Ioane 13:38 - Tokelauan New Testament

³⁸ Kua tali mai ia Iehu, “Ko koe moni kua hāuni ke oti mo au? E takutino atu e au ki a te koe te meamoni: ka ko hēki vivini ia moa ka kua fakafiti fakatolu koe, e hē kē iloa au.”

Ioane 13:38 ပူးပေါင်းရင်းမြစ်များ

Mataio 26:34

Oi lea atu ai ia Iehu ki a Petelu, “E takutino atu e au ki a te koe te meamoni, ka ko hēki vivini ia moa i te pō nei, ka kua fakafiti fakatolu koe, e hē kē iloa au.”

Maleko 14:30

Oi lea atu ai ia Iehu ki a Petelu, “E takutino atu e au ki a te koe te meamoni, ka ko hēki vivini fakalua te moa i te pō nei ka kua fakafiti fakatolu koe, e hē kē iloa au.”

Luka 22:33

Kua tali atu ia Petelu, “Te Aliki, ko au kua hāuni ke olo ma koe ki te falepuipui, ma ke oti fakatahi ma koe!”

Luka 22:34

Kua lea atu ia Iehu, “E takutino atu e au ki a te koe Petelu, ka hē vivini lele ia moa i te pō nei, heiloga koe kua fakafiti fakatolu, e hē kē iloa au.”

Ioane 16:31

Kua tali atu ia Iehu ki a te ki lātou, “Kua talitonu la koutou i te taimi nei?

Ioane 21:17

Kua fakatolu oi fehili atu ia Iehu, “Himona, te ataliki o Ioane, e alofa mai koe ki a te au?” Kua lagona e Petelu te fakanoanoa ona kua fakatolu oi fehili ake ia Iehu, “E alofa mai koe ki a te au?” oi lea vē atu ai, “Te Aliki, e iloa e koe nā mea uma; e iloa e koe ko au e alofa atu ki a te koe!” Kua vāgana atu ia Iehu ki ei, “Tauhi aku māmoe.

Gāluega 11:10

Na fakatolu lava ona fakatonu vēnei ia Petelu e te Atua, oi toe kavake ai ki i te lagi te mea tēnei.

1 Kolinito 10:12

Kāfai koutou e manatu e mau lelei autou tutū, fakaeteete la nā koutou e pakukū.