Ioane 15:10 - Tokelauan New Testament

¹⁰ Kāfai koutou e uhitaki ki nā mea e fakatonu atu ai koutou e au, ka tūmau foki koutou i toku alofa, e vē lava ona uhitaki au ki nā mea e fakatonu mai e te Tamana, ma tūmau ai au i tona alofa.

Ioane 15:10 ပူးပေါင်းရင်းမြစ်များ

Ioane 10:18

E hēai he tino e ia kave kehea toku ola mai ia te au, kae e kō ofo atua i toku loto malie. E ia te au te pule ke ofo atu ai toku ola, ma e ia te au foki te pule e toe kaumai ai. Ko te mea tēnei kua fakatonu mai e toku Tamana ke kō faia.”

Ioane 12:49

Auā e hē āku nā kupu e tautala ai au, kae ko te Tamana na ia uga maia au, e ia fakatonu maia nā kupu e tatau ke tautala ai au.

Ioane 14:15

“Kāfai koutou e alolofa mai ki a te au, tauhi la ki aku fakatonuga.

Ioane 14:21

“Ko nā tino e talia e ki lātou aku fakatonuga ma uhitaki ki ei, ko ki lātou iēnā e alolofa mai ki a te au; ma ko nā tino e alolofa mai ki a te au, ka alofa ki ei toku Tamana; ma ka vēnā foki ona alofa au ki ei, ma kō fakailoa au ki a te ki lātou.”

Ioane 14:23

Kua tali mai ia Iehu ki ei, “Ko nā tino e alolofa mai ki a te au, ka uhitaki ki aku akoakoga. Ka alofa toku Tamana ki a te ki lātou, ma ka oatu ki māua ma toku Tamana ki a te ki lātou ma nonofo fakatahi ma ki lātou.

Ioane 14:31

kae e tatau ke iloa e te lalolagi ko au e alofa ki te Tamana; ko te mea ia e fai ai e au nā mea uma e fakatonu mai e ia. “Tutū loa, keina tātou olo kehe ma kinei.”

Ioane 17:4

Kua uma te fakailoa e au o te mamalu o koe ki te lalolagi; kua uma te fakataunuku e au o nā gāluega na tuku mai e koe ki a te au ke fai.

Ioane 4:34

Kua lea atu ia Iehu ki a te ki lātou, “Ko taku meakai, ko te uhitaki ki te mea e fofou ki ei te Atua, ma te fakataunukuga o te gāluega na ia tuku maia ki a te au ke fai.

Ioane 8:29

Ma ko tē na ia uga maia au, e fakatahi ma au; e hē ia tukuagia au tautahi, auā e kō faia pea lava nā mea e fiafia ia ki ei.”

Ioane 8:55

E hēki koutou iloa lele ia, kae e iloa e au. Kāfai au e lea atu e hē ko iloa, ka kavea au ma tagata pepelo e vē ko koutou. Kae e iloa e au, ma ko au e uhitaki ki tana kupu.

1 Kolinito 7:19

Pe kua pelitome he tino pe hēai, e hēai lele he mea e i ei; ko te mea e fakatāua ko te uhitaki ki nā fakatonuga a te Atua.

1 Tehalonia 4:1

Ko nā toe kupu la te kau uho, kua uma te iloa e koutou mai ia te ki mātou, te ōlaga e tatau ke ola ai koutou, kae ke fiafia ai te Atua. Ko te ōlaga tonu lava tēnā kua ola ai koutou. Ma i te taimi nei, ko ki mātou e fakatagi ma ole atu i te igoa o te Aliki ko Iehu, ke fakaatili oi hili atu iētahi mea e koutou faia.

Epelu 7:26

Ko Iehu la ko te Ulu Ohitāulaga e maua ai e ki tātou te fehoahoani i ho he mea e fofou ki tātou ki ei. E lelei lava ia i te kikila a te Atua, e hēai hona hehē pe he agahala; kua tuku kehe ia mai tagata agahala ma hiki ake e te Atua ki te lagi.

2 Petelu 2:21

Na hili lele atu ai kana he mea e hēki ki lātou iloa te auala o te āmiotonu, i lo te iloa kae toe liliu kehe mai nā fakatonuga paia na tuku ake ki a te ki lātou.

1 Ioane 2:3

Kāfai ki tātou e uhitaki ki nā mea e fakatonu mai e te Atua, oi ka mautinoa ai e iloa e ki tātou te Atua.

1 Ioane 2:5

Kae kāfai he tino e uhitaki ki tana kupu, ko te meamoni lava, ko te tino tēnā kua kātoatoa te lelei o tona alofa ki te Atua. Ko te mea tēnei e mautinoa ai ko ki tātou e i ei i te māfutaga ma te Atua:

1 Ioane 2:6

ko te tino la e lea ko ia e tūmau i te māfutaga ma te Atua, e tatau ke fakatakitaki ki nā mea nae fai e Iehu Keliho.

1 Ioane 5:3

Auā ko te alofa o ki tātou ki te Atua e kitea i to tātou uhitaki ki nā fakatonuga kua tuku mai ki a te ki tātou. Ma ko ana fakatonuga e hē faigatā mo ki tātou,

Fakaaliga 22:14

Amutia nā tino e ufi mamā o lātou kofutatao kae ke maua e ki lātou te aiātatau ke kakai ai ki te fua o te lākau o te ola, ma ulu atu ki loto o te kakai kui i nā faitotoka.