Ioane 14:31 - Tokelauan New Testament

³¹ kae e tatau ke iloa e te lalolagi ko au e alofa ki te Tamana; ko te mea ia e fai ai e au nā mea uma e fakatonu mai e ia. “Tutū loa, keina tātou olo kehe ma kinei.”

Ioane 14:31 ပူးပေါင်းရင်းမြစ်များ

Mataio 26:39

Kua hēleka mālie atu ia Iehu ki mua, oi fakapakū fakapūlou ai ki te kelekele ma tatalo vē, “Toku Tamana, kāfai e mafai, kave kehe ko te ipu o puapuagā mai ia te au. Kae nahe faia toku loto kae fai tō finagalo.”

Mataio 26:46

Tutū mai loa ki luga keina tātou olo. Kikila atu, kua i kinei te tino e ia fakalatagia au!”

Luka 12:50

E i ei te papatihoga e papatiho ai au, ma ka popole pea lava toku loto ke pa ki te taimi e fakataunuku ai!

Ioane 10:18

E hēai he tino e ia kave kehea toku ola mai ia te au, kae e kō ofo atua i toku loto malie. E ia te au te pule ke ofo atu ai toku ola, ma e ia te au foki te pule e toe kaumai ai. Ko te mea tēnei kua fakatonu mai e toku Tamana ke kō faia.”

Ioane 12:27

“Te popole o toku loto i te taimi nei. Ka vēhea ake nei au? Ka lea nei au, ‘Te Tamana, fakahao ko au mai tēnei itūlā.’? Hēai, ko tēnei tonu lava te mea na hau ai au — ke maua au i nā puapuagā i te itūlā tēnei.

Ioane 12:49

Auā e hē āku nā kupu e tautala ai au, kae ko te Tamana na ia uga maia au, e ia fakatonu maia nā kupu e tatau ke tautala ai au.

Ioane 13:1

Kua pa ki te aho e hohoko ki te Kaiga Fakamanatu o te Pāheka, ma kua iloa e Iehu ko te itūlā kua pa mai, ke tukua ai e ia te lalolagi kae fano ki te Tamana. Nae alofa pea lava ia ki ona tagata i te lalolagi, ma nae alofa ki a te ki lātou ke pa lava ki te ikuga.

Ioane 15:9

Ko au e alofa ki a te koutou e vē ona alofa mai te Tamana ki a te au; koutou la ke tūmau i toku alofa.

Ioane 18:11

Kua lea atu ia Iehu ki a Petelu, “Tuku tau pelu ki tona huluga! Ko tō manatu ko au ka hē inu ki te ipu o nā puapuagā kua tuku mai e toku Tamana ki a te au?”

Ioane 4:34

Kua lea atu ia Iehu ki a te ki lātou, “Ko taku meakai, ko te uhitaki ki te mea e fofou ki ei te Atua, ma te fakataunukuga o te gāluega na ia tuku maia ki a te au ke fai.

Filipi 2:8

Ma i tona itū tagata, nae loto maulalo, ma nae uhitaki pea lava ke pa lava ki tona mate — i luga o te hātaulo.