Ioane 14:3 - Tokelauan New Testament

³ Ma kāfai au e fano oi hāuni he mea ke nonofo ai koutou, ko au e toe hau oi kavatu koutou, kae ke i ei ai koutou fakatahi ma au, i te mea e i ei ai au.

Ioane 14:3 ပူးပေါင်းရင်းမြစ်များ

Ioane 12:26

Ko ai lava he tino e fia kaukauna mai ki a te au, e tatau ke mulimuli mai ki a te au, ma ko te mea e i ei au, ka i ei ai foki taku kaukauna. Ko ai lava e kaukauna mai ki a te au, ka vīkia ia e toku Tamana.

Ioane 14:28

Kua uma te koutou lagona toku lea atuga, ‘Ko au e fano kehe, kae ko au e toe hau ki a te koutou.’ Kāfai koutou e alolofa moni mai ki a te au, e tatau koutou ke fiafia ko au e fano ki te Tamana; auā e hili atu tona tāua i lo au.

Ioane 14:4

E iloa e koutou te ala ki te mea e fano au ki ei.”

Ioane 17:24

“Te Tamana, kua kē tuku maia ki lātou ki a te au, ma ko au e fofou ke fakatahi ki lātou ma au i te mea e i ei ai au, kae ke ki lātou kiteagia toku mamalu, te mamalu na kē tuku maia ona ko koe e alofa mai ki a te au, ka ko hēki faia te lalolagi.

Gāluega 1:11

Kua lea vē mai ki lāua, “Nā tino Kalilaia, he ā te tutū ai koutou i kinā ma taukikila ki te lagi? Ko te Iehu tēnei, tēia na hikitia ake mai ia te koutou, ka toe haele mai i te auala lava e tahi na koutou kitea na fanake ai ki te lagi.”

Loma 8:17

Ona ko ki tātou he fānau e a ia, ka maua ai e ki tātou nā fakamanuiaga e tāofi e ia mo ona tagata, ma ka ia te ki tātou foki fakatahi ma Keliho, nā mea e tāofi e te Atua mo ia; auā kāfai e fakatahi ki tātou ma Keliho i ona puapuagā, ka vēnā foki ona fakatahi ki tātou ma ia i tona mamalu.

Filipi 1:23

E fetoho lava i toku māfaufau nā mea iēnei e lua. Ko au e fofou keina tukua e au te ola tēnei ke fakatahi ma Keliho, auā e hili atu tēnā;

2 Tehalonia 1:12

I te faiga tēnei, ka maua ai he vīkiga o te igoa o te Aliki ko Iehu mai ia te koutou, vēnā koutou mai ia te ia, e ala i te alofa tūnoa o to tātou Atua vēnā mai te Aliki ko Iehu Keliho.

2 Timoteo 2:12

Kāfai e tūmau pea to tātou onohai, ka pule fakatahi foki ki tātou ma ia. Kāfai e fakafiti ki tātou ia te ia, ka fakafiti foki ia ia te ki tātou.

Epelu 9:28

E vēnā foki lava te auala na ofo fakafokotahi atu ai ia Keliho ma tāulaga, ke kave kehea ai ia agahala a te tokalahi. Ka toe haele mai ia, e hē mo te fakamāgaloga o nā agahala, kae ke fakaola ki lātou e fakatalitali ma te amanaki ki a te ia.

Fakaaliga 3:21

Ki nā tino e maua e ki lātou te manumālō, ka fōki e au ki ei te avanoa ke nonofo ai i oku tafa i luga o toku nofoāliki, e vē foki lava ko au na manumālō, ma kua nofo ai nei au i tafa o toku Tamana i luga o tona nofoāliki.