Ioane 13:18 - Tokelauan New Testament

¹⁸ “Ko au e hē tautala e uiga ki a te koutou uma; E iloa e au nā tino kua kō filifiliagia. Kae e tatau ke taunuku te tuhituhiga paia e lea mai, ‘Ko te tino na kakai fakatahi ki māua i aku meakai, kua fakahagatau mai ki a te au.’

Ioane 13:18 ပူးပေါင်းရင်းမြစ်များ

Mataio 10:36

ko nā fili e hili te kino o he tino, ko nā tino lava o tona kāiga.

Mataio 26:21

Ka koi fai te lātou kaiga, kae lea atu ia Iehu, “E takutino atu e au ki a te koutou te meamoni, e i ei te tino o koutou ka ia fakalatagia au.”

Mataio 26:23

Kua tali mai ia Iehu, “Ko te tino e lolō tana falaoa ki loto o te ipu fakatahi ma au, ko ia tēnā te ka ia fakalatagia au.

Maleko 14:17

Kua pa ki te pō, oi ōmamai ai ia Iehu fakatahi ma ona hoko e toka hefululua.

Maleko 14:18

Ka koi kakai ki lātou i te laulau, kae vāgana atu ia Iehu, “E takutino atu e au ki a te koutou te meamoni, e i ei te tino o koutou ka ia fakalatagia au — he tino e kakai fakatahi ma au.”

Maleko 14:20

Kua lea mai ia Iehu, “Ko he tino lava e o te koutou toka hefululua, te tino e lolō tana falaoa ki loto o te ipu fakatahi ma au.

Luka 22:21

“Kae, kikila! Ko te tino ka ia fakalatagia au, e i kinei i te laulau fakatahi ma au!

Ioane 13:21

Kua uma te lea atu vēnei o Iehu, oi lagona ai e ia te loto fakanoanoa lahi, ma fai ai tana takutinoga e vēnei, “E takutino atu e au ki a te koutou te meamoni: e i ei te tino o koutou ka ia fakalatagia au.”

Ioane 13:22

Ko te kau hoko, kua taufai kikila tētahi ki tētahi, e hē ki lātou hāfia lele pe ko ai te tino e fakauiga ki ei tana kupu.

Ioane 13:26

Kua tali mai ia Iehu, “Ko te tino ka fōki e au ki ei te mea falaoa kāfai e uma te kō lolōa ki loto o te ipu, ko ia tēnā.” Oi tago ai ki te mea falaoa, kua lolō ma foki ki a Iuta, te ataliki o Himona Ihikaliota.

Ioane 15:16

E hēki koutou filifilia au, kae na kō filifilia koutou ma tōfia ke olo ma fua mai ni fua e lahi, te itūkāigā fua e tūmau pea. Oi fōki atu ai e te Tamana ki a te koutou, ho he mea lava e gogō atu koutou ki ei, i toku igoa.

Ioane 15:19

Kāfai koutou e o te lalolagi, e alolofa atu foki te lalolagi ki a te koutou, ona ko koutou ni tōtino e o ia. Kae na kō filifiliagia koutou mai te lalolagi, ma ko koutou e hē o te lalolagi; ko te mea ia e inoino atu ai te lalolagi ki a te koutou.

Ioane 15:25

Ka ko te mea tēnei, na tatau lava ke tutupu kae ke taunuku ai te mea kua tūhia ia lātou Tūlāfono: ‘Kua inoino mai ki lātou ki a te au e aunoa ma he pogai.’

Ioane 17:12

Ka koi i ei au ma ki lātou, na puipui malu e au ki lātou i te mana o tō igoa, te igoa na kē tuku maia ki a te au. Na leoleo e au ki lātou, ma e hēki i ei he tino o ki lātou na galo, vaganā ai te tino na tonu lava e galo — kae ke taunuku ai te kupu i te tuhituhiga paia.

Ioane 18:32

(Ko te mea tēnei na tupu, kae ke taunuku ai te mea na lea ai ia Iehu, e uiga ki te itūkāigā oti e oti ai ia.)

Ioane 19:24

Kua lea atu tētahi fitafita ki tētahi, “Nahe hahaea te kofu, kae fai he tātou vili pe ko ai te tino ka kave mo ia.” Na tupu te mea tēnei, kae ke taunuku ai te mea e lea mai ai te tuhituhiga paia: “Na tufa e ki lātou oku kofu mo ki lātou ma fai te lātou vili pe ko ai te ia kavea toku kofu tatao.” Ma ko te mea tēnei na fai e nā fitafita.

Ioane 19:36

Ko te mea tēnei na fai ke taunuku ai te kupu i te tuhituhiga paia e vē mai: “Ka hēai he ivi e fokotahi i tona tino e gagaua.”

Ioane 21:17

Kua fakatolu oi fehili atu ia Iehu, “Himona, te ataliki o Ioane, e alofa mai koe ki a te au?” Kua lagona e Petelu te fakanoanoa ona kua fakatolu oi fehili ake ia Iehu, “E alofa mai koe ki a te au?” oi lea vē atu ai, “Te Aliki, e iloa e koe nā mea uma; e iloa e koe ko au e alofa atu ki a te koe!” Kua vāgana atu ia Iehu ki ei, “Tauhi aku māmoe.

Ioane 6:70

Kua tali atu ia Iehu, “Na kō filifilia te koutou toka hefulu lua? Kae ko tētahi o koutou, ko he tiāpolo.”

Gāluega 1:16

Kua lea vē atu, “Te kau uho, kua tatau lava ke fakataunuku te mea e tākua i te tuhituhiga paia e uiga ki a Iuta, tē na ia takitakia nā leoleo o te Mālumalu ke ki lātou pukeagia fakapagotā ia Iehu. Ko te mea tēnei na valoia e te Agaga Paia i nā aho kua leva lele, e ala mai ia Tavita.

Gāluega 1:2

ke pa lava ki te aho na hikitia ake ai ki te lagi. Ka ko hēki hikitia la, kae fai tana fakatonuga e ala i te mana o te Agaga Paia ki nā taulelea na ia filifilia, ke fai ma ana apohitolo.

2 Kolinito 4:5

Auā e hē tālakia e ki mātou e uiga ki a te ki mātou lava; e tālaki e ki mātou ko Iehu Keliho ko ia ko te Aliki, ma ko ki mātou ni kaukauna ki a te koutou ona ko Iehu.

Epelu 4:13

E hēai lele he mea e mafai ke mumuni i te Atua; ko nā mea uma lele na gaohia e hula ma e manino lele i te kikila a te Atua. Ma ko ia te tatau ki tātou ke tali atu ki ei, e tuha ai ma a tātou mea uma na fai.

Fakaaliga 2:23

Ka kō tāmatea foki nā tino e mulimuli ki te fafine, ma ka iloa ai e nā Ekalehia uma, ko au te tino e ia iloa ia manatu ma manakoga o tagata uma lele. Ka kō tauia koutou tau tokatahi uma, e tuha ai ma autou mea nae fai.