Ioane 14:13 - Tokelauan New Testament

¹³ Ho he mea lava e gogō atu koutou ki ei i toku igoa, e fai e au, kae ke fakailoa ai te mamalu o te Tamana, e ala i te Ataliki.

Ioane 14:13 ပူးပေါင်းရင်းမြစ်များ

Mataio 21:22

Ma ko ho he mea lava e gogō atu ai koutou i te tatalo, ka vēnā lava oi maua e koutou, kāfai koutou e talitonu.”

Mataio 7:7

“Gogō atu, oi fōki atu ai ki a te koutou; hakili atu, oi maua ai e koutou; tukituki atu, oi tatala mai ai te faitotoka ki a te koutou.

Maleko 11:24

Ko te mea ia e lea atu ai au ki a te koutou: Kāfai koutou e tatalo ma gogō atu ki he mea, talitonu kua maua e koutou, oi ka fōki atu ai ki a te koutou ho he mea lava e gogō atu koutou ki ei.

Luka 11:9

“Ma ko te mea ia e lea atu ai au ki a te koutou: Gogō atu, oi fōki mai ai ki a te koutou; hakili atu, oi maua ai e koutou; tukituki atu, oi tatala mai ai te faitotoka ki a te koutou.

Ioane 10:30

Ko te Tamana ma au, e tahi ki māua.”

Ioane 12:44

Na leo lahi lele ia Iehu ma lea vē atu, “Ko ai lava e talitonu mai ki a te au, e hē talitonu mai oioti ki a te au, kae e talitonu foki ki tē na ia uga maia au.

Ioane 13:31

Kua fano kehe ia Iuta, oi vāgana atu ai ia Iehu, “Ko te taimi nei e fakaalia ai te mamalu o te Ataliki o te Tagata; ko te taimi nei e fakaalia ai te mamalu o te Atua e ala i te Ataliki o te Tagata.

Ioane 14:14

Kāfai koutou e gogō mai ki a te au ki ho he mea i toku igoa, e fai e au.

Ioane 14:6

Oi tali mai ai ia Iehu ki ei, “Ko au ko te ala ma te meamoni ma te ola; e hēai he tino e fano ki te Tamana, vaganā e kui mai ia te au.

Ioane 15:16

E hēki koutou filifilia au, kae na kō filifilia koutou ma tōfia ke olo ma fua mai ni fua e lahi, te itūkāigā fua e tūmau pea. Oi fōki atu ai e te Tamana ki a te koutou, ho he mea lava e gogō atu koutou ki ei, i toku igoa.

Ioane 15:7

Ke tūmau te koutou tahi ia te au, ma ke tūmau taku kupu ia te koutou. Oi fōki atu ai ho he mea lava e tatalo atu koutou ki ei.

Ioane 16:23

“Kāfai e pa mai te aho tēnā, ka hē toe gogō mai koutou ki a te au ki he mea. E takutino atu e au ki a te koutou te meamoni: kāfai koutou e gogō atu ki toku Tamana i ho he mea i toku igoa, ka fōki atu e ia ki a te koutou.

Ioane 16:26

Kāfai e pa mai te aho tēnā, ka gogō atu koutou ki a te ia i toku igoa; ko au e hē lea atu ko au ka gogō ki te Tamana, mo koutou,

Ioane 16:7

Kae ko au e lea moni atu ki a te koutou; e hili atu mo koutou kāfai au e fano kehe, auā kāfai au e hē fano, ka hē hau foki te koutou Fehoahoani. Kae kāfai au e fano kehe, oi ka kō uga maia ai ia, ki a te koutou.

Ioane 4:10

Kua tali atu ia Iehu ki ei, “Ka na he mea na kē iloa te meaalofa a te Atua, ma pe ko ai foki te tino e lea atu ki a te koe mo he vai inu, anei ake kua lea koe ki ei, ma kua ia fōkiatua ki a te koe, te vai o te ola.”

Ioane 4:14

ka ko nā tino e inu ki te vai e kō fōkia ki ei, e hē toe fia inua lele. Ko te vai e kō fōkia ki a te ki lātou, e kavea ma vaipuna i loto o ki lātou, e puna ake ai pea te vai o te ola mo ki lātou, ma maua ai e ki lātou te ola e fakavavau.”

