tātou. Ma ko ana fakatonuga e hē faigatā mo ki tātou,