Ioane 13:37 - Tokelauan New Testament

³⁷ Kua fehili atu ia Petelu, “Te Aliki, aiheā te hē mafai ai au ke mulimuli atu ki a te koe i te taimi nei? Ko au kua hāuni ke oti mo koe!”

Ioane 13:37 ပူးပေါင်းရင်းမြစ်များ

Maleko 10:39

Kua tali mai ki lāua, “E ki mā mafaia.” Oi vāgana atu ai ia Iehu ki ei, “Ko te ipu e inu ai au ka inu ai koulua, ma ko te papatihoga e papatiho ai au ka papatiho ai koulua.

Ioane 21:15

Kua uma te lātou kakai, oi fehili atu ai ia Iehu ki a Petelu, “Himona te ataliki o Ioane, e hili nei tō alofa mai ki a te au i lo ki lātou iēnei?” Kua tali mai ia Petelu, “Io, te Aliki, e iloa lava e koe ko au e alofa atu ki a te koe.” Kua vāgana atu ia Iehu, “Tauhi aku punuamāmoe.”

Gāluega 20:24

Kae ko toku ola e hē tāua ia te au; oioti lava te mea e fofou au ki ei, ke fakataunuku te mea na tōfia ai au ma fakauma te gāluega na fōki mai e te Aliki ko Iehu ki a te au ke fai, ko te tālakiga tēnā o te Tala Lelei e uiga ki te alofa tūnoa o te Atua.

Gāluega 21:13

Kae kua vēnei mai tana tali, “He ā te faitatagi vēnā ai koutou ma fai ai ma mea e vāivai ai toku loto? Ko au kua uma te hāuni, e hē gata ke noanoa i Ieluhalema, kae ke mate foki i kinā mo te Aliki ko Iehu.”