Ioane 14:9 - Tokelauan New Testament

⁹ Kua tali mai ia Iehu, “Filipo, kai te mataloa lele o te taimi talu te fakatahi o au ma koutou, kae ko hēki kē iloa lava au? Ko ai lava e ia kitea au, kua ia kiteagia te Tamana. He ā la te lea ai koe, ‘Fakahino mai ki a te ki mātou te Tamana’?

Ioane 14:9 ပူးပေါင်းရင်းမြစ်များ

Maleko 9:19

Oi tali atu ai ia Iehu ki a te ki lātou, “Kai te hē talitonu o tagata o tēnei tupulaga! He ā nei te mataloa e tatau ke fakatahi ai pea au ma koutou? He ā nei te mataloa ka onohai ai pea au? Kaumai te taumalo ki a te au!”

Luka 12:56

Ko koutou ni tino āmio pepelo! E koutou iloa oi fakamatala te uiga o nā mea e koutou kitea i te lalolagi ma te lagi; he ā la te hē koutou iloa ai oi fakamatala te uiga o nā mea e tutupu i nā aho nei?”

Ioane 1:14

Na liu tino tagata te Kupu ma nae mau fakatahi ma ki mātou, ma tumu i te alofa tūnoa ma te fakamāoni. Na kikila ki mātou ki tona mamalu, te mamalu o te Ataliki e tokatahi o te Tamana.

Ioane 10:30

Ko te Tamana ma au, e tahi ki māua.”

Ioane 12:45

Ko ai lava e ia kitea au, e ia kitea foki tē na ia uga maia au.

Ioane 14:20

Kāfai e pa ki te aho tēnā, ka iloa e koutou ko au e tahi i te Tamana ma ko koutou e tahi ia te au, e vē lava ona tahi au ia te koutou.

Ioane 14:7

Nei la kua koutou iloa au,” kua lea atu ia Iehu ki a te ki lātou, “ka koutou iloa foki toku Tamana, ma e kāmata atu nei, e koutou iloa ia, ma kua koutou kiteagia ia.”

Ioane 8:19

Oi lea mai ai ki lātou ki a Iehu, “E i fea tō Tamana?” Kua tali atu ia Iehu, “E hē koutou iloa au, pe ko toku Tamana. Kana koutou iloa au, e koutou iloa foki toku Tamana”

1 Kolinito 15:12

Kāfai e folafola e ki mātou ko Keliho kua toe fakatū mai i te oti, e vēhea la oi lea iētahi o koutou ko nā tino kua oti ka hē toetutū mai te oti?

Filipi 2:6

Nae ia te ia lava te natula o te Atua, kae e hēki fofou lele ko ia ke tūmau te tutuha ma te Atua.

Kolohe 1:15

Ko Keliho ko te ata fakatuha ia o te Atua, tē e hē mafai ke kitea e he tino. Ko ia ko te Ataliki ulumatua, ma e hilihili lele ia i lo hētahi o mea na gaohia e te Atua.

Epelu 1:3

E kitea e ala i te Ataliki te uiga kehe o te mamalu o te Atua, ma e fōliga tutuha lelei lava ia ma te Atua, ma ko te mamana o tana kupu e tūmau ai pea nā mea i te lagi ma te lalolagi. I te kua uma o te fakamamāga e ia o agahala a te lalolagi, oi nofo ai ki lalo i te itū taumatau o te Tupu Hilihilikehe.

1 Ioane 5:20

E iloa e ki tātou ko te Ataliki o te Atua kua hau ma kua ia fakailoa maia te Atua moni. Ko ki tātou e ola i te māfutaga ma te Atua moni — i te māfutaga ma tona Ataliki ko Iehu Keliho. Ko tēnei te Atua moni, ma ko tēnei te ola e hē gata.