Ioane 13:31 - Tokelauan New Testament

³¹ Kua fano kehe ia Iuta, oi vāgana atu ai ia Iehu, “Ko te taimi nei e fakaalia ai te mamalu o te Ataliki o te Tagata; ko te taimi nei e fakaalia ai te mamalu o te Atua e ala i te Ataliki o te Tagata.

Ioane 13:31 ပူးပေါင်းရင်းမြစ်များ

Mataio 8:20

Kua tali atu ia Iehu ki a te ia, “E fai ia lua o ālope ma fai ia ōfaga o manulele; kae ko te Ataliki o te Tagata e hēai he mea ke takoto ki ei ke mālōlō ai.”

Luka 12:50

E i ei te papatihoga e papatiho ai au, ma ka popole pea lava toku loto ke pa ki te taimi e fakataunuku ai!

Ioane 11:4

Kae i te lagonaga e Iehu o te mea tēnei, oi lea vē ai, “Ko te ikuga mulimuli o te tauale o Lahalo e hē ko te oti; ko te mea tēnei kua tupu ke fakaalia ai te mana o te Atua, ma ke vīkia ai te Ataliki o te Atua.”

Ioane 12:23

Kua tali mai ia Iehu ki a te ki lātou, “Kua pa mai te itūlā e fakatū ake ai te Ataliki o te Tagata ki tona mamalu.

Ioane 12:28

Te Tamana, fakaali ko tō mamalu ke kitea e tagata!” Oi tautala ifo ai he leo mai te lagi kua vē ifo, “Kua uma te kō fakaaliagia o toku mamalu, ma e toe kō fakaalia foki.”

Ioane 14:13

Ho he mea lava e gogō atu koutou ki ei i toku igoa, e fai e au, kae ke fakailoa ai te mamalu o te Tamana, e ala i te Ataliki.

Ioane 16:14

Ka ia fakailoa toku mamalu, auā ka talia e ia nā mea e lea ai au, ma folafola atu e ia ki a te koutou.

Ioane 7:39

Ko te kupu tēnei a Iehu na fai fakatatau ki te Agaga Paia, tēia na tuku e maua e nā tino kua talitonu. I te taimi tēnā, ko hēki tuku atua e te Atua te Agaga Paia, auā ko Iehu ko hēki hiki akea ki tona mamalu.

Gāluega 2:36

“Ko te mea ia e tatau ai ke iloa ma mautinoa e koutou nā tino Ihalaelu uma, ko te Iehu tēnei, tēia na koutou fakahātauloagia, ko te tino ia kua fai e te Atua ma Aliki, ma ko ia ko te Mehia!”

Gāluega 3:13

Ko te Atua o Apelaamo, o Ihaako ma Iakopo, te Atua o nā tupuna o ki tātou, na ia fōkia te mamalu ki a Iehu tana kaukauna. Kae kua koutou tukulima atua ia ki takitaki o Iutaia, ma teteke e koutou i mua o Pilato, e ui lava na tonu ia Pilato ke fakahaoloto.

2 Kolinito 3:18

Ko ki tātou uma la te kitea ai te huhulu pupula o te Aliki e ala i o tātou fōliga e hē pupunia i he kie ufimata; ma ko te huhulu pupula lava tēnā e fokotahi e hau mai te Aliki, ko ia ko te Agaga, e ia fakaliuagia ki tātou ke vē lava ko ia, i he huhulu pupula e hilihili te uiga kehe.

Efeho 1:12

Ko ki tātou la iēia na muamua oi tuku atu o tātou fakamoemoe ki a Keliho, keina tātou vīkia te mamalu o te Atua.

Efeho 2:7

Na fai e ia te mea tēnei ke fakaalia ai mo taimi uma lele koi mua, te tūkehe o te lahi o tona alofa tūnoa, e ala i te agalelei o Keliho Iehu ki a te ki tātou.

Efeho 3:10

kae ke fai ai te Ekalehia i nā aho nei, ma auala ke iloa ai e te kau agelu pule ma mālohiaga i te lagi, te matalahi o te poto o te Atua.

Filipi 2:11

ma ka takutaku atu e ki lātou uma lele ko Iehu Keliho ko te Aliki, ke vīkia ai te Atua te Tamana.

1 Petelu 1:21

Ona ko nā mea kua koutou iloa e uiga ki a Keliho, kua talitonu ai koutou ki te Atua tē na ia fakatūa ia Keliho mai te oti, ma tuku atua ki a te ia te mamalu; ko te mea ia kua mautū ai te koutou fakatuatua ma te fakamoemoe ki te Atua.

1 Petelu 2:12

E tatau ke lelei autou āmio i te kikila a nā tino fakapaupau. Kāfai la ka faitiogia koutou e ki lātou ma lea e koutou faia nā āmioga kino, ka mafai ke ki lātou kitea autou gāluega lelei ma viviki ake ai ki te Atua i te Aho e haele mai ai.

1 Petelu 4:11

Kāfai ko tau meaalofa ko te poto oi tautala, folafola te fekau a te Atua. Kāfai ko tau meaalofa ko te fehoahoani ki iētahi tino, tautua la ki iētahi tino i te mālohi e fōki atu e te Atua. Kae e tatau nā mea uma iēnei ke fai i he auala e maua ai he vīkiga mo te Atua e ala ia Iehu Keliho, tē e o ia te mamalu ma te mālohi ke pa lava ki te hēgata.