Ioane 14:26 - Tokelauan New Testament

²⁶ Ko te Fehoahoani, te Agaga Paia, tē ka uga mai e te Tamana i toku igoa, ka ia akoakoa atua ki a te koutou nā mea uma lele, ma ka koutou manatua ai nā mea uma na lea atu ai au.

Ioane 14:26 ပူးပေါင်းရင်းမြစ်များ

Mataio 1:18

Ko te tala tēnei ki te fānau maiga o Iehu Keliho. Ko tona mātua ko Malia, na fakamau ke nonofo ma Iohefa. Ka ko hēki nonofo ki lāua, kae kua iloa e Malia ko ia kua to i te mana o te Agaga Paia.

Mataio 1:20

Ka koi māfaufau vēnei ia Iohefa, kae kua fakaali ki ei he agelu a te Aliki i he miti, e lea vē, “Iohefa te lāpuna o Tavita, ia koe nahe mataku oi kavea ia Malia ma au āvaga. Auā ko tana to e mai i te mana o te Agaga Paia.

Mataio 28:19

Olo la oi fai ia tagata o mālō uma o te lalolagi ma oku hoko: papatiho atu ki a te ki lātou i te igoa o te Tamana, te Ataliki ma te Agaga Paia,

Mataio 3:11

E kō papatihoa koutou i te vai ke iloa ai ko koutou kua halamō, kae ko tē e mulimuli mai ia te au, e hilihili kehe atu tona mamalu i lo au, ma e hē aogā au ke kō taukaveagia ona hēvae. Ka ia papatihoa koutou i te Agaga Paia ma te afi.

Maleko 12:36

Ko Tavita lava ia na fakaohofia e te Agaga Paia ke lea vē: ‘Ko te Aliki te Atua na vāgana ki toku Aliki: Nofo i toku itū taumatau, ke pa ki te taimi e tuku ai e au nā fili o koe ki lalo o nā vae o koe.’

Maleko 13:11

Ma kāfai koutou e puke ma kave ki te fakamahinoga, koutou nahe popole pe ka vēhea ake hautou tala e fai ki ei; kāfai e pa ki te taimi tēnā, tautatala lava i nā kupu ka fōki atu ki a te koutou. Auā ko nā kupu e tautatala ai koutou ka hē a koutou, kae ka hau mai te Agaga Paia.

Luka 1:15

auā ko Ioane ka kavea ma tagata tāua i mua o te Aliki. E hē tatau lele ia ke inu ki he uaina, pe he mea mālohi. Ka fakatumulia ia i te Agaga Paia mai te aho e fānau mai ai,

Luka 1:35

Ka kua tali mai te agelu, “Ka fanaifo te Agaga Paia ki ō luga, ma ko te mana o te Hilihilikehe ka fakamalumalu ifo ki ō luga. Ko te mea ia ka paia ai te tama ka fānau mai, ma ka takua ai ko te Ataliki o te Atua.

Luka 1:41

Na lagona atu lava e Elihapeta te ofoalofa mai a Malia, oi gāoioi ake ai foki ma te pepe i tona manava. Kua fakatumulia foki ia Elihapeta i te Agaga Paia,

Luka 1:67

Oi fakatumulia ai ia Hakalia, te tamana o Ioane, i te Agaga Paia, ma na fai ai tana vāloaga e vēnei;

Luka 11:13

Kāfai la koutou, e ui lava e kino kae e koutou iloa oi fōki nā mea lelei ma autou fānau, ka hē hili atu nei la te lahi o nā taimi ka uga ifo ai te Agaga Paia e te Tamana i te lagi, ki nā tino e gogō atu ki a te ia!”

Luka 2:25

I te vāitaimi tēnā, nae i ei he tino nae igoa ki a Himeona nae nofo i Ieluhalema. Ko he tino lelei ma mataku i te Atua, ma nae fakatalitali ke laveaki e te Atua ia Ihalaelu. Nae fakatahi te Agaga Paia ma ia,

Luka 24:49

Kikila, ka uga ifo e au ki outou luga tē na folafola e toku Tamana. Kae ko koutou e tatau ke fakatalitali i te kakai tēnei, ke pa ki te taimi e tuku atu ai ki a te koutou, te mana mai te lagi.”

Luka 3:22

ma fanaifo ai te Agaga Paia ki ona luga, e vē he tino e o he lupe. Ma he leo e fanaifo mai te lagi, “Ko koe ko toku Ataliki pele, e fiafia lahi au ki a te koe.”

Ioane 1:33

Nae hē kō iloa pe he tino vēhea, kae ko te Atua, na ia uga maia au ke papatiho i te vai, na vāgana mai ki a te au, vē mai, ‘Ka kitea e koe te Agaga e fanaifo oi nofo i luga o he tino; ko ia tēnā te ia papatihoa i te Agaga Paia.’

