Ioane 15:11 - Tokelauan New Testament

¹¹ “Kua lea atu au ki a te koutou i te mea tēnei, kae ke ia te koutou ai toku fiafia, ma ke kātoatoa ai te koutou fiafia e vē ko toku fiafia.

Ioane 15:11 ပူးပေါင်းရင်းမြစ်များ

Luka 15:23

Oi olo ai kaumai te punuapovi peti oi tāmate, ma tātou kakai ma fiafia.

Luka 15:32

Kae kua tatau ki tātou ke kakai ma fiafia, auā ko tō uho na mate, ka kua toe ola mai; na galo, ka kua toe maua.’ ”

Luka 15:5

Ma kāfai e ia maua, e hiki e ia ki luga o ona takuau ma te fiafia lahi.

Luka 15:9

Ma kāfai e maua e ia, ka fakapotopoto mai e ia ana uō ma ona tuākoi ma lea vē atu ki ei, ‘Ōmamai tātou fiafia fakatahi, auā ko taku tupe hiliva na galo, kua toe maua.’

Ioane 16:24

Ke pa mai ki te taimi nei, ko hēki gogō lele atu koutou ki he mea i toku igoa; gogō atu oi maua ai e koutou, kae ke kātoatoa ai te koutou fiafia.

Ioane 16:33

Ko au kua lea atu ki a te koutou i te mea tēnei, kae ke maua ai e koutou te fīlēmū, ona ko koutou e tahi ma au. Ka hāuāgia koutou e te lalolagi. Kae loto tetele! Kua fakatōkilalo e au te lalolagi!”

Ioane 17:13

Kae nei, ko au ka fanatu ki a te koe, ma ko au e tautala i nā mea iēnei i te lalolagi, kae ke fakatumulia ai o lātou loto, i toku fiafia.

Ioane 3:29

Ko te tama fakaipoipo, ko te tino ia e a ia te teine fakaipoipo; ko te uō a te tama fakaipoipo e tū i ona tafa ma fakalogologo ki ei, e fiafia lele kāfai e ia lagona atu te leo o te tama fakaipoipo. Nei la, ko toku fiafia kua kātoatoa.

Loma 15:13

Ke fakatumulia koutou e te Atua, te puna o te fakamoemoe, i te fiafia ma te fīlēmū e ala i te koutou fakatuatua, kae ke tupu ai pea te koutou fakamoemoe, i te mana o te Agaga Paia.

2 Kolinito 1:24

Ko koutou e hē fakatonu atua e ki māua ki nā mea e tatau ke talitonu koutou ki ei; e iloa e ki māua ko te koutou fakatuatua kua mautū lelei. Kae ko ki māua e gālulue fakatahi ma koutou ke fiafia ai koutou.

Efeho 5:18

Koutou nahe konanā i te uaina, auā nā ko te fakakino ai o koutou; kae ko koutou e tatau ke fakatumu i te Agaga.

Filipi 1:25

E mautinoa e au te mea tēnei, ma e iloa e au ko au e hē oti kae ka fakatahi pea au ma koutou uma, ke fakatupu ātili ai te koutou fiafia e ala i te talitonu ki a Iehu Keliho;

1 Tehalonia 5:16

Koutou ke loto fiafia i taimi uma,

1 Petelu 1:8

E ui lava ko hēki kikila koutou ki a Iehu, kae ko koutou e alolofa ki ei, ma e ui lava e hē koutou kitea i te taimi nei, kae ko koutou e talitonu ki ei. Te lahi lele la o te fiafia o koutou e hē mafai ke fakamatalagia,

1 Ioane 1:4

Ko ki mātou e tuhi atu kae ke kātoatoa ai to mātou fiafia.

2 Ioane 1:12

E lahi lele nā mea e fia lea atu ai au ki a te koutou, kae ko au e hē fofou ke tuhi i he pepa ma he peni; ko au e fia fanatu oi kikila koutou ma ke talanoa fakatahi ai ki tātou, kae ke kātoatoa ai to tātou fiafia.