Ioane 5:19

Oi vāgana atu ai ia Iehu ki a te ki lātou, “E takutino atu e au ki a te koutou te meamoni; e hē mafai e te Ataliki ona fai he mea nā ko ia; kae e ia faia oioti nā mea e ia kitea e fai e tona Tamana. Ko te mea lava e fai e te Tamana, e fai foki e te Ataliki.

Ioane 7:37

I te toe aho, ma ko te aho ia e hili ona tāua i nā aho o te Kaiga Fakamanatu, na tū ai ki luga ia Iehu oi tautala leo lahi, kua lea vē atu, “Ko ai lava he tino e fia inu, hau ki a te au, ma

1 Kolinito 14:13

Ko te tino la e tautala i nā gagana kehekehe, e tatau ke tatalo mo te mana ke fakamatala ai nā kupu e tautala ai.

Efeho 2:18

Ona ko Keliho kua mafai ai ki tātou uma lele, ia tagata Iutaia ma tagata nukukehe, ke oatu i te Agaga e fokotahi ki mua o te Tamana.

Efeho 3:12

Ona ko te hokotaga vāvālalata a ki tātou ma Keliho ma to tātou fakatuatua ki a te ia, kua loto toa ai ki tātou ke oatu ki mua o te Atua ma te mautinoa kātoatoa.

Efeho 3:14

Ko au e tōtuli ma tatalo ki te Tamana,

Filipi 4:13

Kua fōki mai e Keliho ki a te au te mālohi, ke talia ai e au ho he mea.

Kolohe 3:17

Ko nā mea uma la e fai e koutou, e tatau ke fai e koutou mo te Aliki ko Iehu, e vē oi fakafetai koutou kui atu ia te ia, ki te Atua te Tamana.

Epelu 13:15

E tatau ai la ke ofo ake pea lava e ki tātou he tāulaga ki te Atua e ala ia Iehu, he tāulaga e ofo ake i nā laugutu kāfai ki tātou e lea vē, “ko ia ko to tātou Aliki.”

Epelu 4:15

Ko te Ulu Ohitāulaga mo ki tātou e mālamalama i nā mea e vāivai ai ki tātou. Auā na fakaohoohogia i nā auala kehekehe uma e vē foki lava ko ki tātou, kae e hēki agahala.

Epelu 7:25

Ma e ia mafaia la, i te taimi nei ma taimi uma, ke fakaola ki lātou e ōmamai ki te Atua kui ia te ia, auā ko ia e ola pea ke pa ki te fakavavau, ke fautua ki te Atua mo ki lātou.

Iakopo 1:5

Kae kāfai he tino o koutou e hē ia te ia te poto, tatalo ki te Atua, ma ka ia fōki atu ki a te koe. Auā ko te Atua e kaimakoi ki ho he tino.

Iakopo 5:16

Ko te mea ia, e tatau ke fakamāhani koutou i te takutaku atu o agahala a tētahi ki tētahi ma tatalo tētahi mo tētahi, kae ke mālōlō ai koutou. Ko te tatalo a te tino lelei, e mālohi ma e fehoahoani lahi lele ki a te ia.

1 Petelu 2:5

Ōmamai ko koutou foki ni fatu e ola pea lava, ke fakaaogā koutou i te fauga o te mālumalu fakateagaga, te mea ka tautua ai koutou e vē ni ohitāulaga paia, ke ofo atu nā tāulaga e fiafia ki ei te Atua e ala ia Iehu Keliho.

1 Ioane 3:22

E maua e ki tātou mai ia te ia, ho he mea e gogō atu ki tātou ki ei, auā ko ki tātou e uhitaki ki nā mea e fakatonu mai e ia, ma e fai e ki tātou nā mea e fiafia ia ki ei.

1 Ioane 5:14

Ma e ia te ki tātou te loto mautinoa i te hokotaga a ki tātou ma te Atua, kāfai ki tātou e gogō atu ki a te ia i ho he mea e tuha ai ma tona finagalo, e ia lagona mai ki tātou.