Ioane 12:16

E hēki mālamalama nā hoko o ia i te mea tēnei i te taimi tēnā; kae i te fakatū akega o Iehu ki tona mamalu, na manatua ai e ki lātou ko te tuhituhiga paia na lea mai vēnei e uiga ki a te ia, ma ko nā mea iēnei na fai e ki lātou mo ia.

Ioane 14:16

Ko au ka tatalo ki te Tamana, ma ka ia fōki atua ki a te koutou hētahi Fehoahoani, ke fakatahi pea ma koutou ke pa ki te fakavavau.

Ioane 14:25

“Ko au kua lea vēnei atu i nā mea iēnei ka koi fakatahi au ma koutou.

Ioane 15:26

“Ka hau te Fehoahoani — ko te Agaga, e ia fakaalia te meamoni e uiga ki te Atua, ma e hau mai te Tamana. Ka uga atu e au te Agaga ki a te koutou mai te Tamana, ma ka molimau ia e uiga ki a te au.

Ioane 16:7

Kae ko au e lea moni atu ki a te koutou; e hili atu mo koutou kāfai au e fano kehe, auā kāfai au e hē fano, ka hē hau foki te koutou Fehoahoani. Kae kāfai au e fano kehe, oi ka kō uga maia ai ia, ki a te koutou.

Ioane 2:22

I te toe fakatū maiga la o Iehu mai te oti, oi na manatua ai e ona hoko, ko te mea tēnei na lea ai, ma na talitonu ai loa ki lātou ki te tuhituhiga paia, ma te mea na lea ai ia Iehu.

Ioane 20:22

Oi mānava atu ai ia ki a te ki lātou ma lea vē atu, “Talia te Agaga Paia.

Ioane 6:45

Na tūhia e nā pelofeta, ‘Ko tagata uma ka akoakogia e te Atua.’ Ko nā tino uma e fakalogo ki te Tamana ma maua ho lātou akoakoga mai ia te ia, e ōmamai ki a te au.

Ioane 7:39

Ko te kupu tēnei a Iehu na fai fakatatau ki te Agaga Paia, tēia na tuku e maua e nā tino kua talitonu. I te taimi tēnā, ko hēki tuku atua e te Atua te Agaga Paia, auā ko Iehu ko hēki hiki akea ki tona mamalu.

Gāluega 1:2

ke pa lava ki te aho na hikitia ake ai ki te lagi. Ka ko hēki hikitia la, kae fai tana fakatonuga e ala i te mana o te Agaga Paia ki nā taulelea na ia filifilia, ke fai ma ana apohitolo.

Gāluega 1:4

Ka ko i ei ia ma ki lātou, na fai e ia te fakatonuga tēnei ki ei, “Ko koutou e hē olo kehe ma Ieluhalema, kae fakatali ki te meaalofa na lea atu ai au, te meaalofa na folafola e toku Tamana.

Gāluega 1:8

Kae i te taimi e fanatu ai te Agaga Paia ki outou luga, ka fakatumulia koutou i te mana ma kavea ai koutou ma molimau e uiga ki a te au i loto o Ieluhalema, Iutea ma Hāmālia, ma ke pa lava ki te gataga o te lalolagi.”

Gāluega 11:16

Oi kō manatua ai te vāgana a te Aliki, ‘Na papatiho e Ioane i te vai, kae ka papatiho koutou i te Agaga Paia.’

Gāluega 13:2

Ka koi tāpuaki atu ki lātou ki te Aliki ma fakalāina, kae vāgana vē atu ki ei te Agaga Paia, “Tofi mai ma āku ia Panapa ma Haulo, ke fai te gāluega kua kō filifilia mo ki lāua.”

Gāluega 13:4

I te ugaga o Panapa ma Haulo e te Agaga Paia, oi olo ai ki Heleukeia, ma malaga ai i he vaka mai kinā ki te motu e igoa ko Kupulona.

Gāluega 15:28

E tutuha lava to mātou manatu ma te mea e fofou ki ei te Agaga Paia, e hē tatau ke toe fakauta atu ni iētahi kavega ki outou luga, vāgana ai nā mea iēnei:

Gāluega 15:8

Ma ko te Atua, tē e ia iloa ia māfaufauga o tagata uma, kua ia fakailoagia ko nā tino nukukehe e mafai foki ke talitonu ki te Aliki, e ala i te tuku atu e ia ki a te ki lātou o te Agaga Paia.

Gāluega 16:6

Na malaga kui loto atu ki lātou i nā kogāfenua o Fulugia ma Kalatia, ona na fakaali ki ei e te Agaga Paia ke nahe talakiagia te fekau i te itūmālō o Ahia.

