Ioane 14:12 - Tokelauan New Testament

¹² E takutino atu e au ki a te koutou te meamoni, ko nā tino e talitonu mai ki a te au, ka ki lātou faia nā mea e kō faia; ma ka ki lātou faia nā mea e hili atu te lalahi, auā ko au e fano ki te Tamana.

Ioane 14:12 ပူးပေါင်းရင်းမြစ်များ

Mataio 21:21

Kae kua tali atu ia Iehu, “E lea atu au ki a te koutou, kāfai koutou e talitonu ma hē māhalohalo, e mafai e koutou oi fai te mea na fai e au ki te mati. E hē gata i tēnā, e mafai foki e koutou oi lea atu ki te mauga tēnei, ‘Fakamahiki ma togi ki loto o te tai,’ ma ka vēnā lava ona fai.

Maleko 11:13

Na ia kitea mamao atu he mati e tū mai ma ona lau e lahi. Oi havali ai ki ei ke kite pe i nā ia maua ai ni fuāmati. Kae pa atu ki ei, ni lau oioti lava te i ei, ona ko hēki pa ki nā aho o te fuata mati.

Maleko 16:17

Ko nā tino kua talitonu ka ia te ki lātou te pule e fai ai nā vāvega; ka ki lātou tuli kehea nā tēmoni; ka tautatala i nā gagana kehe;

Ioane 14:28

Kua uma te koutou lagona toku lea atuga, ‘Ko au e fano kehe, kae ko au e toe hau ki a te koutou.’ Kāfai koutou e alolofa moni mai ki a te au, e tatau koutou ke fiafia ko au e fano ki te Tamana; auā e hili atu tona tāua i lo au.

Ioane 16:7

Kae ko au e lea moni atu ki a te koutou; e hili atu mo koutou kāfai au e fano kehe, auā kāfai au e hē fano, ka hē hau foki te koutou Fehoahoani. Kae kāfai au e fano kehe, oi ka kō uga maia ai ia, ki a te koutou.

Ioane 4:37

Auā e hako lava te fakakupuga, ‘E totō e tētahi tino, kae helehele e hētahi.’

Ioane 5:20

Auā ko te Tamana e alofa ki te Ataliki, ma e ia fakailoa ki ei nā mea uma a ia e fai. Ka fakailoa e ia ki ei nā mea e hili atu te ofoofogia i lo nā mea iēnei, ma ka taufai ofo uma ai koutou.

Ioane 7:33

Oi lea atu ai ia Iehu, “Ko au ka fakatahi ma koutou mo hina taimi, oi fano ai au ki tē na ia uga maia au.

Ioane 7:39

Ko te kupu tēnei a Iehu na fai fakatatau ki te Agaga Paia, tēia na tuku e maua e nā tino kua talitonu. I te taimi tēnā, ko hēki tuku atua e te Atua te Agaga Paia, auā ko Iehu ko hēki hiki akea ki tona mamalu.

Gāluega 10:46

Auā kua ki lātou lagona atu kua tautala i ni gagana kehe, ma viviki ake ki te hilihili kehe o te Atua. Kua lea vē atu ia Petelu;

Gāluega 16:18

E lahi lele nā aho na fai ai tana mea tēnei, ma kua fai ma mea e tīgā ai te loto o Paulo ma na māfuli atu ai oi lea vē atu ki te agaga kino, “I te igoa o Iehu Keliho e kō fakatonua atu ai koe ke hau loa ki fafo o te tautiti tēnā!” Ko te taimi lava tēnā na hau ai ki fafo o te tautiti te agaga kino.

Gāluega 19:12

Ke pa lava ki nā holoholo ma nā kie talipefu nae fakaaogā e Paulo, na kave ki nā tino tauale ma na tuli kehe ai o lātou tauale, ma olo ai ki fafo nā agaga kino mai ia te ki lātou.

Gāluega 2:33

Kua hikitia ake ia ki te itū taumatau o te Atua tona Tamana, ma kua tuku atu ki a te ia te Agaga Paia, e vē oi folafola e tona Tamana ki a te ia. Ko te mea la kua kikila ma fakalogo koutou ki ei nei, ko tana meaalofa tēnā kua liligi ifo ki o mātou luga.

Gāluega 2:41

E tokalahi na talitonu ki tana fekau ma na papatihogia, ma na maua te tai toluafe o ki lātou na fakaopoopo ki te vāega kua talitonu, i te aho tēnā.

Gāluega 4:16

Kua fakatau fehili tētahi ki tētahi vēnei, “He ā nei ta ki tātou ka fai ki te toka lua tēnei? Kua iloa e tagata uma lele e nonofo i Ieluhalema, te vāvega ofoofogia na ki lā faia, ma e hē mafai ki tātou ke lea e hēki ki lā faia te mea tēnei.

Gāluega 4:33

Na molimau te kau apohitolo ki te toetū o te Aliki ko Iehu i he tūlaga matuā mālohi, ma na liligi e te Atua ki luga o ki lātou uma nā fakamanuiaga e lahi.

Gāluega 4:4

Kae e tokalahi nā tino na fakalogo ki te fekau ma talitonu ki ei; ma na tuputupu ai pea lava te nūmela o tagata na fakapotopoto ki ei, ma na maua he limaafe pe ā.

Gāluega 5:15

Ona ko nā mea a te kau apohitolo nae fai, na tahiki ai nā tauale ki luga o nā auala ma tuku ki luga o nā hofa ma nā epaepa, kae ke tau lava ko te ataata o Petelu ke pa ki luga o he vāega o ki lātou, kāfai e haele ake i te auala.

Gāluega 6:7

Ma ko te kupu a te Atua kua halalau pea lava. Kua tuputupu pea lava te nūmela o tagata kua talitonu ki a Iehu i Ieluhalema; ma e tokalahi nā ohitāulaga na ki lātou taliagia te Tala Lelei.

Gāluega 8:7

Na taukekē nā agaga kino ma olo ki fafo mai ni tino e tokalahi, ma e tokalahi foki nā tino e mate ni itūtino ma nā pipili, na fakamālōlōgia.

Gāluega 9:34

Oi lea vē atu ai ki ei ia Petelu, “Ainea, ko koe ka fakamālōlō e Iehu Keliho i te taimi nei. Tū ki luga oi fefetu tō moega.” Ko te taimi lava tēnā na tū ai ki luga ia Ainea kua mālohi.

Gāluega 9:40

Kua uga e Petelu ia tagata uma ki fafo o te potu, ma tōtuli ai ki lalo ma tatalo; oi māfuli atu ai ki te tinooti ma lea vē atu ki ei, “Tapita, tū ki luga!” Na pupula loa ia mata o te fafine, ma i te ia kitea atuga o Petelu, oi nofo ai ki luga.

Loma 15:19

i te mana o nā vāvega ma nā mea ofoofogia, ma i te mana o te Agaga o te Atua. Ma kua uma te tālaki e au te Tala Lelei ki a Keliho, e kāmata mai i Ieluhalema ke pa ki Ilulikou.