Ioane 14:2 - Tokelauan New Testament

² E lahi nā potu i te fale o toku Tamana, ma ko au e fano oi hāuni he mea ke nonofo ai koutou. E hē mafai au ke lea atu vēnei, anei ake e hēai.

Ioane 14:2 ပူးပေါင်းရင်းမြစ်များ

Luka 14:22

Ma kua lea atu te kaukauna, ‘Te aliki, ko te mea na fakatonu mai e koe, kua uma te fai, kae koi i ei lava nā avanoa.’

Ioane 13:33

Taku fānau, kua hē mataloa hoku taimi ma koutou. Ka koutou hakilia au; kae ko te mea na lea ai au ki nā takitaki o Iutaia, ka lea atu ai foki au ki a te koutou, ‘E hē koutou mafaia oi olo ki te mea e fano au ki ei.’

Ioane 13:36

Kua fehili atu ia Himona Petelu. “Te Aliki, ko koe e fano ki fea?” Kua tali mai ia Iehu, “E hē kē mafaia oi mulimuli mai ki te mea e fano au ki ei i te taimi nei, kae e hau te taimi oi mulimuli mai ai koe ki a te au.”

Ioane 14:28

Kua uma te koutou lagona toku lea atuga, ‘Ko au e fano kehe, kae ko au e toe hau ki a te koutou.’ Kāfai koutou e alolofa moni mai ki a te au, e tatau koutou ke fiafia ko au e fano ki te Tamana; auā e hili atu tona tāua i lo au.

Ioane 16:4

Kae kua uma toku lea atu ki a te koutou i te mea tēnei. Kāfai la e pa ki te taimi e fai ai e ki lātou nā mea iēnei, ka manatua e koutou nā mea na lea atu ai au. “E hēki kō taku atua ki a te koutou nā mea iēnei i te kāmataga, auā nae fakatahi lava au ma koutou.

Ioane 17:24

“Te Tamana, kua kē tuku maia ki lātou ki a te au, ma ko au e fofou ke fakatahi ki lātou ma au i te mea e i ei ai au, kae ke ki lātou kiteagia toku mamalu, te mamalu na kē tuku maia ona ko koe e alofa mai ki a te au, ka ko hēki faia te lalolagi.

Gāluega 9:16

Ma ka kō fakahinoa ki ei te lahi o nā puapuagā ka pa ia ki ei, ona ka ia fakailoagia toku igoa ki tagata.”

2 Kolinito 5:1

Auā e iloa e ki mātou kāfai te falekie tēnei e nonofo ai ki mātou — o mātou tino i te lalolagi nei — e fakakino, ka i ei he fale e hāunia e te Atua i te lagi mo ki mātou, he fale e ia faua lava ma e tūmau ke pa ki te fakavavau.

1 Tehalonia 5:9

Ko ki tātou e hēki filifilia e te Atua ke pagātia i tona tōkahā, kae na ia filifilia ki tātou ke fai mo ki tātou te fakaolataga, e ala i to tātou Aliki ko Iehu Keliho,

Tito 1:2

iē e fakavae i luga o te fakamoemoe mo te ola fakavavau. Ko te Atua e hē pepelo, ma na ia folafola maia te ola fakavavau tēnei ka ko hēki faia te lalolagi,

Epelu 11:10

Auā ko Apelaamo nae fakatalitali mo te kakai na fuafua ma fau e te Atua, te kakai e tūmau pea lava ona fakavae.

Epelu 13:14

Auā e hēai he nuku tūmau mo ki tātou i lalo nei; ko ki tātou e hakilikili ki te kakai e tuku e pa mai.

Epelu 6:20

Kua muamua ia ma o tātou hui, ma kua kavea ma Ulu Ohitāulaga e fakavavau, i te puikāiga ohitāulaga a Melekiheteka.

Epelu 9:8

E fakailoa manino mai e te Agaga Paia e ala i nā fakatūlagaga iēnei, ko te auala ki loto o te Nofoaga e Hili te Paia, ko hēki mafai ke tatala auā te Falekie pito ki fafo koi tū lava.

Fakaaliga 1:5

ma vēnā foki mai ia Iehu Keliho, te molimau fakamāoni. Ko ia te tino muamua kua fakatū mai i te oti, ma e pule ia i tupu uma o te lalolagi. E alofa mai ia ki a te ki tātou, ma kua ia fakahaolotoagia ki tātou mai te agahala, e ala i tona toto na maligi,

Fakaaliga 21:2

Ma na kō kitea atu te Kakai Paia, te Ieluhalema fou, kua fanaifo ki lalo mai te lagi mai te Atua, kua uma te tāpena ma hāuni, e vē ko he teine fakaipoipo kua teu mo tana tāne.

Fakaaliga 3:12

Ko ai lava e manumālō, ka kō kavea ki lātou ke fai ma poutū o te mālumalu o toku Atua, ma ka hē toe olo kehe lele mai ai ki lātou. Ka kō tuhiagia ki o lātou luga te igoa o toku Atua ma te igoa o te kakai o toku Atua, te Ieluhalema fou, tēia ka fanaifo ki lalo mai te lagi mai toku Atua. Ka kō tuhiagia foki ki o lātou luga toku igoa fou.

Fakaaliga 3:21

Ki nā tino e maua e ki lātou te manumālō, ka fōki e au ki ei te avanoa ke nonofo ai i oku tafa i luga o toku nofoāliki, e vē foki lava ko au na manumālō, ma kua nofo ai nei au i tafa o toku Tamana i luga o tona nofoāliki.