Gāluega 2:33

Kua hikitia ake ia ki te itū taumatau o te Atua tona Tamana, ma kua tuku atu ki a te ia te Agaga Paia, e vē oi folafola e tona Tamana ki a te ia. Ko te mea la kua kikila ma fakalogo koutou ki ei nei, ko tana meaalofa tēnā kua liligi ifo ki o mātou luga.

Gāluega 2:4

Na fakatumulia ai ki lātou uma i te Agaga Paia, oi kāmata ai oi tautatala i iētahi gagana, e vē ona tuku atu e te Agaga ki a te ki lātou te mana ke tautatala ai.

Gāluega 20:28

Ko te mea ia, koutou ke mataala ma kikila lelei te lafu māmoe kua tuku atu e te Agaga Paia ke kikila e koutou. Ke kavea koutou ma leoleomāmoe o te Ekalehia a te Atua, tēia kua ia kavea ke fai mo ia, e ala i te toto o tona Ataliki.

Gāluega 20:35

Kua fakahino atu e au ki a te koutou i aku mea uma e fai, ko te galue mālohi e vē ona galue ai au, e mafai ai e ki tātou ke fehoahoani ki te tino faitauale, ma manatua ai nā kupu na vāgana ai te Aliki ko Iehu e vē, ‘E lahi atu te manuia o te tino e ia fōkia, i lo te tino e ia taliagia’ ”

Gāluega 28:25

Oi na fekehekeheaki ai lava ki lātou ma tākape ai lava, ka kua uma ai te lea vē atu o Paulo i te mea tēnei e fokotahi: “Kai te hako lele o te vāgana a te Agaga Paia ki nā tupuna o koutou, na kui mai i te pelofeta ko Ihaia!

Gāluega 5:3

Oi lea atu ai ia Petelu ki ei, “Anania, he ā te kua fakataga ai e koe ia Hātani ke pule ki a te koe ma kua pepelo ai koe ki te Agaga Paia, i te kua kē tāofia o he vāega o te tupe na maua mai i tō fenua?

Gāluega 7:51

“Kai koutou te loto makaka!” Kua toe lea atu ia Hetefano, “Ko outou loto kua vē ko nā loto o tagata fakapaupau! Ko koutou te fakataliga tutuli ki te fekau a te Atua! E vē lava koutou ko nā tupuna o koutou: ko koutou foki kua teteke pea lava ki te Agaga Paia.

Gāluega 7:55

Ka ko Hetefano kua fakatumulia i te Agaga Paia; kua kikila ake ki te lagi ma ia kitea atu te huhulu pupula o te Atua, ma Iehu e tū i tona itū taumatau.

Loma 14:17

Auā ko te Mālō o te Atua e hē ko nā mea e kai ma nā mea e inu, kae e fakatatau ki te faia o nā mea e fiafia ai te Atua, e fakatatau ki te maua o te ola fīlēmū, e fakatatau ki te maua o te fiafia moni. Ko nā mea uma iēnei e maua mai i te Agaga Paia.

Loma 15:13

Ke fakatumulia koutou e te Atua, te puna o te fakamoemoe, i te fiafia ma te fīlēmū e ala i te koutou fakatuatua, kae ke tupu ai pea te koutou fakamoemoe, i te mana o te Agaga Paia.

Loma 15:16

ke kavea ai au ma kaukauna a Keliho Iehu ke galue mo tagata nukukehe. Ko au e tautua e vē he ohitāulaga i te tālakiga o te Tala Lelei mai te Atua, kae ke ofo atu ai e te Agaga Paia ia tagata nukukehe ma tāulaga e fiafia ai te Atua.

Loma 5:5

Ko te fakamoemoe tēnei e hē fakanoanoa ai ki tātou, auā kua liligi mai e te Atua tona alofa ki o tātou loto e ala i te Agaga Paia, te meaalofa a te Atua ki a te ki tātou.

1 Kolinito 12:3

Ko te mea ia, ko au e fofou ke koutou iloa e hēai he tino e takitakia e te Agaga o te Atua e mafai ke “fetū e ia ia Iehu!” ma e hēai he tino e ia mafai oi folafola “Ko Iehu ko te Aliki,” pe kāfai e hē takitakiagia e te Agaga Paia.

1 Kolinito 6:19

E hē koutou iloa ko outou tino ko te mālumalu ia o te Agaga Paia, e nofo i loto ia te koutou, ma na fōki atu e te Atua ki a te koutou? Ko koutou e hē a koutou kae e a te Atua;

2 Kolinito 6:6

Ko to mātou loto mamā, te iloa, te onohai ma te agalelei, kua fakaalia ai ko ki mātou ni kaukauna e a te Atua — e ala i te Agaga Paia, e ala i to mātou alolofa moni,

Efeho 1:13

Ma ko koutou foki na kavea ma tagata o te Atua i te lagonaga e koutou te kupu moni — te Tala Lelei na maua ai e koutou te fakaolataga. Ko koutou kua talitonu ki a Keliho, ma kua tuku e te Atua ki outou luga tana fakailoga e iloa ai ko koutou e a ia, e ala i te Agaga Paia kua fōki atu e ia ki a te koutou, e vē oi folafola e ia.

