Ioane 13:33 - Tokelauan New Testament

³³ Taku fānau, kua hē mataloa hoku taimi ma koutou. Ka koutou hakilia au; kae ko te mea na lea ai au ki nā takitaki o Iutaia, ka lea atu ai foki au ki a te koutou, ‘E hē koutou mafaia oi olo ki te mea e fano au ki ei.’

Ioane 13:33 ပူးပေါင်းရင်းမြစ်များ

Ioane 13:36

Kua fehili atu ia Himona Petelu. “Te Aliki, ko koe e fano ki fea?” Kua tali mai ia Iehu, “E hē kē mafaia oi mulimuli mai ki te mea e fano au ki ei i te taimi nei, kae e hau te taimi oi mulimuli mai ai koe ki a te au.”

Ioane 14:19

Toeititi oi hē toe kitea au e te lalolagi, kae ka koutou kitea au; ma ona ko au e ola, ka ola ai foki koutou.

Ioane 14:2

E lahi nā potu i te fale o toku Tamana, ma ko au e fano oi hāuni he mea ke nonofo ai koutou. E hē mafai au ke lea atu vēnei, anei ake e hēai.

Ioane 7:36

He ā te uiga o tana tala na fai vē, ‘Ka koutou hakilia au, kae ka hē koutou maua au,’ ma, ‘E hē koutou mafaia oi olo ki te mea ka i ei ai au?’ ”

Kalatia 4:19

Taku fānau pele! E vē o na lagona nā tīgā e he mātua kāfai ka fānau, e vēnā foki oi lagona e au nā tīgā, ke pa lava ki te taimi e kavea ai koutou ke vē ko Keliho.

1 Ioane 2:1

Ko au kua tuhi atu ki a te koutou taku fānau, kae ke nahe faia ai e koutou te agahala; kae kāfai he tino e agahala, e i ei te tino e fautua ki te Tamana mo ki tātou — ko Iehu Keliho, tē e āmiotonu.

1 Ioane 4:4

Kae ko koutou taku fānau, e o te Atua koutou, ma kua fakatōkilalo e koutou nā pelofeta pepelo, auā ko te Agaga e ia te koutou e mālohi lele atu ia i lo te agaga e i nā tino o te lalolagi.

1 Ioane 5:21

Taku fānau, koutou ke tau mamao ma nā atua pepelo!