Ioane 13:20 - Tokelauan New Testament

²⁰ E takutino atu e au ki a te koutou te meamoni: ko ai lava e talia e ia he tino e uga atu e au, kua ia talia foki au; ma ko ai lava e ia talia au, kua ia talia foki tē na ia uga maia au.”

Ioane 13:20 ပူးပေါင်းရင်းမြစ်များ

Mataio 25:40

Ma ka tali vē atu te Tupu ki ei, ‘E takutino atu e au ki a te koutou: ho he taimi lava na koutou faia ai te mea tēnei ki hētahi o ki lātou nei oku uho e pito hili te fakaalofa, na koutou faia te mea tēnā ki a te au!’

Maleko 9:37

“Ko ai lava he tino e ia talia he tamaiti vēnei i toku igoa, kua ia talia foki au; ma ko ai lava e ia talia au, kua ia talia foki tē na ia uga maia au.”

Luka 10:16

Kua vāgana atu ia Iehu ki ona hoko, “Ko ai lava e fakalogo atu ki a te koutou, e fakalogo mai foki ki a te au; ko ai lava e teteke ki a te koutou, e teteke mai foki ki a te au; ma ko ai lava e teteke mai ki a te au, e teteke foki ki tē na ia uga maia au.”

Luka 9:48

kae lea vēnei atu ki a te ki lātou, “Ko ai lava he tino e ia talia te tamaiti tēnei i toku igoa, kua ia talia foki au; ma ko ai lava e ia talia au, e ia talia foki tē na ia uga maia au. Auā ko te tino o koutou e pito hili ona hē tāua, ko ia tēnā e hili atu tona tāua.”

Kalatia 4:14

E ui lava nae lahi nā fakafītāuli na feagai ma koutou ona ko toku faitauale, kae e hēki kavea tēnā ma mea ke inoino mai ai koutou ki a te au, pe teteke mai ai foki. Kae na koutou talia au e vē oi talia e koutou he agelu mai te lagi; na koutou talia au e vē oi talia e koutou ia Keliho Iehu.

Kolohe 2:6

Ona kua koutou taliagia ia Keliho Iehu ko te Aliki, ola foki la i te māfutaga fakatahi ma ia.

1 Tehalonia 4:8

Ko te mea ia, ko ai lava e teteke ki te akoakoga tēnei, e hē ko te tagata te kua ia tetekea, kae ko te Atua tē e ia fōki atua ki a te koutou, tona Agaga Paia.