Efeho 1:17

ma ko au e fakatoga ki te Atua o to tātou Aliki ko Iehu Keliho, te Tamana e uiga kehe tona mamalu, ke fōki atu ki a te koutou te Agaga, tē ka maua ai e koutou te mālamalama, ma fakailoa atua ki a te koutou te Atua, kae ke koutou iloa ai ia.

Efeho 4:30

Ma nahe koutou faia he mea ke fakanoanoa ai te Agaga Paia o te Atua. Auā ko te Agaga Paia ko te fakailoga ia a te Atua kua i outou luga e iloa ai ko koutou e a ia, ko he fakailoga mautinoa tēnā e iloa ai ka i ei te Aho ka fakahaoloto ai koutou e te Atua.

1 Tehalonia 4:8

Ko te mea ia, ko ai lava e teteke ki te akoakoga tēnei, e hē ko te tagata te kua ia tetekea, kae ko te Atua tē e ia fōki atua ki a te koutou, tona Agaga Paia.

2 Timoteo 1:14

Puipui lelei ki nā mea kua tuku atu ki a te koe e ala i te mana o te Agaga Paia e mau i loto o ki tātou.

Tito 3:5

ma kua fakaola ai ki tātou. E hē ona ni gāluega lelei na ki tātou faia, kae ona ko tona alofa fakahao mo ki tātou. E ala i te mana o tona Agaga na ia fakamamāgia ai ki tātou ma mafai ai ke toe fanaufougia ki tātou ma maua ai e ki tātou te ola fou.

Epelu 10:15

Ma kua fakamāonia foki e te Agaga Paia ki a te ki tātou. Muamua e lea vē,

Epelu 2:4

I te taimi foki lava tēnā, na fakaopoopo e te Atua tana molimau ki nā molimau a nā tino iēnei, e ala i nā itūkāigā vāvega ma nā mea ofoofogia kehekehe na ia faia, ma te tufatufaga o nā meaalofa a te Agaga Paia, e tuha ai ma te mea kua finagalo ia ki ei.

Epelu 3:7

Ko te mea ia, e vē oi lea ai te Agaga Paia: “Kāfai e lagona e koutou te leo o te Atua i te aho nei,

Epelu 9:8

E fakailoa manino mai e te Agaga Paia e ala i nā fakatūlagaga iēnei, ko te auala ki loto o te Nofoaga e Hili te Paia, ko hēki mafai ke tatala auā te Falekie pito ki fafo koi tū lava.

1 Petelu 1:12

Na fakailoa e te Atua ki nā pelofeta iēnei, ko te gāluega a ki lātou e mo koutou kae hē mo ki lātou lava. Na fakailoa atu e ki lātou nā mea kua koutou iloa i te taimi nei mai nā kavefekau na ki lātou folafolagia te Tala Lelei, e ala i te mana o te Agaga Paia na uga ifo mai te lagi. Ke pa lava ki nā agelu, e fia ki lātou iloa lele nā mea iēnei.

2 Petelu 1:21

Auā e hēai he fekau na fakailoa mai e nā pelofeta, na kaumai ona ko he loto o he tino, kae na kaumai e ni tino ei lalo o te pule a te Agaga Paia, i nā taimi e ki lātou fakailoa ai te fekau mai te Atua.

1 Ioane 2:20

Kae ko koutou kua uma te fakaukugia e Keliho te Tokatahi Paia fakatahi ma te Agaga, ma e iloa uma e koutou te meamoni.

1 Ioane 2:27

Kae e vē la ki a te koutou, kua liligi atu e Keliho tona Agaga ki luga o koutou. Kāfai lava la e tūmau pea tona Agaga i luga o koutou, e hē manakomia foki e koutou he tino ke akoakoa koutou. Auā e akoako koutou e tona Agaga i nā mea uma, ma ko te mea e akoako e ia e moni, kae e hē pepelo. Uhitaki la ki akoakoga a te Agaga, ma ke tūmau ai pea lava koutou i te māfutaga ma Keliho.

1 Ioane 5:7

E toka tolu ia molimau:

Iuta 1:20

Kae ko koutou aku uō pele, ke haga ati ake pea i te fakavae o te koutou fakatuatua e hili te paia. Tatalo i te mana o te Agaga Paia,

Fakaaliga 2:11

“Kāfai e i ei ni outou taliga, fakalogo la ki te mea e lea ai te Agaga ki nā Ekalehia! “Ko nā tino e ki lātou mauagia te manumālō, ka hē āfāina ki lātou i te oti tona lua.